السلام عليكم
الله لايصبحكم إلا بالخير
مادري وين انزل هالموضوع بس الظاهر انه هنا
المهم
فتحت جامعه بالمنطقه الشرقيه وتحديدا على طريق الهافمون العزيزيه وصاحب هالجامعه الامير محمد بن فهد الله يطول عمره ويخليه لنا ذخر
مناسبة هالموضوع كان بوه واحد من الربع يتقهوا العشاء عندي موظف بأرامكو وجا طاري الدراسه وقلت له ليش ماتكمل وهو معه دبلوم هندسه كهربائيه وليتن ماقلت له أول ماقام ينهتوهو يعاف القهوه عيا يشرب الفنجال ضاقت بوه الوسيعه
قلت ياولد وش الطاري وش بلاك قال بقولك ليه مابي هالطاري ........! <__ والله تهولت قلت يمكن بوه مرض
يقول واحد من زملائه بالعمل نفس المؤهل دبلوم وأخذ موافقه من أرامكو وكمل بالبحرين وللي ماعنده خبر جامعات البحرين رخيصه تقريبا الترم مابين 2800 ألى 3000 من تخصص لتخصص يفرق
وزميله هذا حسيت بوه قراده وراح كمل بالبحرين هندسه يبي يصير مهندس حلو الطموح
وزي ماهو معروف ماتكمل الا تأخذ موافقه من عملك عشان يكون عندهم خبر وراح الولد واجتهد وتعب لدرجة يطلع من دوامه العصر يمر البيت يتقهوا مع شيبانه ويطلع للبحرين يدرس ومايرجع الا الساعه 10 ونص بالليل وعلى هالحال 3 سنوات ..........
وابشركم تخرج وبمعدل حلو لأن الولد مخ صافي <___ مو زيي قواطي وغبار براسي
وجا مبسوط وقدم الشهاده للعمل يبي يكمل فرحة اهله أنه صار مهندس طول ينتظر انهم يقولون له خلاص تبي تتعين بالمكان الفلاني حس ان محد طق له خبر
وهو يغزي عليهم طير شلوى الباش مهندس
تدرون وش قالو له ............؟
شهادتك ماهي معتمده
وللمعلوميه هم موافقين عليها من اول ومعتمده عندهم
تدرون ليش ماهي معتمده ...........؟
لأنه مو متخرج من جامعة طويل العمر
وقال له الموظف منت متخرج من جامعة الامير محمد بن فهد وجاينا قرار مانعتمد اي مهندي او اداري جامعي مايكون من خريجي جامعة الامير محمد بن فهد<_ معهم حق
وللأفاده أكثر الساعه الوحده بالجامعه 1770 ريال
يعني احسب الترم كم فيه ساعه .............؟ يعني يبيلك تدعي ان ابوك يصير هامور
اللي خلاني اكتب هالموضوع عندي أخو هذي آخر سنه له وين أوديه ؟؟؟؟؟ إذا جامعاتنا تقطك تاريخ او جغرافيا وإذا تجملو بك حطوك لغه عربيه بيض الله وجيههم
واللي يبي أخوه يصير مهندس وش يسوي فيه دام جامعة الملك فهد للبترول والمعادن مناهجها تقول مسويها يهودي من صعوبتها
لاانا اقدر ادرسه بالبحرين ولااقدر ادفع 1770 ريال للساعه الوحده .... يعني اخليه يضيع عمره تاريخ وجغرافيا ويتخرج وينطق بالبيت يلعب بلوت ويراسل ميوزك بلبس
واللي يقول خله يجيب نسبه ويقدم تذكرون الفضايح اللي تصير كل سنه بالقبول عندنا ومن ضمنهم وحده اسمها منيره الشمري نسبتها 98% ماانقبلت بكلية الطب العام الماضي بجامعة الملك فيصل بالدمام
من يحمينا من هالظلم اللي حاصل يعني إذا مالي واسطه أضيع ويضيع مستقلبي ؟؟؟؟؟
الله المستعان بس
انتظر تفاعلكم
رد مع اقتباس
المفضلات