زيادة راتب يا محيي الدين..
_ ملك السعودية يستهل عام 2008 بدعم "الأعلاف
_ شركات الألبان السعودية تعتزم رفع الأسعار 20% الأيام القليلة المقبلة
هذه الإخبار أهلكت الشعب السعودي هذه الأيام ولا حياة لمن تنادي ...طعام الاوادم بارتفاع متواصل وعلف البهايم يدعمونه ..ياقهري قهراه.... وعلى فكرة انواع العلف المدعوووم هي النخالة الصفراء ودبس السكر ونخالة الرزززز..وهي صالحة للاستخدام الادمي... والدور على الألبان بعد ...شكوانا لله.. وان شاء الله ماتكفى بعلاج أصحاب مصانع الألبان..
وتتوالى الحكومات في رفع رواتب موظفيها حتى وصل الأمر إلى إن بعض هذه الحكومات تستقبل تبرعات من المملكة ...حتى سيرالانكا هي الأخرى رفعت رواتب موظفيها بالسعودية...وش نخلي وش نقول ياخي تعبنا .. اليوم حبيت أجدد مع صاحب البيت اللي انا ساكنه ورفض ويقول لي اجل التجديد بعد شهرين ليه ... يقول نبي ننتظر خبر الزيادة وبعدها يصير خير ..>> (( يابن ال*** )) يمكن مافيه شي ..تدرون ماهي غلطتة (( أسف ياصاحب البيت وإذا هي على ابن ال*** نغيرها ونقولك يابن الحلال )) تدرون غلطة الدولة اللي تركت مروجين الإشاعات يسرحون ويمرحون والدولة إذن من طين وإذن من عجين ..حسبي الله ونعم الوكيل ..
وأخيرا...أبي أعرفكم على محيي الدين ..
محيي الدين عامل عصامي ((طير شلوى )) يعاب علية انه قصير القامة .. يعتمد على سطل الصبغ وفيري وليفة وبروش ويجوب الشوراع في طلب الرزق ويعتبر من امهر البنغاليين في غسيل السيارات أتعامل معه بالشهر أعطية 40 ريال وما دام بعض الحكومات الفقيرة مثلي رفعت أجور موظفيها قررت مايلي :
- رفع راتبه الشهري لغسيل سيارتي من 40 ريال إلى 50 ريال .. وصرف راتب شهر عربون محبة اعتبارا من الراتب الجاي...
رد مع اقتباس
المفضلات