السلام عليكم ورحمة الله
\
بالخير يافلاويه الله يحييني بينكم غصب عنكم
جيتكم شاكين الضيم والظلايم من خوة اثنين عندكم وهم
ابوخليف وابوثوب خاويتهم بلي كشتتن العام ياعله ماعادت
كشته ..
خلوني ابدا
بيومن اقشر كنت جالس مع الربع وهم [ ابوخليف ابوثوب والمطنوخ ]
وقال ابوخليف وهو يفتل شنباتوه الي خصصن لقلص السيارات
قال ياعيال الجو حلو وودنا نطلع يم هالبر نكشت ونستانس ونوسع
صدورنا ..
قلت انا تم قال ابوخليف الشاص والم والعزبه موجوده قال ابوثوب تراني
خويكم قلنا حياك
قال المطنوخ ابروح معكم نقز ابوخليف قال ماولله تفحج على مرتبت
الموتر
يوم غارن عويناته يبي البتسوه وهو يتحاما لابوخليف ويشبه بلوه مخمس
يوم تنقح ابوخليف على ظهره عاد هو سبحان الله لياطاح على ظهره مايقوم
يما نسحبه بشنبه ونمسك انا والاصيل شنبوه وكلن من طرف يما تعدل
وهو يقوم ويغول المطنوخ يما طـ ....
ويروح لوه جعير وبتسا يدرجن نخاريروه
ونرتسب انا على الباب وابوخليف يسوق وابوثوب مفحجن بالنص
رجلن عندي والاخرى عند ابوخليف وكل شوين يصيح ابوخليف وخر
رجلك يالمسبوع اخلفتن ويصطر ابوثوب لياصلهامتوه بالقزاز
ونفر ندور لنا محل طيب ولالقينا محل الا العصير وننزل واروح انا
الشقردي واشب النار واعمل القهوه والشاهي ومافطنت الا جعير ابوثوب
يقول افزع الحقوووني
يوم لوذت من ورا الجويب لبا ابوخليف مفحجن على رقبت ابوثوب ويقول
والله ماخليك يما تط..
واجيهم ابفكهم وعجزت عنهم واروح يمار بوه حطيبات سمر جايبهن ابوخليف
واسحب لي وحدتن وارص ابوخليف بمقرن كتوفوه لياهو على جنبوه
واقوم ابوثوب واصطره واصطره يما عض الارض
واخذ لي شوين [ فحمت]
ويوم وعا ابوخليف قال وين امي
قال وش نوحك علي ياشين يوم تضربن بهالخشبه قلت تستاهل يوم انت
مفحج على رقبة هاليتيم وش تبي بوه
قال يوم حولنا من الموتر انت رحت يم المعاميل وتزين القهوه ونا رحت يم ظل
الجويب ابغفي يما تخلص قهوتك اثري هالمذهوب راح ومسك طرف شنبي وربطوه
بكراعي وخذا الطرف الاخر وبكراعي الثانيه ويم قمت يمار متلولسن على روحي
تقل قش صلبه وابقوم مار منخثع بالشنب
ويوم خلصت روحي وطيتوه وطي
ونتقهوى ونعين من الله خير ويعجن ابوخليف لوه عجينتن يبي يسوي لوه
جمريه وانا اروح واخليهم عندي لي شغيل ويوم رجعت يممار ابوثوب بالمله
لوه جعير ويتمرقص من حر النار وابوخليف حاطن ركبتوه بحلق هاليتيم
واجيهم طايرن عن حيلي ويالله افردزهم لياالعجينة نصه بشوارب ابوخليف ونصه
ناشبن بوجه ابوثوب ونطلع ابوثوب من المله يمار محترقتن ..... مايقوى يجلس
وطول ليلوه منبطح يما نام وهو زعلان وانشد ابوخليف انت وش نوحك على هالضعيف
قال ماهو ضعيف ياعلوه بالذيب الي يعرش راسوه قلت لا لا عين خير وش هو مسوي
قال وانا اعجن الجمريه مافطنت الا الشاص يوم شغله هالمذهوب وهو يتله بالاول لياولله
خشتي بالتراب اثريه رابطن شنباتي بالقلص ويتلن بالجيب ويفر بي حلو نص ساعه
ولاوقف الا بمكانه الاول عقب مافر بي فر الويل وصار الي شفت
ومن باتسر رجعنا للديره وكلن كامشتن خشتوه ولايحاتسي الاخر زعلانين
وحلفت ما اخاويهم هالمقرد الخبول
عاد انت شرايكم بالله
عاد مايستفاد من هالسالفه
انكم ماتخاوون هالمقرد
وبعد نسيت اقولكم ان شنبات ابوخليف خربن
عقب ماهن ثابتات ومتعديات اذانوه صارن يتدودلن
ليارجلينوه وهذي صورة توضيتن لخشتوه
رد مع اقتباس
المفضلات