وندوز أكس بي والا فيستا ؟

**ريال الفسحه** · 27-12-2007 16:33

\

السلام عليهم ..

بالعربي يالربع انا جهازي احس انوه ادرك من هالبرامج الي
على ظهره وبدا يخثرف ويعلق شوين

فافكر اني افرمته واغير الوندز الى فيستا ومادري اذا هو مضبوط
والا للحين يعاني من مشاكل

سمعت ان بعض البرامج ماتركب عليه ؟

ابي رايكم ايهن احسن ؟

**سارة الجرباني** · 27-12-2007 19:23

مرحبا يااخوي ريال انا اشوف ان فيستا افضل لانه مطور

وانا عندي النظام في الاب توب فيستا ومرتاحه معاه

وانت شوف اللي يريحك لكن في النهايه كذا والا كذا انت راح تحط فيستا مثل حال اكس بي مع اللي قبله

بس فيستا يختلف شوي عن اكس بي اماكن الاشياء اللي كنت تعرفها تختلف

**ريال الفسحه** · 27-12-2007 22:32

يصير خير باذن الله ومدام مابه مشاكل عندك
نبي نزبطه باذن الله ..

وش اسم الفيستا الي عندك وهل له اصدارات
مميزه

والله اني دايح بهالامور

**سارة الجرباني** · 28-12-2007 23:11

مافهمت عليك

مادري اذا كاان قصدك على هذا ( windows vista ultimate )

**ملامح شمري** · 01-01-2008 01:08

اذا استخدامك للجهاز بسيط : انترنت , اوفس و العاب ..
غير للفسيتا بعد سنة و نص او سنتين ..
حزمة الخدمات الثالثة للاكس بي راح تنزل خلال 2008
الفيستا بالاضافة لاستهلاكه للموارد و متطلباته لموصفات عالية , اغلب البرامج غير متوافقة معه حاليا.

**عبدالله المهيني** · 01-01-2008 01:18

ريالووووووه

أنا عندي على اللاب توب Windows Vista

وبصراحه ممتاز جداً

ولا فيه أي مشاكل أبداً

بالعكس متطور أكثر من الاكس بي

توكل على الله ونزلوووه

**ابن جشعم** · 01-01-2008 17:16

لست متاكدا من وجود نسخه عربية كاملة للفيستا !!!!!!!

اغلب الشركات الكبيرة مثل ارامكو لم تعتمد الفيستا للحين

بأجهزته مثل مانت عارف يالغقيلي..

كما يوجد نسخ عديده من الوندوز الجديدة.

شوري عليك لاتستعجل

**المشرف العام** · 01-01-2008 19:51

مواصفات جهازك يالطربه ؟

وكم الرام عندك ؟

/

عشان اقصر عليك السالفه إذا الرام ماهو 2 قيقا ، استخر وخلك على الاكس بي

،

انا عندي فيستا بجهازين الرام قيقا ونص في كل واحد ومع كذا موعاجبني اداء الجهازين [ بينتوم 4 السرعه 3 قيقا ، انتل سينتريون 2 قيقا ]

بالاضافه إلى مشاكل بالهارد وير عدم توافقها مع فيستا واغلب برامجي السابقه لازم احدثها لتتوافق مع فيستا .

/

وسلامتك