[QUOTE=ابو رفحاء;558055]
المشاركة الأصلية كتبت بواسطة فواز الغسلان
[SIZE="5"][CENTER]
حياك الله اخوي ابو رفحاء وياهلا فيك00
لان برجس بن عردان ومياح الشلاقي وغريب الشلاقي وعقاب بن عجل وحواس ابن خمسان وهذه
الطبقه من الفرسان كان ظهورهم وبروزهم للساحه بعد شيخوخة الهربيد وموته فجميع هؤلاء كان
شبابهم وقوتهم وظهورهم قبل سقوط حائل بعشر سنوات تقريبا
وانا درست ذلك من اجل غريب الشلاقي لكونه تنطبق عليه الصفات اللي بالشيخه واشعاره حكم
ومضرب مثل في حين لم يذكر لبرجس ابن عردان شعرا 00
[COLOR="MediumTurquoise"]لم اقتنع حتى الان
ممكن تحدد لي الفترة التي عاش فيها عدوان الهربيد
لان انا احدد لك الفترة التي عاش فيها برجس بن عردان
من عام 1290الى عام 1363للهجرة تقريبا
وبروزه كان في وقت متقدم
وغزواته كانت في شبابه قبل السقوط بفترة طويله
مثل معركة نقيرة العرق
ومعركته مع شهاب الفقير
فابيك تحدد لي الفترة التي عاش فيها الهربيد كي ننظر ونتبين
بعدين شجاب طاري (غريب)
هلا اخوي ابو رفحاء وسعداء بالحوار معك00
واللي جاب طاري غريب الشلاقي اني قلت اني بحثت هالفتره لاني رايت ان غريب
ليش ماذكره الهربيد ووجدت انه هو وطبقته من الفرسان اللي ذكرت كانوا في وقت بروزهم هو وقت
الايام الاخيره للهربيد وربما انهم مامكنوه 00
فتربيعة الهربيد مع عساف الهربيد في مكيحيل كانت في وقت طلال الرشيد اي الفتره من عام
1262 حتى 1286 للهجره وهذه الفتره هي عز شباب الهربيد واخر ذكر للهربيد كانت مساجلته مع
راجي بن طوعان في حدود الفتره 1320للهجره يوم يدعي الهربيد بالمطر لنخلاته بالظلع ويعارضه
راجي ويدعي عليهن وكان الهربيد كبير بالسن000
ولامانع اننا نجيبهن لفائدة القراء لانهن رديات طرائف00
[poem=font=",7,orange,bold,normal" bkcolor="black" bkimage="" border="none,4," type=2 line=0 align=center use=ex num="0,black""]
أطلب ليا جت مزنتن هـيـدبيه = ملكن يشـايع له وملكن يسـوقه
تحدث بنضناض الرعد عقربيه = يشمخ كما أرقاب القلع مع وسوقه
تمطر على هدلاء وهدباء وأنا أدري = ونوير اللي سـايـحـاتن عـذوقه
زينات الرطـايب والشماليل كنهن = دلاخيم صفر(ن) من خواوير نـوقه[/poem]
قال الشاعر/ راجي بن طوعان السويدي رداً على الشاعر/عدوان الهربيد منها
[poem=font=",7,orange,bold,normal" bkcolor="black" bkimage="" border="none,4," type=2 line=0 align=center use=ex num="0,black""]
عسى لياجت مزنتن هـيـدبيـه = ملكن يشـايع له وملكن يسوقه
تزج الطخاء من مدهش الغيم غراء = وتسمك مع أرقاب القلع مع وسوقه
تبرق مـقـاديـمه وتمطر عقابه = وينّرن الثعالب للزبن عن حقـوقـه
عسى على حيـّة ليا العين للظهر = ليا جوّن اللي سـايـحـاتن عذوقه
جـوّن ليـامن الكريم إلتفت له = غـيـدن يطيّشن الـمرابد شلوقه
يشبع به الجيعـان واللي يحتري = والآهلي واللي نـزل في لـثـوقـه
دار اللذي كم بيدوا من بكـيره = ومن هبشـتن سمن العـرابي بروقه
أوي قمشت شـايـبن مـاخسربه = عقن ولا توبع عوارف حقـوقـه
خذوه بصنع البنت ياحفـدولـهن = حدبن ضرايبهن قليل (ن) عـتـوقـه
ياالله عسى في منزل الرسل منزله = إلى جـنان الخـلد ربي يسـوقـه
ماهي ديرتك ديرة حنيشن مصدع = مايسمع القاري شـطوبن شـدوقه
في ديرتك صوايـّة الليل كـنـّه = تصوي ولا تلقاء محاري شـروقـه
لعلهن با النيـصـة الحـظـرميه = النيـصـة اللي كل ضبن تذوقـه
نيصن ورى نيصن ونيصن وراهـن = ونيصن مع البطحاء ونيصن يـحـوقه
ويبراله اللي مثل مبســم مشاري = ماتصبح إلا مـشيّـنن لك وفوقـه
بربيتن شـراء وقيتن قـبـالـتـه = وقسم على الأصيّاف من مـا فلوقه
لـيّـن بطـيّـن يم الأصياف يذكر = حتى إنت على مـاحكو مـاتـذوقه[/poem]
رد الشاعر عدوان الهربيد على الشاعر راجي بن طوعان
[poem=font=",7,orange,bold,normal" bkcolor="black" bkimage="" border="none,4," type=2 line=0 align=center use=ex num="0,black""]
البارحه قال اللذي بات مـا غفى = من تيهــتن ماتنتخيط فتــو قـه
أنا ياجماعـــه وش أسوي براجي = وجه العجوز اللي تراوك نـشوقـه
يدعي على هدلاء بسرايـّة الدجاء = اللي ترمي بالـمـخـامـر إربـوقه
هدلاء كما عيني ليا نـيشت أ هـمله = وأنا اللذي مـا أصـبر ليا نيش مـوقه
والله لأودع من بـلاني بـشــره = كما شـنـتن تجدع تهاوى شـقـوقه
أنا دوى العـايل وأنا أبو خــزيم = مثل الحريـشـاء تقتل اللي يـذوقـه
قيلي يـشادي فارس(ن) فوق سـابق = يلحق ويـقـصرن الرمـك عن لحوقه
يالله تصـخـر للغـيـور بلهـيـبه = ليا الصبح من بكرى تلضـاء إطـبوقه
سـناه ياكل مـابقى من رطـيـبـه = والجمر يحرق مـا بـقـاء من عـروقه
ياحيث مابه للنشـامـا عـريـشـه = دومن خـفـافن بالـمبادي عـلوقه
ياجينا على الـعـيرات ضراب نيّـه = مـابه حذاء القـطـماء تناسـق فروقه[/poem]
قال الشاعر/حواس نهار التبيناوي
[poem=font=",7,orange,bold,normal" bkcolor="black" bkimage="" border="none,4," type=2 line=0 align=center use=ex num="0,black""]
يا راكبن من عندنا فوق حمراء = باالعـد من فـاطر شـرار ٍ عمـوقه
ياروّحت مع سـهـلتن به مـذله = ترويج علطـاء روّحت من شـروقه
فوقه مـرس الدو خدام ربـعـه = ياضيّقت بالغــانمين الـبـيـوقـه
دزه إلى باب الـشجـاع أبو راشد = ملزوم أ عزز حـالهم عن غـروقـه
إ يـط وتثيقل وإترك الخوف وإيمن = وإرثـع بشـنن ثم قطع بـنـوقـه
وإلا تخبره مايقرب لـشـلـتـه = خبيث مثل الموس شينن صـفـوقه
إلكان هـادنـّا وحنا نـهـادنـه = وإن زاد وحنا باا لصعـاصيع عـوقه
قل حـال صفرك بالتماثيل عندنا = بأطراف جّو أسـقاه رايّـح دفوقـه
لو كانت أمداحـك لحـيـّة للظهر = ملوكن وثنوا بالحـدايق إرفوقـه
لو إنت تمدح مثلهن كان سـاكت = مـاقال لك راجي بنيصن يحو قـه[/poem]
ويكفي يالغالي اننا اذا عرفنا ان القصيده قيلت في نهاية امارة طلال الرشيد فهذا يعني انه
وقت ولادة برجس بن عردان تقريبا 00 علما اني والله مااخترت الاسماء من نفسي وتحليلي وانما
اللي روى لنا القصيده هم اللي اعطونا اسمائهم بالضبط وليس مني ويشهد الله لم يقل لي واحد
منهم انه ابن عردان والا كان ذكرته لانه اقرب لي من ابن مجلاد واللي من الجماعه اولى لكني تبعت
الرواة اللي اخذت القصيده منهم 00
تحياتي لك يالغالي ومستعد لاي استفسار والجواب عليه000
رد مع اقتباس
المفضلات