[align=center]
سلام عليهم جميع ....
كيف حالهم وياعسى عيدهم سعيد
واللي ماشرى الضحيه ..
ترى ابوي بيبدأ البيع باااكر .. ضحايا منا زينها .. على كامل المواصفات
تربية عجايب وأخوانها .. بكافة الألوان والأشكال .. واسعارنا .. طيبــــه ..
وفي تخفيض وخصم خاص للعصافير ..>> بالخير يا لي ذكرتني
والله ياهل الفله خاصه والمضائف عامه
انه تجيك حالات .. ودك تبتسي .. من احوال الأمه ..
مثلاً .. عندكم أبو عارف ..
رجل .. كبير في السن الله يرفع عنه .. ويجزاه بالأحسان
مدري من علمه على الكنيوتر وشبك له بالغلط واير النت ودخل علينا فجعه
الله يهديه بس ويسامحه هاللي علمه ان بوه اختراع اسموه كمبيوتر
هالشايب ياخواني مدري هو يحس أنه قوي او انه قوي خلقه وحنا ماندري
لا جت معركه .. ماتشوفه الا يحرش هالعرب عليّ ..
ولا جت مقارنه حد الشين عليّ
ولاجابوا علمن أقشر قال عجايب لوه طرف .
ولو شاف لوه هوشه .. قال هاللحين تجيكم عجايب تشمت بكم ..
يحرش للشر .. ياعرب
عاد انا ساكتن لوه .. ماهوب طيبن مني ولا رحمتن مني ..
مير انتظر تجي ليله .. بتعرفونها هاللحين ..
لا غير كل اللي يصير وانا ساكته
جا مرتن طاري الشيبان قال
ترى عجايب تعشق الشيبان
لا والله ؟
لا بالله ؟
شايفني معلقتن صورهم على درجي ولا على قزازة الوايت اللحين ..
لا لا انا ساكته عنه مخليته يسرح ويمرح ..
مثل ما خلا الذيب ليلى تسرح وتمرح ... لين غبنها ..
وذات ليله .. من احلى الليالي
ومعي قطاوتي البلوسيه ...
الوحده منهن مشبهينها على ابو شهاب والأخرى الأدعشري
ويفهمن على حتسيي ويعرفن احساسي ونيتي ..
وانا اتمشى معهن بهالشوارع ..
ويمر ابو عارف ..
الا تقول حدا هالقطاوه .. تراااااو .. وترد عليها الأخرى .. اي والله تراااااااوين ..
قلت علامكن تذمرن .. قالن ماعرفتيه .. قلت لأ
قالن ابو عااارف ..
قلت : حــــــــــــدوووووووه ..
واصيح صيحة ماوكلي ..
وهن لكن يتناقزن .. تقل مبشرات .. وحدتن تنطحه والأخرى تقفاه ..
وهو يجلس على ركبه .. بردت عظامه ..
وانا أجيه .. وأقطع أذانيه مكافئة للقطوتين ..
قال : عجايب وشولن اسمعك هاللحين ؟
قلت ابشر بالخير .. بأقلب لك حواسك الخمس ..وأغير لك وظائفها ..
تاكل بعيونك وتشم بمفمك وتسمع بخشمك ..
تآآمر شيء ؟
قال : ياحيي ياعجايب يا درة المضائف يا احسن وحده يا ..... وكلام من هالقبيل
قلت اسمعن ... انا .. حبيت أعطيك ذكرى .. من عجايب ..
علشان كل ماشفت راسك مافيه أذاني .. تذكرن بالخير .. بس
بعدين انا ماقلت لك قبل أنتحــــر أزين لك ..
بالله انت وش تبي بالحياة ؟
وكأني اشوفك تبي تدرب ابو طرووق على طبايعك ..
بشـــــــره .. باللي حصل لك ..
وأن ماطاع .. ترى عند خويتي قطوتين .. مشتهيات أذاني ابو طروووق
على فكره .. لا تحسب ان الحريم = لون وردي
وش ذنبنا ان الله خلقنا حريم زقرت ؟
... مانعرف الاا لعجراء والعفريته
قلت لك .. لا تأمن الدنيا وسود العجايب
بس انت ما تطيع ... كل ماصاح الأصيل وريال فسحه .. على عجايب قمت معهم
انا هنا حسيت ان ابو عارف انهــــــــــــــار ..
وأخبر باقي فيني 35 غرام رحمه انثويه
وهي يطلع منها 5 غرام .. وافك أبو عارف
لله وفي الله .. مابي الا الجنــــــــه ورضا الله ..
وجعل فكتي له صدقة لوالديني ....
عاد هاللحين علمتكم القصه
لأخذ العظه والعبره في الأقوام السابقه ..
وعلشان تعرفون شغله مهمه
ان الحتسي من ورى الشاشات منا زينه
ويخلي
ولد الفقر .. راعي قصر ..
بس بالحواري ... يجيب الأذانـــــي ..
عاد قبل لا أطلق سراح ابو عارف ..
قلت له بيح مني .. وحللني .. قال : لأ
و اتله بغاربه .. على القار لين حك وجهه بالقار
وقال .. الله يبيحتس الله يبيحتس ..
ثمن قلت جزاك الله خير .. وتركته ..
وسلامتكم ......,,
)).... طحياتي ....((
[/align]
رد مع اقتباس
المفضلات