بالخير يا غويش

**حامد** · 18-05-2002 13:53

السلام عليكم يا غويش

شلونكم يا هالوجيه؟

بس حبيت اني انظم الي مضايفكم يا عل الله ياقاكم وكلي طمع اني القى الترحيب منكم في مضايفكم الي تشرح الخاطر و توسع الصدر يا علكم ما تقشرون

اخوكم الجديد

حامد الشمري

**فلاح السعد** · 18-05-2002 13:59

حامد

اشي خلن اراعي لك وقزك

اي والله جديد وتلق

ماشا الله ماشا الله

اخاف اني انحتك

شفتك وانا ارد عليك |510|

ادري مامثلي

الله مار يسلمك

وحياك الله

**حامد** · 18-05-2002 14:02

الله يا يحييك يا ابو سعد ويبقيك
وانت قلته بعضمة لسانك...ما مثلك
ما تلاحن يا ابو سعد

**فيصل اللويش** · 18-05-2002 14:12

يالله حيه

اقلط يابعد حي

المضايف بيتنا كلنا وانت مننا وبنا

غويش = ( وغدان )

للعلم فقط غيره وانا اخوك

هذي المضايف للرجال الشغاميم 0000 وانته بعد شغموم والله ياحامد

والله نسوم الموت لو مابعد سيم000 تاريخنا يشهد والا فـــعال واجـــد

ياما كسبنا وضح وياما مجاهـــيم0000 واميرنــا نومـــــان صاحب ووالد

وخـــواتنا معنا قطيـــعٍ من الريم 000الله يكفينا البلا وكل حاســـــــــد

اخوك 0000 فيصل اللويش

**بشير اللويش** · 18-05-2002 14:19

هلا اخوي حامد

حياك الله بين اخوانك واخواتك

تقبل تحيات اخوك الصغير

الراسي

**حامد** · 18-05-2002 14:34

هلا بكم اكثر يا غويش (وغدان) ابن لويش
والسبعة انعام فيكم وفي كل رواد هالمضيف من مشرفين و مراقبين وزوار

**فواز** · 18-05-2002 15:19

يا هلا والله بـ ( حامد )

وحياك الله ...

وانت بين اخوانك ... وربعك

و( صح لسانك يا أبو طلال - فيصل -)

**الفيتو** · 18-05-2002 17:07

ياهلا ومسهلا
نورت المضايف بقدومك
حياك ربي الف مليون
بانتظار مشاركاتك المفيده.

**الوبـيـــري** · 18-05-2002 19:14

هلا بـ حامد
حياك الله بالمضايف
بين هلك وربعك

ولكن يالبناخي كلمة " الغويش " انفضه من جيبك
لو قلت ياعيال...... كان معك

مرحبا بك

* فيصل اللويش صح لسانك

**موج البحر** · 18-05-2002 21:47

ياهلاااااااااا والله باخوي حامد

نووووووووووورت المنتدى

تفضل تقهوووووووووا يالحيه

انت راعي الداااااااااار وحناااااااااا عندك ضيووووووووف

منتظررررين مشااااااااااااركااااااااااااااااااتك

تقبل تحياااااااااااااااااااااااااااااااااتي