.
.
أولاً وقبل كل شي هالموضوع إهــدااااء لـ تحملت !! << ماتعرف تهدي
هـو موقف صار لنا يوم كنا بالإبتدائي ..
كنا سهرانين بالعطله الصيفيه وجالسات انا والمذكوره أعلاه بالديوانيه عند أبوي و عمي
و كل شوي يصرفوننا جيبن ماء .. قولي لأمتس تسوي شاي ..
بس مــااانفهم أبـد و نرجع عندهم << لزقه
آخر شي قال ابوي فلانه خوذي مفتاح السياره بوه باكيت دخان بالدرج جيبيه ..
طبعاً راحت معي هالبليّه .. يوم صرنا بنص الحوش و أنا أمسكه مع ايده قلت لحظه لاتفتحين الباب الخارجي !!
بحّرت بي .. و مفهيّه طبعاً .. قالت : هــااه ليــه ؟؟
قلت : بوه بسسه بالحاره أخاف يجننا ..!! << خايفات من البسسه ياااقلبي
................. و نبحّر بوجيه بعض .. وش نسوي ؟؟ يــاااربي وش هالورطه !!
قلت : عندي فكره .. وجــدتها ..
وشو ؟؟
خلنا ننابح عشان البسسه يحسبننا تسلابه وينحاشن
اي والله خووش فكره .. والله انتس ذكيه
و انا أكشــر مستانسه بذكــائي
و حنا نبدأ بالـ ........ / عقب قلنا خلاص أمداهن يهجن البسسه
يالله توكلنا على الله .. و افتح باب السياره
عــآد ماخذينا الدخان و رجعنا بسرعه ..
لا قعدنا نفتش بالأشرطه و الأغراض اللي بالدرج << متطمنات مامن بسسه
خذينا الباكيت و جيت ابي اقفل باب السياره ألا صوت خرفشة رجلين و صوت واحد يلهث
و صدينا اثنينا نطالع
ألا المفاجأه
ورانا تسلبين و جـرو
ووووووااااااااااا و حنا نقط كل شي بيدينا المفتاح والدخان وخلينا باب السياره مفتوح ورررررركض عالبيت
أثاري الباب انطبق من الهوا .. قفل علينا ولنا صيـاااااااااح
( تحملت ) انصفرت من الخرعه .. و انا انعقد لساني .. و معلقات عالجرس ليما فتحوا لنا الباب
.
.
تحملت ياوخيتي كملي القصه يمكن نسيت شين .. ترى تعبت و انا اكتب .. وش نهايته ؟؟
........................
.
.
رد مع اقتباس
ام
المفضلات