أسمحوا لي هذا ..المبـــــــدأ .. فـــاشـــل

[عجايب بنت الشايب]

بسم الله الرحمن الرحيم

سلام على من أتبع الهدى ... وترك الخزوعه والغنى ...


في خاطري للعام .. وحب .. واحترام .. وبيننا مشاعر متبادله .. ففيه انسكب .. بحريتي

وفيه اجد .. حرية الآخرين ..

صحيح مشرفة الفله .. ( بس هناك مدري وش أبي ؟ ) احس اني فقط


أبي أبتسم .. وأبسـّم .. ( أبسم = تفعيل البسمه في الاخرين )


" كررت أبي مرتين لا تزعل أمي "


وعلى طاري أبي وأمي الله يخلينا كلنا أبهاتنا وامهاتنا الأحياء منهم .. ويرحم الأموات


أضافه على انه يخليهم لنا ..

يخليهم لنا بالعلوم الغانمه معهم .. ويعينا على طاعتهم لأنها بحق .. كبيره .. ومسؤليه


فليس كل الأباء والأمهات متعلمين ومتفهمين .. ففيهم .. من رأيه هو الصحيح

وإن كان خطأ .. ومنهم العكس .. فليس لنا الا الاحتساب .. وحبس الغضب ..


لأن العاقبه .. والمثوبه للبارين .. ( جعلنا الله منهم )





موضوع آخـــــــــــــــــــر



صديقتي .. تقدم لخطبتها .. شاب باختصار ( كامل و الكمال لله )


وقبل الموافقه .. صرحت إمرأة ( من الجماعه ) انه مافيه خير لأهله !!


ونرجوا عدم الموافقه .. لأن المبدأ يقول ..

( اللي مافيه خير لأهله .. مافيه خير للناس )

.com

أنا هنا اتشوق لردكم كلا الاطراف ( رجالي - نسائي - ولادي - بناتي ) >> محلات جمله ؟


ولكن بأسبقكم بردي ..


وأستثني هنا في ردي فئة عياذ الله منها

( وهي من يضربون ويطردون ويلعنون ويشتمون واللديهم )

لأنه مافيه مجال .. ( ماراح احد يوافق عليهم ) > اي والله في وحده بايعه نفسها ؟


بس


هناك من يتهم الشباب بمبدأ مافيه خير لاهله

وهو قد يكون شاب حاسم وقيادي و اهله عندهم مرض الامبلاه وعدم الاهتمام

قد يكون شاب مقتصد و أهله مبذرين

قد يكون شاب صامت وهادئ واهله يتهمونه بتطنيشهم ..

قد يكون شاب مستقيم وديّن واهله منحرفين ..



الآن انا كتبت أربع اعذار .. أقنعت صديقتي ووافقت >> مبروك أصلاً هي ودها توافق

و الرسول صلى الله عليه وسلم

يقول التمس لأخيك سبعين عذر

70 عذر

لا وغير هذا يقول صلى الله عليه وسلم .

... فإن لم تجد له عذرا فقل لعل لأخي عذرا لا أعلمه ..

سبحان الله


مشكلة البشـــر أنها وصلت عام 2008 ومازلت تطلق الأحكام والتخمينات المستقبليه بمزاجها



اخيراً ..


ســــــــؤال صريح ..

هـــل الي مافيه خير لاهله .. (مـــــــــافيه) خير للناس ؟؟!!

[شموخ]

أول شي يابنت الشايب كلام الحرمة لاتاخذونه يمكن ظالمة هالرجال لأن بعض الحريم ماتؤخذ علومهن عن الرجال خليهم يسئلون الرجال هم اللي يجيبون خبره والرجال هم اللي يعرف بعضهم بعض

وبالنسبه لها المبدأ أنا ارى انه صحيح اللي مافيه خير لأهله مافيه خير لها حتى هي كيف نفسها تقبل رجال بهذه المواصفات بالعكس الوحده تتمسك أكثر وتعجب أكثر بالرجال اللي فيه خير في اهله لأنه عارف حقوقهم وبالتالي راح يعرف حقوقها غير كذا ماراح يكون من اللي كلمة تجيبه وكلمة توديه يعنى عقله براسه ويعرف خلاصه


تحياتي
شموخ

[بالمختصر..]

أهـم شي تستخــير ( أقصد صديقتك )


و بالنسبه للمبدأ اللي تكلمتي عنه ماهو دائماً صحيح !! و لكل قاعده شــواذ

يمكن أهلوه مــاهم فاهمينوه !! يعني تفكيروه غـيـر تفكيرهم و هالشئ دائماً يسبب مشاكل بسيطه

بـس إذا تكرر سوء الفهم تزيد المشاكل والفجوه اللي بينه و بينهم راح تتوسع ..

يعني أقــــل شي يقولون عنه : مــا فيه خير لاأحــد !!

[ وجـهـة نـظـر ]




يمكن لي عوده << جـاز له الموضوع




.
.

[بالمختصر..]

ياحبي لتس ياشمـوخ

فيه ناس بهم خير لأهلهم وللجيران بـعـد .. بس بعد الزواج ينكشف القناع وأن كل تصرفاته نـفـااااق و ريـاء !!

هذولا وش تسمينهم ؟؟






.
.

[احمد الويباري]

نعم اللي مافيه خير لأهله مافيه خير للناس
فالذي لا يحترم اهله ولا يصبر عليهم هذا ان آذوه او ازعجوه
ثقي تمام الثقه انه انسان مافيه خير
فأقرب الناس له لم يحترمهم ويقدرهم
اجل ماذا سيفعل للاخرين
اكيد لن يكونوا افضل حال من اهله
لكن لانغفل ان لكل قاعدة شواذ

طرح اكثر من رائع اختي الكريمه

[شموخ]

ياحبي لتس ياشمـوخ

فيه ناس بهم خير لأهلهم وللجيران بـعـد .. بس بعد الزواج ينكشف القناع وأن كل تصرفاته نـفـااااق و ريـاء !!

هذولا وش تسمينهم ؟؟






.
.

افا يعني مهايطيه هالناس هذه والله المصيبه بس مع اهله ليش يهايط يمكن طبيعته مع الجيران يمكن يبي من بناتهم بس والله يبان المهايطي حتى لو تلمحين وجهه يبان حتى بمشيته يبان المهايطي

عجايب خلي البنت تلمحه لو من بعيد من غير مايدري وقلبها بيفتيها او وشرايك أشوفه بدالها

[منصور الغايب]

اهلا عجايب ...


وبما أنك هنا بالعام إذا الامر جلل ...


وأنا أتفق مع هذا المبدأ تماما...

فاللي ما فيه خير لاقرب الناس له وهم أهله فلن يكون فيه خير للناس الاخرين ..

فمن بخل بالخير على أهله فهو على غيرهم أبخل ..

وقد جاء في الحديث عن النبي صلى الله عليه وسلم : (خيركم خيركم لاهله وانا خيركم لأهلي)

شكرا عجايب ..

وأضاء العام بوجودك فأنت حقا مكسب ...

[ابو عارف]

فهذه الأمور ماينوخذ الكلام على عواهنه فيها ، يمكن هذه الحرمة ظالمة للشاب ويدحض كلامها هذا إذا أهل الولد هم الذين تقدموا لخطبة هذه البنت له فمعنى ذلك إنهم راضين عنه ويحبون له الخير.

إسألوا عن دينه فقط إذا كان صالحاً يعني يخاف الله يصلي ويصوم فزوجوه.

[الشاهري العبيدي]

اختى بنت الشايب

كل ما اشوف كلامك اقول هذه ماهى بنت الشايب

الا فحل الشايب الي يطول عمره

شكلك ما تجلسين مع العجوز الله يحفظها نهائي....كل الوقت مع الشايب وعلومه السنعة


على كل ماهذا بموضوعنا

وحياك الله في العام


هالاسبوعين مابقى فلاوي الا جاء يتسدح عندنا هنا


واليوم كبيرتهم التى علمتهم جت بنفسها

شسالفة؟! الله يستر


موضوع المقال

المثل هذا افهمه انا بفهى المتواضع

ان العاق لوالديه والمتقاعس عن مساعدة اهله واخوانه
مساعدة لهم على الخير وكف لهم عن الشرور


فلا نفع منه ولا يصلح صديق او عشير

او مسؤول اسرة واولاد





هذا فهمي وهذا رأيي
كل الشكر لك اختى عجايب وياهلا بك بالعام ( واخر مرة توطون عندنا شكلكم ناويين نية الله يستر.......

[ابو ضاري]

وأنا أتفق مع هذا المبدأ .........

فاللي ما فيه خير لاهله وكل من يعز عليه فلن يكون فيه خير للناس الاخرين ..

شكرا اختي عجايب وبيض الله وجهك .