السلام عليكم
فيه ناس من شمر ومن غير . طيبها يرفع الراس وهي موجودة بيننا الحين وفي وقتنا هذا وفي جميع دول الخليج فا يمكن هذا فضول مني , بس ودي تذكرون قصص ومواقف صارت بحياتكم اليومية ومرّت عليكم .... ودمتم
...فيه إنسان تحسون إنه واجب عليكم ذكر اسمه وفعله الطيب اللي يرفع راسكم وراسه ؟
فكرة الموضوع حلوه بس عنوان الموضوع بعيد عن الموضوع
على العموم مادام جاء طاري ذكر الطيبيين انا ودي اذكر اسم رجال بهذي المناسبه
هو / خالد نايف عوين الشمري
رائد بالجيش الكويتي
هذا الرجل لو اراه بعيني لن اعرفه
الموضوع بإختصار
نخاني احد الاصدقاء / مبارك العجمي وقال لي اريد مساعدك لأن ابن اخيه عسكري عند الضابط / خالد نايف عوين
وابن أخيه يريد اجازه من العمل رغم عدم وجود رصيد يسمح بذلك ( لوجود مناسبه بوادي العجمان)
المهم
قلت للعجمي انا ما اعرف الضابط لكن انا هاقي ٍ فيه خير بس دبّر لي تلفونه وربك كريم
وبعد ماجاني الرقم دقيت على الضابط وكلمته وعرفت بنفسي وطلبته ولا ردني وعطاني زود على اللي نبيه للعسكري العجمي
ومن سوء تصرفي لم اتواصل مع الاخ الضابط خالد نايف عوين الشمري بعد ذلك الموضوع
حتى جاء يوم من الأيام ورجع لي العجمي وطلب مني نفس الطلب السابق مع تغير بعض الظروف حيث ان العسكري عنده اجازه بمناسبة زواجه ولكنه يريد اكثر من الذي تم اعطاؤه
وهنا وقعت أنا في حرج كبير لا أريد أن أرد العجمي ولا اعلم بأي وجه اكلم خالد نايف
واخترت ان احرج مع شخص يسترني ولا مع الاجنبي
واتصلك بالاخ خالد نايف وقلت له كل ما اريد واخجلني بان اعطاني اكثر مما طلبت للمره الثانيه
وللأمانه
أنا لحقني قولة (( ونعم )) من فعل الأخ خالد نايف عوين الشمري
لاطاح من عينك عزيزٍ وغالي ... ودك عمى عينك ولا طاح منها
جيناكم مسيرين انا والجافل
اختي الجافل حياتس الله
انا نقلت مشاركتك هنا لان هذا مكانه
لان اهل الفله صدورهم شماليه ويستانسون
باللي يبسط السوالف عندهم
عموما
موضوعك اكثر من رائع
والطيبين وانا اخوتس بكل زمان ومكان
وعندك سالفة بنت رجال اللي انا ذكرت
ونبيك تجيبين اللي عندتس
واخواننا مايقصرون بالتفاعل
أخوي نافع القصه تروي شي كبير من فضولي وبصراحة أنا لما قلت أبي قصص فلأني أحب افتخر بطيبكم يا هلي وعزوتي وأبي الزوار يقرون عن طيب شمر اللي كان وما زال تاج على الراس
وانت يا خوي مشعل أنا قلتلك إني عليمية بالمنتدى واعترف إني أول مره أشارك بمنتدى على النت لأن الانترنت آخر اهتماماتي بس أنا دخلت كذ مره بالمنتدى وحبيته وتعلقته كثير ويمكن لأننا بالكويت ضعنا في أمور الحياة من عمل ونسينا أمور قبيلتنا وقصص عنها عشان جذي أنا حبيت أكون أخت في هالمنتدى وانشالله يوم عن يوم راح اتعلم وأكون مشرفة مثلك " أحلم كثير اعذرني "
[align=center]
مكانه الانسب [ اخبار شمر ] وذلك لحفظ هذه القصص
بما انه من الواقع ولابناء شمر ومن طيبهم ..!
\
والله مايحضرني شي يا اختي وان حضرن شي
راح ارجع ..
الف شكر لك على الموضوع
مشعل ياعل العدو مايفيد
[/align]
ـــــــ ملييييت..
[align=center]
بسم الله الرحمن الرحيم
موضوع جميل اختي الجافل
حالياً لا يحظرني قصة
لكن
الأخوان والأخوات في هذا المنتدى عندهم خير
وإنشاء الله اني سأبحث عن قصص في هذا المجال
تحياتي حاره
[/align]
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
المفضلات