السلام عليكم ورحمة الله وبركاته

يامنتهى يامنتهى الزين كله ***روحي معك راحت وقلبي خذيته
الخد بارق مزنتن مستهله ***ياعين حرا ناض من كف راعيه
ياسعد من حاشك نصيبه هلله***اليا حصل شفه من البيض تكفيه
كل العذارا وزينهن فد وتله***محدن يلوم اللي فداهن بغاليه
قالو تبي غيره وانا قلت لّلّه***ماضن من جيله فتاة تساويه
ابا اشريه بالروح والمال كله***يستاهله هاف الحشاءكان يرضيه
اللي بنا بالقلب سور وفله ***قصرا جميل ناب لارداف بانيه
محدن ذكرله صورة بالمجله***ربه عطاه العقل والملح كاسيه
يازين لاتقفي بقلبي تتله ***كانك خذيته ليه خليت راعيه
طرد الهوى يازين مثل الجبلّه***كل البشر ذاقو مراره وحاليه
لوفيه عيبن عيب الناس كلّه***مافيه مخلوق سلم من بلاويه
يلومني خبل مهو عارفلّه*** يحمد ويشكر ربه اللي معافيه
ماهمه الى الزاد متربعله ***ياكل وعشق البيض يسمع بطاريه
لايهمك اللي مثل هذا وخلّه***يلقا الذي ياخذ علومه ويعطيه
حبيت ذكر الله وانا تايبلّه***اخير من كثر الشقا اخاف ورجيه
مع ركعتين خاشعن ساجدلّه***ماخاب عبدآ وقت الاسحار يدعيه
وصلو ا على اللي ملته خير ملّه***واجب علينا طاعته نقتدي فيه

وسلامتكم
من اشعار ناصر بشير الهمزاني