[poem=font=",6,white,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
دنّ القلم..لمسطر القاف دنّه=خله يلاعب عاصي القاف .. ياصاح
بنات فكره يالفن .. يزعجنّه=لجن على راسه... ولاويل وصياح
عاف المنام .. وكل دربٍ نونّه=واصبح لصلفات الهواجيس .. "مسباح"
نوبٍ يصيح ويتبع الصوت..ونّه=ونوبٍ ينوح يجاوب الورق .. لاناح
ونوبٍ يسج عن المخاليق..لنّه=شوفه بعيد .. ويبعد الشوف..لاشاح
واليا تكيّف من معاميل ..بنّه=نسي زمانه من .. مخاسير ..وارباح
مدري طرب مدري قهر مدري عنه=بس الوكاد انه سهر حتى الاصباح
كم واحدٍ غيري بيوته عصنّه=وانا احمد الله .. بالتماثيل .. مرتاح
دربٍ مشيته ..غصب عنهن مشنّه=ان ردتها شوشات ..وان ردتها مزاح
مثل الامهار .."مقولمات" الاعنّه=في عركةٍ فيها احمر الدم منساح
صار السبب .. والموت ياخوك منّه=شيٍ شلع قلبي .. على روس الارماح
من قيل شمّــر .. قلت: ياوي كنّه=عزٍ عن اذهان المخاليق ماراح
اقنب قنيب الذيب .. يومٍ ..عونّه=وابرك مباريك الجمل ..حين ماطاح
قط الزقاره .. والتتن لاتكنّه=واكرب ضلوعك ..واسمع العلم .. وارتاح
علمٍ يخلي ..صالي النار .. جنّه=وعلمٍ يخلي .. بارد المي .. فواح
ادري ثلاث حروف .. لاوالله انّه=مجد وتواريخ ومواجيب وكفاح
قصة بطوله .. ردد الوقت فنّه=حاول .. يضبّه .. لكن الدمع فضاح
وقف مكانك .. وان تعديت هنّه=يالعنبو .. حيٍ عن العز منزاح
كلٍ يجيبه يم فعله مسنّه=والعلم واضح .. مايبي زود ايضاح[/poem]
مشعل حاشم الشمري
رد مع اقتباس
المفضلات