أعـــــزائي...
بـــــداية....
ربي رزقني بجد مثقف جدا ... ودائم الأنتقاد...<<<حلوها..
وأبوي محذرنا أنا واخواني...والتركيز كان علي
ياويلكم أذا زعلتوه...طيعوه في كل شي ياويلكم مني اذا اشتكى منكم
ويكمل الوالد
جدكم عنده مرض بالقلب والدكتور يقول لاحد يزعله
سمعت يالدم الأزرق...<<<تحذير مبطن
آآآآآآآآآخ دائمـــا انا مظلوووم صح اني أعاااند جدي شوي بس والله اني أحبه...
المهم...
مثل ماهو معروف جيل هالزمان مظلوم حيــــــل
وياكثر مايتعرض للنقد من الجيل السابق
وفي يوم من الأيام...
وبينما الدم الأزرق ناوي يطلع يقابل أحد التماسيح
طلعت من غرفتي ,انا امشي على أطراف أصابعي... مابي جدي يشوفني
وكالعاده
ويلقي محاظره ألين أطفش وأمل وأبطل من الطلعه..
ولكن هيهات... الظاهر أنه مركب ردار...
أتوقع أني حتى لو أمشي على أصابع أيديني مايفيد...!!!
خلاص بطلع الباااب قدااامي قدامي شوي وأفتحه...
ياقهر كله خطوه وأطلع...
الأوجدي يطــــلع
هلا بولدي...
على وين طـــالع...؟؟؟
ولا تقول لجدك<<<دائما البدايه كذا
وبعدين تعال...
أنت بتطلع بهاالبس...
تيشيرت أحمر بيتشقق من كثر ماهو بضيق
ومن زين الجسم لاعظلات ولا شي...<<< أنواع التحطيم
وش ذا البنطلون القصير...
يسمونه برمودا ياجدي...برمودا...
أحذفوك انشالله في جزيرة برمودا قل آمين...
والحين من زين هالسيقان عشان تطلعهن... كنهن سيقان استغفر الله
ولا بلاش أكمل<<<كمل الناقص
وماشالله ماشالله. ويمسك شعري.....
يازين هالشعر...
وش رايك نبدل اسمك من الدم الأزرق ... للوردي أشوف أنه يناسبك أكثر
نعنبوك...شعرك أطول من شعر خواتك...!!!
البنات يقصن شعورهن وأنتم العكس ...!!!
لا والله صرنا في آخر الزمان...
لا لا لا لاااااااااااااااااااااااااااااااااااااا
خلاص أخوكم تحمل بما فيه الكفايه ...
الا الشعر ... انتقدت لبسي وتحملت وسبيت سيقاني وصبرت
بس الشعر لا وألف لا ..أيام وليالي وأنا اربي وأطول فيه..
وشوفه يترعرع قدامي ... لا أسمحلي ياجدي
وما مداااني أكمل الا وهو يعطيني ذيك النظره وقااالي
أسكت ولا كلمه..
ويمسك شعري ويشده بقوه
أسمع شعرك ذا راح أحلقوه لك وعلى الصفر بعد
يالله أمش قدامي...
ماني يمـــاشي واذا أجبرتني ماني بساااايق
موبلازم......<<<قمة التطنيش والحقرااان
كومـــار<<<السواق الهندي...
نعم بابا..
يالله شغل السياره...
وأنا أعصب...
لاتعب نفسك ماني برايح معك...
عاد أنا قلتها ولا ماقلتها...
و يمسك على قلبه...
وأنا أتذكر أبوي... وتحذيره لنا
خلاص ...خلاص قلبك لايعورك بروح معك...
وأروح وبكل ألم وحسره وأحاول أن أتدارك الدموع حتى لأتسقط...وكـــان ودي لحظتها اكون كذا
ودخلنا عند الحلاق ...
لبناني يأبرني...
ألي... شوبدك
بدك نأصلك مثل اللممثل الفلاني...
او لاعب الأنجليزي يأبرني على النيو لوك تبعوه...
وطبعا جدي ماعجبوه هلاكلام...
أسمع مانبي قصة لاعب أو ممثل...
شو بدكون...؟؟؟
أحلقوه على الصفر...
شو الصفر...
...حراااام
حرمت عليك عيشتك...انت ماعليك أحلق وبس
وأنا اجلس على الكرسي بكل ألم وحسره والمرايه قدامي
آآآآآآآآآآآآه وشوي
أشوف شعري يتساقط ويطيح على الأرض <<<هالمره قلبي نا اللي يعورني
وبعد ماخلص البنااني وكانت حلاقته بأمااانه وإخلااص على حسب طلب جدي العزيز
نزلت من على الكرسي وجمعت شعري وضميته على صدري بقووووه
لقد أغتالوك ويحهم...
ويقومني جدي وأخذ الشعر مني ورمـــاه على الأرض
ورجعنا انا ويـــاه للسياره...
وشافني كومار وما قدر يمسك نفسه من الضحك
ودخلت البيت وشافوني أخواني ياحبهم للتشمت والضحك
ويواسيني جدي...
ماعليك منهم وأنا جدك<<<يقتل القتيل ويمشي بجنازته
وش تبي بالشعر الطويل انت رجـــال<<<يعني بالله الرجوله مرتبطه بطووول الشعر أو قصره
ســـــؤالي لكم إعزاااائي...
مااارأيكم أو بماذا تحكمووون على الشـــاب إذا كـــان مطوووول شعره هل هو عيب ونقص في
الرجووووله!!!؟؟؟
رد مع اقتباس
المشاركة الأصلية كتبت بواسطة حمود الناصر
المفضلات