أنشدك ما عشر حسابي بيمناي 0000في حضرة من راي والقلب والعين
وكريتهن بحساب عن تيهت الراي0000ولقيتهن في الحال خمسة وخمسين
سجمت أدير أفكار فكري وش الراي0000في غلطةٍ ماهي بوحدة وثنتين
وبانت لي الدعوى وصدقت بمضاي0000على ثبوت الزود من غير تبيين
واللي يعاكس ناكسٍ كنه إياي0000لا بان له ما بان لي رد في الحين
صح لسانك نسايم
من ناحية لغز مليان اشهد انو مليان وكامل الدسم بعد
إن شاء الله تكون لي عوده غلاتي
< تبنجت من اللغز
صح لسانك
محاوله
هو عد من1 الى10
ثم جمعهم1+2+3+4+5+6+7+8+9+10=55
تحيتي لك
غلا شمر صح بدنك وحياك الله،
الاعصار حياك الله،
آسفة يا جماعة على التأخير،
أبي أسهلكم شوي باللغز ،يقول الراوية محمد الشرهان ان حل اللغز في نفس اللغز،يعني داخله.
وشدوا حيلكم الله يقويكم
اللغز عباره عن عشرة اشطر
وعدد كلماته خمس وخمسين
صح لسانك اخوي وتسلم على اللغز الطيب
بس عندي رمعه ولا تواخذن عليها
ماهي الساعة
مقاس التوقيع 500 بيكسل عرض وطول200 كحد اقصى وكذلك حجم التوقيع لا يتجاوز50ك ب نرجوا من الجميع التقيد بذلك من اجل تصفح افضل
أخوي الاعصار ما أعتقد انه هذا الحل ،والعلم عند الله،
أخوي ثامر صح بدنك،لكن حلك خطأ،
أفيدكم علما اني ما أعرف الحل بس هاللغز معقدن من لي زمن،وشفتكم ماشاءالله عليكم ذيابة
واللغز ما يعوق معكم قلت جاك يا مهنا ما تمنى ، غديهم يحلونه لي0
نسايم نجد
المشكله اذا الحل غير معروف فكيف نتوصل للرمعه المطلوبه والحقيقه لم ارمع رمعتي الاولى الا وانا شبه واثق انها تنطبق ولو علمت بعدم معرفتك للحل مارمعت الرمعه الثانيه
تحيتي لك وتقديري
نسايم نجد
لازم تكون لك معرفه بالحل
كذا ماراح نتوصل للحل المناسب حتى لو أحد رمع رمعه صحيحه
لأنك مو عارفه الحل !!
وأنا ماعندي أدنى شك في خبرة وذكاء أخوي الاعصار
لأني من وصلت لهذا المنتدى وأنا انزل الغاز
فكان هو السباق دائما للحل المناسب للغز برمعه واحده
ولا تتأكدين من الحل اختي نسايم وثقي تماما
مابعد رمعة أخوي الاعصار رمعه
غلا شمٌر
عوذا ليتي ما علمتكم اني ما أعرفه،
كان تحاولون،(أمزح)
المعذرة يا جماعة كاني ازعلتكم،بس هذا من زود الثقة بكم. ومشكورين وعافاكم الله
الذين يشاهدون الموضوع الآن: 2 (0 من الأعضاء و 2 زائر)
ضوابط المشاركة
المفضلات