ياعرب أنا البارحه عيني عيا يجيها المنام ..

[عجايب بنت الشايب]

السلام ياعرب ... ( شارون وشلته لا سلام ) >> ياشيخه أمرحي ..




ياخواني .. وياخواتي


دمعتي .. شقت عباتي ..


البارح .. وكلنا عبيداً لله ...


طق طق طق


من عند الباب


انا عفنان


عاوز أيه ...


معي كرت .. عرس ( بطاقة دعوه )


الا هي بطاقة دعوة عرس للرجال وداخلها بطاقة صغيره حقت النسوان ..



الا هو عرس واحداً من ربعنا .. من بعيد


البلا وينه ؟

يوم مالقيت في بطافة الرجال على كريمة ولا لقيت الا داعي واحد هو ابوه


طيب بنت من اللي ماخذها ؟؟؟!! >> متسائل وليس متهول ...


ابوها من .. اخوها من هو ...


قلت مالي الا بطاقة النسوان بالعادة الداعيتان أم المعرس وأم العروس


الا البلا مافيها الا ام المعرس فقط ..



يالليل عجايب اللي ماله ليل ...

ياحرق تسبدي حرقاه


يا والله اللي سرى الليل ورقدو العرب ولا به من يرد العلم لي


العروس منهي ..


وتعال يا تخمين × تخمين ..


يامير كل البنات اللي حوله اللي معرسه واللي اكبر منه


يعني ..


ماااش ماهنا علم ..


ويوم شفت ان الوضع ماينسكت عنه .. وأمبير الشفايه قام يطنب

و الساعه دقت وحده بالليل ووراي دوام

وأستحاله ارقد وانا ماعرفت العلم وشو ..


وأمس زمام التلفون ..


وادق على الانطربول حقي ( الشله المحترمه أيام الكلية )


وأشرح لهم ضيقة الصدر وكيف يمكنني حل القضيه ..


وهات يا تخمينات


-1-

يمكنه ماخذ أجنبيه .. ( غير سعودية )


-2-

يمكن امه عوبه ماتبيه يكتب غير اسمها علشان العواني ..

-3-

يمكنها ............... >>> مانبي ربي يعاقبنا ثمن يصد المطر عنا


أحسن وحده ( لبى قلبها ) قالت بكل أدب ( مالت علينا ) :


يمكن نسى يكتب


أنا نقدت على نفسي .. يوم شفت تفكيرها وبرودها ..

بس ما طولت نقدتي على نفسي .. 5 ثواني



الوكاد أن النوم سلطان .. ( تحيه لسلطان ولد ابو سلطان وش سويت بالاختبارات ياحيي )


وهقوتي اني رقدت على تلفوني .. ولا اصبحت الا الهالات السود واصلتن الركب


من الضيم والشين ..




والى الآن ماعرفت منهي ..




وجمرت تسبدي .. وأنفقع امبير الشفايه ..



عاد لمصلحة الأجيال يا أخوان


رجـــــــــاءاً مااقول تكفون أقول رجــاءاً


اللي بيعرس .. لا ينسى يكتب على كريمة من أو أخت من


لأن هالشيء يتعلق فيه مصير اجيال بتدرس الصبح ..

لأن مدرستهم مارقدت الليل ..

فكيف تشرح المعلمة الدرس زين ؟؟ >> سؤال منطقي ..



اكرر .. الرجـــــــاءاً


رفقاً بالشفايات .. في كتابة أسماء الكريمات ..



هذا انا علمتكم ..

وبكره لا سقطوا ورعانكم بالمدارس لااحد يشتكي بالمطرسه .. على المعلمات ..




وأستروا على ماواجهتم ..



اختك في الأسلام / عجايب بنت الشايب
زعيمة مضيف فلة حجاج وقائدة قوات الحرب ضد الشيبان
بكالوريوس جامعة عجابستان لتعقيل الأبل




طحياتي ........’’

[منصور الغايب]

عجايب ...

انا اول واحد يشوف موضوعك ...

انه لشرف عظيم لك ايتها العجووووز ...


واعوذ بالله من مرض الفضوووول ...

الحين انتي شعليك ماخذ بنت منو .... ؟!

يمكن اصلا مو متزوج بس مسوين خطة عشان يجمعون عنايا <<< لا ياشيخ

او يمكن ماخذله فلبينية .. بالله شتبينه يكتب ...

على كريمة أحد الأسر في مانيلا



ياشينة خافي الله وراك أجيال تبين تخرجينهم ...

اذا انت شفاية درجة اولى احل تلميذاتك شلون راح يطلعن بكرة ... يتوظفن مراسلات بقناة الجزيرة يجيبن علوووم


بس اقول ...

























اذا عرفتي ليش مو كاتبين اسم العروس ... علميني .....





















برايفت :

عودة موفقة للكتابة بعد غيااااااااااااب

واتمنى من كل قلبي ان لاتقاطعين ...

فجودة مواضيعك لا تجيدها الا أختنا في الله عجايب ...

[بسمة العز]

مرحبا عجايب
هدي اعصابك ولاتحرقين دمك

عادي وش فيها لو ماكتبواا اسم ابو العروس
مايحتاج يكتبونه ...احنا عندنا مايكتبون على كريمة... واذا كتبواا نادر اصلان
يمكن لاننا نعرف العروس قبل الملكه هههههههههههههههه
ماادري ليش متضايقه انتي
تدرين انا بقولك منهي العروس يمكن انتي؟؟والشايب مسويهاا لك مفاجاه
عاد اذا انتي العروس امانه اعزميني اوكي ياقلبووو

اختك/بسمة العز

احترااامي لك

[يـــوسف]

عجايب يمكن ماهو صحيح العرس بس يبي عانيات من العالم












<_ يتحرى القواطي















مبروك التعيين يابنت الشايب
توي ادري الشرهه على الدنيا ياعجبه

[أبوطروق]

البطاقة اللي وصلتس ياهانم وصلت عندنا

أقول أقلبي البطاقة وانتي تعرفين مين سعيدة الحظ

مبروك ياهانم ولا ياخذتس المعرس عن فلة الحجاج

تري لتس يومين ونص وبعده ما نعذرتس

واتركي سالفة الشيبان
يا أميرة عجاااابستاااان


ألف مبروك

والله يعينه على سلاطة اللسان




مبروووك للعروسين


ممنوع دخول جوالات الكاميرا
والمغاتير

:

[المطنوخ]

البنت اسمها / جغيده

وامها هي ام صمهود



لاحول ولا قوة الا بالله يعني ليمتى وانتم تشفون؟؟

[مهاجرة باحساس]

عزالله غلطانين فعلا ياعجايب الحين أنا متت من الشفايه ودي أعرف عرس منهو ( أسم الشاب )

على مين من الصبايا ( أسم البنيه )

مشكله هالكروت تجي لعند بابتس ولا تشفي فضولتس لا بدى رختر الشافيه يطلع وينزل .


الا ماتدرين عن اللي عندنا ياويل حالي لا دروا عن عرس


هاتك ياأسئله , كم راتبه وين يشتغل , مزيون والا لا

ووووو مصايب


والله أنتس طلعتي خوش بنت بس ودتس تعرفين بنت منهو



..
بايات يالغلا والله ان الدراسه مهي شي خذتنا من المضايف

...

[ابو عارف]

الله ينور عليك يابنت الشايب نورتينا ، تونا عرفنا أسم العريس من سالفتك لقد جانا كرت ابو وأم العروس فقط بدون ذكر المعرس.

العروس هي طبيلة العفنان ، على إقبال بنت الشايب على شايب إن شاء الله .

[صلفيق]

ياحبكن للشفاية !!!

عجايب ...


لايكون انتي اللي شافت جيب الشرطة عند جيرانهم

وتذبحه الشفاية (وش عند الشرطة جايين؟)

والله مار وتلبس عباته ، وتروح للجيران.

يمار الشرطة رايحين ..

وتدخل عندهم تسأل:

وشو أثر جيب هالشرطة عند بابكم ؟



بس وش اسم المعرس عشان أنشد عن العروسة .. واعلمك !!

مهي شفاية مني .. بس على شان هالبنيوات لايصقطن ..!

[ريم شمر]

عجوبه