ناس لأكل الناس

**مشــــعل** · 23-11-2007 19:08

بسم الله الرحمن الرحيم
سمعنا الكثير من السب لشركة ناس للطيران الجديده في السعوديه
فحصل موقف اليوم

قبل قليل الساعه الرابعه عصرا
مرن واحد من ابناء العمومه من خارج مدينة رفحاء
وكان عندوه طياره للرياض الساعه 5:50

المهم تقهوى عندي وبعده وصلته للمطار تقريبا الساعه 5:15

دق علي السادسه والنصف ... هاه وينك اقلعت
قال لا انا بطريقي لعرعر
السبب...
يقول: جيتهم قبل اقلاع الطائره بنصف ساعه قالوا انت تأخرت عن الموعد
طيب .. ياجماعه باقي نصف ساعه..والطايره هذه ماقلعت

قالوا لا... من الشروط انك تحضر قبل ساعه

قلت :الله يرحم الطيران السابق تحضر قبل عشر دقائق تدخل ...
طيب يمين يسار مافيه.. قالوا الخلا

طيب ..اعطوني قيمة التذكره
قالوا راحت عليك...

فاضطر انه يروح لعرعر عشان هناك رحله الساعه لعاشره

المهزله ماهي هنا...

المهزله ان هالشركه الخايسه مسكت مطار رفحاء .. وسمعت ابها ..وسمعت انه تبي تمسك مطار حايل

يعني غصب تسافر عن طريقه..

حنا ماذبحنابالسعوديه الا الاحتكار ...
ودائما عند خروج المنافس .. نجد ان المنافس زاد الطين بله

الاتصالات لعنة خير الشعب ..وقلنا موبايلي راح تزيد التنافس ويزبط الوضع

وطلعت موبايلي فوووش

والان ناس لأكل الناس

عقب ماقالوا انه منافس للطيران السعودي

فأي منافسه واي بطيخ مبسمر على قولة الاردنيين

الله يعين

**سلمان النبهان** · 23-11-2007 19:59

اهلا مشعل حياك الله
وطيران ناس في اوله يعني زين وممتاز منه ذلك ...
وصدقني ان السعودية لم تصل لمستواه في بدايتها
لذلك يبي لكم صبر وتحمل والبدايات دائما صعبة ...
عموما الله يعين اهل رفحاء وحائل والجوف وابها عليه
ستة اشهر او سنه حتى يقضب الجادة الصحيحة وتدور العجلة ...

**سنعوسي زاحف** · 23-11-2007 20:06

يالغالي

أررركب الله يكرمك ويكرم السامعين **** وأمسك الطريق ولا هالطيران الخايس

كل شين عندنا صار خايس وكلن يشتغل على كيفوه ويمشي برايوه والمسكين هو المواطن ...

**ريال الفسحه** · 23-11-2007 20:56

[align=right]
هلا بولد العم الغالي مشعل يالله حيوه وحي
الطرح المميز وحي الله توااااجدك بالعاااام دوما

\

شركة ناس نسمع الربع يمدحونه ويقولون رخيصه

اثري الرخيص مخيس

\

حنا ماذبحنا بالسعودية الا الاحتكار ..

والله انك صادز يامشعل ماذبحنا الا الاحتكار ..

واعتقد بالنسبه لمن يأتي للمنافسه [ موبايلي ؛ ناس ] بسبب
القوانين التي تقحمهم بها دوائرنا لايستطيعون اعطاء المزيد ولم
تاتي بهم الا لتسكيت من يريد القول [ انكم تحتكرون ] ..
العوض بفد فون يقولون له بالعالم كله فروع ويمدحونه كماتخرب عندنا
عاد تصير سالفه ..

\

تشكرااااااات مشعل

[/align]

**خالد الشمري** · 23-11-2007 23:29

ماهو الظاهر الا ماسكه مطار حائل ورحلتين فقط على مااتذكر والسعوديه كانت اربع رحلات وطائراته تستوعب ضعف طائرات ناس !الامور كل ماهذا بحادور !! اقول ليته بس واقفه على الطيران ؟؟ بس خلنا ساكتين
الا يابو ياسر ماتقل رجلك خافه على الطلعه من قصه وقصيده قدامي يابوياسر

**مشــــعل** · 24-11-2007 17:55

هلا بابو سند

انامعك ابوسند ان اغلب الامور المستجده تقع في البدايه بأخطاء
لكن خطا عن خطا يفرق

واحد من الشباب يقول جيت ابي اسوي تأجيل للرحله

قالوا لي مافيه

تبي تسافر سافر ..ولا قيمة التذكره تبي تروح عليك.. وتأجيل مافيه تأجيل

حياك الله يابوسند

**مشــــعل** · 24-11-2007 17:58

هلا بالسنعوسي

أررركب الله يكرمك ويكرم السامعين **** وأمسك الطريق ولا هالطيران الخايس

**** << فهمنا التشفيره

وحكمه ممكن انا نعمل به في عصر "ناس"

حياك الله

**المطنوخ** · 24-11-2007 18:07

ههههههههههههههههه ساعه وزعلان!!!

لا وعلى قولتك قبل تروح قبل الاقلاع بـ10 دقايق وتصعد الطياره؟؟

ياولد ماتبدلون مطارنا بمطاركم؟؟

السمي يابعدي الناس اخبره تروح قبل الاقلاع بساعتين وثلاث ساعات

فيه شي اسمه بوردنق وتحميل امتعه وعفسه وانت جاي متقهوي تبيهم يقولون لك حياك يابعدي بالطياره

الله يعطيك العافيه يالسمي وتحمد ربك على هالساعه

**مشــــعل** · 24-11-2007 18:10

هلا بريال

حي الله البناخي

بالنسبه لموبايلي انا معك
سمعت انه مورست ضده ضغوط ومانفذت شغله بالشكل الصحيح

بس عاد ناس ماعتقد

ياولد قوانينه نصب في نصب

هلابك

**حمـود** · 24-11-2007 23:22

المشاركة الأصلية كتبت بواسطة مشعل الغفيلي

بسم الله الرحمن الرحيم
سمعنا الكثير من السب لشركة ناس للطيران الجديده في السعوديه
فحصل موقف اليوم

قبل قليل الساعه الرابعه عصرا
مرن واحد من ابناء العمومه من خارج مدينة رفحاء
وكان عندوه طياره للرياض الساعه 5:50

المهم تقهوى عندي وبعده وصلته للمطار تقريبا الساعه 5:15

دق علي السادسه والنصف ... هاه وينك اقلعت
قال لا انا بطريقي لعرعر
السبب...
يقول: جيتهم قبل اقلاع الطائره بنصف ساعه قالوا انت تأخرت عن الموعد
طيب .. ياجماعه باقي نصف ساعه..والطايره هذه ماقلعت

قالوا لا... من الشروط انك تحضر قبل ساعه

قلت :الله يرحم الطيران السابق تحضر قبل عشر دقائق تدخل ...
طيب يمين يسار مافيه.. قالوا الخلا