[align=center]قيصر
اللي خدع مملكة كاملة بحصان
و قيصر شمر خدع جماعات ....
مو بحصان ..
لالالالالالالالالالالالالالالا
حصان قيصر الشمري كان قصيدة
هذي قصيدة عن القصيدة
الموقف للذكرى ....
والقصيدة لكم ....[/align]
[poem=font=",6,white,normal,italic" bkcolor="black" bkimage="" border="solid,4,white" type=1 line=0 align=center use=ex num="0,black""]
يقول من صاغ المعاني قصيدة = يصف حرفه مثل صف العساكر
كنّه ملكها والقوافي عبيده = "قيصر" ولكن غير كل القياصر
الفكر سيفه والتحدي حديده = مثل العجاج اللي مع الريح ثاير
قناص يرقب أي حي ن يصيده = لاسوار "طروادة" جيوشه تحاصر
كن المعاني في خياله طريدة = ماهو بشاعر .... لا لا ماهو بشاعر
له خوذة ن ميّالة ن فوق جيده = ميلة عقال الشمري بالثواير
الموت غير الموت لا صار بيده = موت الرجل يعدل عذابه عشاير
وبليلة ن ظلما سماها رعيدة = دارت على "قيصر" وجيشه دواير
غدر به اللي كان بالامس سيده = يوم انفضح له ما تكن السراير
جاله ردي ن يحكم وثاق قيده = شاف الشماتة من عيونه تطاير
ولا فك اسر "القيصر" الا قصيدة = فكت قيوده يوم كل ن يكابر
صاغ القصيدة من معاني فريدة = ملبوسها ياقوت حر وجواهر
يخدع بها ذيك العقول البليدة = اللي تلقّف جيّها بالبشاير
مرّت ونال "القيصر" اللي يريده = وحصون "طروادة" تعد الخساير
مادام نبض الشمري في وريده ....... = لازال باقي ..... معه تبقى عساير
جبت القصيدة والعزايم شديدة = ولاني بشاعر ...... ايه ماني بشاعر[/poem]
عبدالله عبيد الشمري
رد مع اقتباس
المشاركة الأصلية كتبت بواسطة زاهي حمود
المفضلات