[poem=font=",5,white,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
البـيـت سكـانـه معـاهـم مفـاتـيـح=فـي كـل ّحـزه يطلعـون و يفـوتـون
ماهـم بحـاجـه سـيـدي للتصـاريـح=بيتلّـهـم ملكلّـهـم بـــه يـمـونـون
أبيـات مـا تعنـي غـرام و مجـاريـح=و لا لهـا فـي مسلـك الحـب قـانـون
تعنـي حقيقـة شـي ّ يحتـاج توضـيـح=شـي ٍ قديـم و تالـي الوقـت مطعـون
حل زل رحل روّح من اسبـاب تجريـح=في ساعـة ٍ دار الرحـى كـل ّ ممهـون
رمـز ٍ لـه الكلمـه غـدى دمّـه يسيـح=ابكى الذي مـن عشـرة قـرون مدفـون
عزيتبـه بحـر ٍ بــه الـمـوج بينـيـح=عزيتبـه كـلّ الـذي شـال مضـمـون
عزيتبـه منهـو بكـى مـا بعـد لـيـح=و الليـل و العشـاق و اللـي يقـولـون
عزيتبـه ورد ٍ بـكـى جـاوبـه شـيـح=و الفن و اللـي عـاش نصفيـن مقـرون
ميّت و انـا عنـدي أمـل يمكـن يصيـح=صيحة سعـد يرجـع عفـيّ ٍ و مصيـون
يمشـي يسـوق اقـدام رجليـه تطويـح=يقضي على اللي مامشى الهـون بالهـون
عندي أمل و ابدي مـن الشعـر تشريـح=غنّيـت طـرق ٍ رايـق ٍ كـلّـه فـنـون
ما هو حـدا مـا هـو هجينـي مراويـح=مسحوب يا المسحوب عندي لـه اشجـون
دق طق فق افرق بق بـرق مـن مشافيـح=عد سد رد اسرد شد شرد مابـه اظنـون
قم طم خم الخم عـم جبـل هـزّه الريـح=سر در فر احضر حر عصر مات مغبون
خلّه يمـرّ يشـوف مـن شـال تصريـح=خلّه يشوف اش صار من زحمـة الـدون
طب جب طب اسحب حب هرب منه تمليح=من ظلمة الزيـف المبطّـن علـى الكـون
خلّـه يشـوف عيـون دمعـه تبـاريـح=با اسباب كسر ٍ ما انجبـر فيـه ملعـون
مـا للـحـن مــا للتفاعـيـل تسبـيـح=سجّة فكر في خاطر الشخـص مـوزون
جتنـي كـذا مــا زاوره دور تنقـيـح=حاظـر بحاظـر و الشعـر در ّ مكنـون [/poem]
رد مع اقتباس
المفضلات