فلمممم اكششششن حدث مؤخراً في شارع الستين بحفــرالباطن !!!!
هذي القصة ترى من جد :-
كان اسم الفلم..........
جعل الله .......... لنا النساء فتنه فأعووذ بالله من فتنة النسااااء
<----------------------------------------------------------أكشن
كانوا اربعه في سالف العصر والأوان
المتنبي
امرؤ قيس
جرير
الفرزدق
راكبين سيارة المتنبي ((الكرولا)) وطالعين يتعشوون في مطعم الفاو
طبعا امرؤ قيس (شايبهم) كان متضايق لانه مايحب طلعات الليل وكان يقولهم
خلنا نطلب العشاء سفري وكل شوئ يلمح لهم ويقوول :
"ألا أيها الليل الطويل ألا انجلي ***بصبح وما الاصباح منك بأمثل"
بس الشباب مطنشينه لانهم يحبوون اللفلفه في شوارح الحفــر
عموما
المتنبي ماكان منتبه ان جنبه احد ؟!
لان واحد توه متعلم السواقه حده بالسيااره وخلاه يركب الرصيف
انقهر المتنبي لدرجة انه التفت على الشباب وهو يصارخ :
"من لم يمت بالسيف مات بغيره *** تعددت الأسباب والموت واحد"
بس الفرزدق وجرير ( اللي كانوا راكبين ورى ) ما كانوا فاضين له !
شئ غريب جرير والفرزدق راكبين جنب بعض
اكيد انواع المحشات بينهم (24 ساعة)
عسى دوم يارب
فجئة عم الهدؤ استغرب المتنبي !!ماهي عادتهم
اثرهم قاعدين يكحلون عيونهم شافووا طرف عباة طالعة من جمس مظلل
تنشط جرير ( عاد الاخ ما صدق خبر ) وقال :
" إن العيون التي في طرفها حرو *** قتلننا ثم لم يحيين قتلانا"
وقام يتطلب المتنبي يلحق الجمس
احببتها..ارجوا ان تعطيها الدعسه_ _تكفى الحق بهم
عاد المتنبي يووووووه ((انواع الغرور في ذالك الآدمي))
رد عليه:
مابقى الا هي أناء المتنبي أناء:
"الخليل والليل واليداء تعرفني ***والسيف والرمح والقرطاس والقلم"
اسف ياخي تخيل شافنا ابو العتاهيه بجمس الهيئه بتنفعنا انت وخشتك !!!
زعل جرير وقفلت معه وبغى يتضارب مع المتنبي ولأول مرة في تاريخ الشعر العربي
اتفق جرير والفرزدق على نقطه معينه وقام القرزدق يحاول بالمتنبي
"هذا الذي تعرف البطحاء وطأته***والبيت يعرفه والحل والحرم"
حتى وصل بالمدح الى.....
"ماقال لا قط إلا..في تشهده*** لولا التشهد..كانت لاؤه نعم"
بالأخير تفتح مخ راس المتنبي وقرر يلحقهم وبدت المطاردة
طبعا امرؤ القيس راكب قدام كان مكبر راسه من جهة البنات بس كان عاجبه الجمس (جمس موديل 1007 يداعب الريح) و ما فيه الا غزل بهالجمس :
"مكر مفر مقبل مدبر معا *** كجلمود صخر حطه السيل من عل"
المهم . بدا الجمس يبعد عن الشباب بدى جرير يستهزئ بعزم الكورلا ويقول للمتنبي:
"على قدر اهل العزم تأتي العزائم *** وتأتي على قدر الكرام المكارم"
قفلت مع المتنبي وقال للفرزدق :
مالومك والله في ذا الغثاء والله من حقك تكرهه الله يلوم اللي يلومك
قال الفرزدق ردها بثنين حتى تصرخ وتدز_عط الموتر حقه
ردها المتنبي باثنين ودوووووووووووس وبقدرة قادر صادوا الجمس في شارع افريقيا وقف بالاشاره>>>>>وش جاب الاشارة هنا .
المهم وقف جنب الجمس
وقال المتنبي لجرير : يالله ورنا شطارتك
رد جرير : اعتبر الموضوع منتهي وياحبيبي طيحنا نص بنات الحفر
اشر جرير للبنات نزلو القزازة (عاد البنات ماصدقوا خبر ) اول ما أشر جرير فتحوا القزازه -الجام-
وكانت صدمه مابعدها صدمه !!
شلة طقاقات
الشباب انصرعوا من هول المفاجأه
عاد البنات تحطموا يوم شافو رده الفعل وقاموا يتكلموون عليهم
جرير كان اكثر واحد متأثر فصار يرد لهم ويقول :
"فغضي الطرف ايتها البومه _ _ فلا باسكال ولا فطومه"
"ياماشي درب الزلق لا تامن الطيحه _ _ اغربي عن وجهي ايتها القبيحه"
طبعا الوضع صار مكهرب بالسيارة
الا على وقفة ابو نواس على الكامري (مجنطها - زنون - شاشات....الخ)
بهذا الوقت قال امرؤ القيس : والله اني قايله موضوع فيه جريات وسربته اكيد ابو نواس بيحضر اول واحد
رد الفرزدق : شف ابو نواس ذا المصلحجي جايب معه عنتره بن شداد يدورون المشاكل
في الجهه الاخرى كان عنتره طايح قز بالبنات وطالع من فتحة الكامري وهو يقصد للبنات
"ولقد ذكرت الرماح نواهل ***مني وبيض الهند يقطرن من دمي"
"فوددت تقبيل السيوف لأنها***لمعت كبارق ثغرك المبتسم"
انقهر المتنبي بدون سبب وقال للشباب : ياناس والله قهر حتي هالعبد الشبهه ابو جبهه قام يغازل
وبدون مقدمات فتح القزازة لعنتره :
"لا تشتري العبد الا والعصا معه *** إن العبيد لأنجاس مناكيد"
عنتره سمع المتنبي ويوللللع عاد ابو نواس يحب المشاكل طنش البنات ولحقهم بدون مايقول له عنتره وقام ابو نواس يكبس لهم ويقول :
توقف تسوي فيها قوي "يوم جاء الجد ولا صحيح***كلام الليل يمحوه النهار"
لكن المتنبي اشر لهم وقال لهم الوعد عند الروضان في هاللحظه ابو نواس قال لعنتره:هم ارعه وحنا اثنين واحيانا الكثره تغلب الشجاعه قال له عنتره : معليك بتصل على اكبر مشكلجي في النايفيهأول مايدري ان الموضوع فيه مضاربه بيجيك مدرعم قال ابو نواس: منهو ؟ رد عنتره : من غيره السنايدي..تأبط شرا قال ابو نواس: عز الله الي راحوا فيها بس المشكله انهم يوم دقوا على تأبط شرا لقوا جواله مفصول صرررخ عنتره : افاااااا اكلناهاا ..!! رد ابو نواس:لم ناكلها ولاهم يحزنون دايم يجلس بمقهى الساري دق عليه هناك دق عليه على القهوه عنتره:هلا السلام ابو تمام وعليكم السلام مرحبا عنتره عندك تأبط شرا ابو تمام ايه!! عنتره تكفا الفزعه وانا اخوك الموضوع كيت وكيت تجون ولا..لا؟؟ابو تمام"السيف اصدق انبا من الكتب ** في حده الحد بين الجد واللعب"
فافتح الدريشه فقال اقتربوا قرب محطه الرياض فأتجهوا مسرعين فوقفوا عند المثلث فخاف المتنبي وعندما ولعت خضرا . المتنبي:وعطا السيار نمره ون وقال جرير ليه كل هالسرعه عطها اثنين اكاد ان اتقطع فقال الفرزدق اذلتوا بنت حلال فقال المتنبي قولو الي تقولون سوف انعطف يمين
(((وبعدين اكمل القصه وربي تعبت )))
رد مع اقتباس
المفضلات