[poem=font="Simplified Arabic,6,white,normal,normal" bkcolor="darkred" bkimage="" border="none,4,gray" type=2 line=0 align=center use=ex num="0,black"]
خل الحروووف
صدرك وسيع ٍ يقبل العذر ما يضيق=ماقصد زعلك إن كان سببت ضيقه
آمون أناواحرجتني كيف باطيق=غيبتك عني والهجر ما نطيقه
خل الحروف إتـْمُرْ من دون تبريق= مثل السّراب ولا يغرّك بريقه
دمعي يهل وحرّق الجفن تحريق=والجوف مني شب وسطه حريقه
وين أنت يامصوّب قلوب العشا شيق=قلبي تولع فيك وانته عشيقه
علّقت قلبي في محبتك تعليق=حتى اصبحت معك العلاقه وثيقه
يغمى عليه أمرار في الحب ويفيق=وشوفتك من سكرات موته تفيقه
وانته على غِـرّاته إتـْمُرْ وتويق=في اليوم ماحسبها ولالفين ويقه
يكفيك تلّيته من أقصى المعاليق=تل الدلاء من جوف بير ٍعميقه
تبحث خفا بيبان صدر ٍ مغاليق=يخفي هواك بداخله ما يبيقه
كل الجوارح لاجل شوفك مشافيق=تحن لمْواجَِهْـك باية طريقه
وتحن لايّام الوفاء والمواثيق=والصدق وأيّام السعاده حقيقه
[/poem]
رد مع اقتباس
المشاركة الأصلية كتبت بواسطة شام
المفضلات