[poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
يانور...وش حدّك على البعد...يانور=يامهرةٍ...اطلق زماني رسنها
راحت...وحدتها عن ديارنا دور=وانا تذكر في زماني...زمنها
اقفت بك الدنيا...وانا لفّ وادور=واصيح وسط ديار...محدٍ سكنها
راحت..واعد..ايام..وليال..وشهور=اقفت عن المقفي..وانا اقفيت عنها
الله وكيلك.. من عنا الوقت..مجبور=واعيش بأيامي...ولاحدٍ ضمنها
اصيح بالدنيا...وانا ماسك الدور=اشكي عليها..وشكوتي دوم منها
بي علةٍ مايشفيه...كل دكتور=حتى..الاطباب...المشفيه...ماشفنها
احيان احس اني..بدنياي..ماجور=انا الوحيد اللي ...عيوني بكنها
واحيان احس اني..مع الناس معذور=مثلي وغيري...والذكي من فطنها
يانور...مايسقي العرب كل ممطور=حتى الجروح المبطيه...ماسقنها
يانور دنيانا...مقاصير...وقبور=قبلك امم..سود الليالي ..محنها
عاشت بهالدنيا ..حضارات وعصور=غير الاثار الباقيه...من مكنها
يانور...وش باقي من الوقت...يانور=متى عنود الصيد...ترجع وطنها[/poem]
رد مع اقتباس
المفضلات