مشروع فريد من نوعه لقبيلة شمر

**خالد الخالد** · 09-11-2007 15:32

بسم الله الرحمن الرحيم

السلام عليكم ورحمة الله وبركاته

بصراحة عندي أقتراح ... أو بالأصح مشروع قاعد أفكر فيه

قاعد أفكر في مشروع يدعم أبناء قبيلة شمر ... الذين

هم بحاجة لنا .... المشروع يهدف الى مساعدة أبناء شمر

المقبيلن على الزواج أو الذين يريدون الزواج لكن لا يستطيعون

على تكاليف الزواج .... مشروعي هو وضع صندوق لقبيلة شمر

مخصص للشباب ... ويتم فيه دعم الشباب بكل يسر وسهوله

طبعا يكلف كل فرد من قبيلة شمر بدفع مبلغ لا يقل عن 300 ريال

بشرط أن الجميع يدفع المبلغ المذكور ... بهذا سوف يتمكن شبابنا

من الزواج من غير ديون ولا قروض تفسد عليه الحياة الزوجيه في

المستقبل ... وأعتقد 300ريال ليست بكثير ... ولكنها عندما تجمع

من الجميع سوف يكون مبلغ كبير ... قد يكفي لزواج أكثر من شاب

هذا مجرد أقتراح .... أتركم لكم التعليق على هذا الاقتراح

وشكرا

تقبلوا تحياتي

خالد الخالد

**تأبط خيرآ** · 09-11-2007 15:57

ليتها ترى النور فكرة فيها الكثير من الخير وتنفيذها سهل جدآ

وقال العلماء انه يجوز دفع زكاة الاموال لتزويج الشباب الغير قادر على ذلك

هذا مما يحمس ويزيد الموضوع اهميه

فكرة رائعة شكرآ

**خالد الخالد** · 09-11-2007 16:03

كل الشكر لك أخي تأبط

على المرور

تقبل تحياتي

خالد الخالد

**سلمان النبهان** · 09-11-2007 16:17

فكرة رائعة بل جميلة وروعتها وجمالها في التنفيذ
الذي اراه صعب ومستحيل يالغالي ...
لان الفكرة بحاجة لضبط ومتابعه وادارة وخلافه ....
وهذه صعوبة التنفيذ ولكن لو كانت على مستوى الفخذ فقط
فقد تكون هناك امكانية تنفيذ لها ..
عموما اشكر لك حضورك وافكارك الطيبة التى تدل على طيبك يالغالي .

**ابو راكــــــــان** · 09-11-2007 16:33

اولا اقدم شكري لك اخي خالد الخالد

على هالفكره الجميله....طيب وبالنسبه لشباب الكبار (الشيبان)

والله يزعلون علينا وش السواة.....اما بالنسبه لاقتراحك انا اوافق على هذا

واتمنى الدعم من الجميع ......ولو انه يه صعوبه على موافقه جميع قبيله شمر

لكن الله يقدر على كل شي

**احمد الويباري** · 12-11-2007 14:57

الفكره حلوووووه

لكن التنفيذ صعب ان لم يكن مستحيل

**مشــــعل** · 12-11-2007 18:16

8
8
ماهو صعب الا مستحيل

مسألة انك تبي تعمم هالفكره على شمر كله
اغسل يدك من اللحين

لكن لو نوعّي الناس لهالفكره
بحيث انه كل فخذ معين من شمر يهتم بأبناءه
كذا يمكن تنجح

لكن شمر كله يجتمعون صعبه

**ابو ضاري** · 12-11-2007 20:45

الفكره جيده ولكن

التنفيذ مستحيل يالغالي

**مشعل السليطي** · 13-11-2007 04:25

لا انشاءلله سهله كل عمده من فخذ يهتم بالموضوع حتى يحصل الحل
وانشاءلله البقيه مايقصرون حتى يساعدوننا انا وخالد الخالد
نبي نعرس ونكون حياة زوجيه انشاءلله والله فكره جميله جداً
بس يبيله دراسه وتضبيط من طيور شلوى والله يوفقنا ويكتب به الخير
ابلغ سلامي وتحياتي لك يالغالي...

**خالد الخالد** · 13-11-2007 15:10

مشعل شرايك أول ناس يستفيد من المشروع

أنا وياك ..... أهم شي نعرس وبعدها كيفهم ..

ههههههههههههههههههههههههههههههههه

أما بالنسبة للشيبان والله بلشنابهم ماندري

وش يرضيهم .....

عموما كل الشكر للجميع على المرور

تقبلوا تحياتي