.. ذكــــرى جميـــله .. !!

**ضحوي الاسلمي** · 05-11-2007 07:27

[align=center]

.

مرت .. وكالعاده .. اذا كنت غافي !!
................. تمرني .. صوت ٍ .. ذبحني .. رحيله

قلت أذبح الهاجس .. بسكين .. قافي
................ وقافي مثل حد .. السيوف الصقيله

كم لي .. وانا أرمي هالتعب .. بالخوافي
............... كم لي .. وانا أطلب هالبشر من يشيله :

أكبر عيوبي .. كنت رجال .. وافي
................. كاسب رموز المرجله .. من قبيله

ماكنت جافي .. لكن الوقت .. جافي
................. الوقت .. ماخلا .. الهوى .. في سبيله

قلنا .. ياليل الهم .. والله .. كافي
.................... جاوب : ..( سنين الهم .. لسّا طويله )

من وين .. اشوف النور .. والحلم .. طافي
.................. وسرب العنا .. حاضر .. ولاغاب ليله

يااغلا البشر .. هاتي لي .. الصوت دافي
................. عطشان لك .. والحب .. منهد .. حيله

امشي على رمضى فراقك .. وحافي
................... وأهرب من فراقك .. وأرجع وأجي له

مدري.. وش اللي .. بالمقادير .. لافي
....................... لكن طلبتك .. شي .. مابي .. بديله :

ان طالت الغيبه .. وانا صرت جافي !!
...................... خليني .. بدنياك .. ( ذكرى جميله ) !!

[/align]

**ريال الفسحه** · 05-11-2007 10:04

رااااائع كالعااده ياضحوي

\\

صح كلك

دمت بود

**زاهي التومي** · 05-11-2007 12:45

ضحوي

صح لسانكـ

قمة الجزاله و الروعه

قلنا .. ياليل الهم .. والله .. كافي
.................... جاوب : ..( سنين الهم .. لسّا طويله )

أي و الله لسّ طويله

ضحوي لله درّك

نص لا أملك أمامه إلا التصفيق

صح فكرك و دام نبضك

**أم نــــــــــواف** · 05-11-2007 17:40

وهل أقوى من سلاح الكلمة

وحضور الشعر !!؟

قصيده أنيقه وراقيه ومفعمه بالحنين

بارك الله فيك اخي ضحوي

المضائف تفتقد تواجدك وتفاعلك من قصائد الأعضاء

فلا تبخل على مضائفك أخي الكريم

الله معك

**محمد الهزاع** · 06-11-2007 00:40

ضحوي الأسلمي

صح لسانك على هذا الأبداع

قصيدة رائعة من شاعر رائع

ودي وتقديري لك

**ماجد علوان** · 06-11-2007 03:39

اخي ضحوي
صح لسانك ع هالابيات الرائعه

**سرحــان** · 06-11-2007 05:52

[align=center]

امشي على رمضى فراقك .. وحافي

................... وأهرب من فراقك .. وأرجع وأجي له

صح لسانك (ذكــــرى جميـــله)على هذا الأبداع

تحياتي[/align]