حرب النجوم

**الأصيل** · 30-10-2007 12:36

[align=center]يالربع ،، هذه المعركة محسومه سلفاً ( سلفاً ماهو سلفه يالفقارى )

وأكبر مكسب هو انضمام أبوعارف إلى منظومة الدرع الصاروخي

وهالرجال عليه بيانات تروع وتخرع وتصيب العدو بإسهال في وقت حرج

لذا ..

قررأت أنا بالإجماع ،،

وبعد استشارت روحي ( أيا الدكتاتور الجديد )

قررت أن أمنحه منصب وزير الإعلام والمراسم الأصيلية

ياعيال ..

جهزو الفشق ..

عندي سجه على مضيف جديد اسموه : الركن الهادي

هكا اليوم جيت أبي أخش ،، قالو : والله ماتخش

قلت ..

إن ماخشيت بمروة .. أخش بقوّه

واللي ماهو عاجبوه ،، يروح للبحر الأحمر ،، وياخذ لوه طاسه ، ويشرب منوه[/align]

**الأصيل** · 30-10-2007 12:41

المشاركة الأصلية كتبت بواسطة مهاجره باحساس

هذا اللي عجبني

لولوليييييييييش

..

على فكرهـ

فيه شي غريب

منصور وريال يهاوشون وهم بتساييين

تدرون وشلون عرفت

شوفوا الصور الرمزيه حقتهم

يقولون ...البدو....المتفلت مايهوش ..

الله لايبلانا .....

..

أنا للحين مدري مع منو

لا صح انا مع ابو عارف وبس

[align=center]ابشري بالخير تسانتس مع أبوعارف

هالحين أبوعارف عندوه ثلاث مناصب وزاريه

ونا ناوي أعطيه منصب آخر علشان يسدد ديونوه

وسعدنا بمشاركتتس

لا لا

ماسعدنا بمشاركتتس

هكا اليوم جيت الركن الهادي أبي أعلق على موضوع لتس

وهم يطردوني ،، ليييييه؟؟

فـ تحقيقاً للعدل ومبدأ المساواة بين شعوب العالم الثالث ،،

ماراح نسمح لتس بالتعليق هنا ،، يما تسمحون لي بالتعليق هناك

أو نسحب سفيرنا ونسكر السفاره بالشمع الأزرق[/align]

**ابو عارف** · 30-10-2007 13:45

فارسنا الأصيل أبو ثوب شكراً لسعادة روحك على هالمناصب إلى ما إجتمعت إلا عند وليد المرحوم.

ثانياً لا يافارس أبو ثوب لاتطرد ضيوفنا وربعنا وأصحابنا من ركننا أحلم ياطويل العمر يمكن كان ركنهم بالمغسلة ذاك اليوم أو نائم لإنه يحب الهدو ولاقدرو يزعجونه .

حاول مرة ثانيه يمكن يسمحون لك.

وحنا ياطويل الثوب أقصد العمر ماجانا إلا بالمختصر كل من أواق علينا وشافن أنا وأبو طروق خرج ولم يعد .

فلاتطرد أحد أبد لا وأوعدهم في حوافز حتى لو تسذب.

شكراً لتفهمك لوضعنا المتردي والنطيح والعوراء والمنكسرة.

فياهلا بكم لدينا حفلة ليلة الخميس ماتحصلش شرفونا.

**عجايب بنت الشايب** · 30-10-2007 22:40

سقا الله = سئا الله

اشوفكم يا اهل الله الفله .. مجتمعين وتقهوون ومعينين من الله خير

من يوم ربي بلاني بكم وبلاكم بي >> ياروحي يالعدل

وانتم من شطه لشطه

تقل محلوف عليكم ماتشدون الأرض وترتاحون

تقل والدين انتم والحجر والنبيطات بيوم واحد

تقل . كل واحدن كأن الشيطان تافلن بأذنه

تعوذوا من الشيطان

فضحتونا في خلق الله

هالأعضاء اللي توهم طالعين من البيضه

الحياة بيضا بوجيههم والمستقبل قدامهم

علمتهم الطبوع الشينه

صاروا ينشدون عن النبيطات والحرووب

مير علمن ياصلكم ويتعداكم

شفت أو سمعت بهوشه أو حرب

يجيكم علمن ماهو ذا ..

لا ارحم الله من لا يخافه ..

ذرن .. غاديتن مالها والي

اخت أخوي اخته ...

بعدين يا كبير المهبل

يابو ثويب

توقيعي .. ينم عن الحقيقه التي نعيشها وهي اني اكتفشت

أن حتى الربع مافيهم خير وخصوصاً اهل الفله

يمكن في نفس اللحظه اللي يمد لك كوب ماء بيد

يصفقك بوجهك بالبيد الثانيه

لذا قلت

لا صار ربعك ابو ثوب وطنخان
لابد ماتقضي لزومك بيمناك

وأمحق زمان وياعيشة الشر

طحياتي ......,,

**المطنوخ** · 30-10-2007 22:42

اما سمعتم بالكر والفر؟

**بالمختصر..** · 31-10-2007 00:14

^
^

بلى سمعنا واطعنا ههههههههههههههه

اما انت أيها الدكتاتور الحقّاني الشرير بس قلبك طيب

لدي [ عـــــرض خـــــاص ] لــك

إذا تبي مساطر أو فرجارات ( جمع فرجار ) راح أهرّب لك من المضيف تبعي

بس لاتعلم ابو سلطـ ... <- تسني خايفه أقول الإسم !!

بس بشرط .. تحذف ردود مهاجره بإحساس كلهن من يوم ماانولدت بالفله
وعقب شهر ترجعهن .. بس ابي اخرشه

امزح

ومنصــووره يالفلّه ..

.
.

**منصور الغايب** · 31-10-2007 00:29

تراني موجود وكل اللي ما اثبت ولاؤه للمعارضة راح يضاف لقسم الخونة ...

لذلك بالمختصر + المهاجرة = بلاك لست .......

وانتظروا .... راجمة الصواريخ في مدح المناضلين وذم المطانيخ .... قريبا على الفلة ...

**بالمختصر..** · 31-10-2007 00:36

منصـــــــوووور والله ماني مع أحد بس بما أن مطنوخ أفندي زميلي بالمهنه

قلت أعرض عليه هالعرض <- صافطتن لوه

وإن رفض أعرض عليك أنت وخوياك

يعني ماني مع الخونه أسحــــــب كلمتك ..

.
.