[align=center] بســـم الله الرحمن الرحيم
هذي القصه جــرت على ابن مويجد الشمري.(من ال عطا ) وهي انه بسنةً من السنين جاء على قبيلته
دهــر وقحط وجوع شديد . فشدوا الضعوف واللى ماعندهم حلال وانزلوا بالقرب من اللى
ميسر الله عليهم . وكان ابن مويــجد رجالً كريم وطيب وانزلوا حوله الفقراء من جماعته
وكان كل ماخذا وقت ذبح من حــلاله ويقسمه عليهم . وفي يومً من الايام جابت له مرته
العشاء وكان معها لحم فنشدها وش عطيتي قصيرتنا ( وكانت قصيرتهم عجوزً رملاء مالها عيال )
قالت زوجته : نسيتها ولا عطيتها شئ . وقام وخذا السكينه يبي يقسم اللحمه لكي يعطي قصيرته
وتنشب السكين بعصبً بوسط اللحمه ويجر السكين بشده فزرقت السكينه من اللحمه وهي تضرب
عينه ( وكان هو كريم عين - اي اعور - ) وهي تصيب عينه السليمه اليا الدم منتثر. ويوم وعا
الا وعينه منطسه ولا يشوف بها ويصبح رجلً كفيف - وهذا أمر الله سبحانه - فقال هالابيات
يعبر مابخاطرته فيقــــول :[/align]
[poem=font="Simplified Arabic,6,white,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قال ابن مويجد والصلاه على النبي=لوعات بقعـاء كـل حـيً يذوقـه
من قال انا من لوعات بقعاء سالـم=ماطيـر بـرً سالـمً مـن وهوقـه
قم يانديبي شد لـي فـوق شيبـه=شيبه وكن الشـب يطلـى شدوقـه
واركب على كوره ودور لي الـدوا=لعينً تعرض شذره الموس موقـه
قل ياعين من يحري ويذري ويلتقى=ويدي من القوم الحماقـى حقوقـه
وياعين من يغضي اليا شاف زلـه=زله صديقً ما نشد عـن مروقـه
عشيـر صعلـوق قليـلً زمايلـه=عـدو عفـنً كثـر البخـل نوقـه [/poem]
[align=center] وسلامتكم [/align]
رد مع اقتباس
المشاركة الأصلية كتبت بواسطة صلفيق
المفضلات