[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البحر فيه الخطر في موجتـه وركـوده=والخطر يـزود للـي داخـلٍ بامواجـه
والمحبه له جروحٍ بالحشـاء ماكـوده=مستحيل الجرح يبرا دون صرف علاجه
للقلوب اللي تحـب وبالغـلا مسيـوده=ونار حبـه بالضمايـر دايـمٍ وهاجـه
ودايم اهـل المحبـه عالـمٍ محسـوده=ومن مشاء درب المحبه واضحاً مفلاجه
كم شجاعاً تحتميبه عالـمٍ عـن كـوده=صار اسير الحب واضحاً للجميع اخلاجه
ويتوقـع للخسـاره ماتوقـع فــوده=دام درب اهل المحبه ماشيـن منهاجـه
دايمٍ يشكي مـن الحـب كثـر اللهوده=ومن دخل بحر المحبه كايـداً مخراجـه
سبة اللـي وصفهـا مهـرةٍ مقيـوده=عند شيخـاً ناويـن للطـراد اسراجـه
عند كل اهل الفعايل سيرتـه محمـوده=والعـدو ياقابلـه منـه زاد احـراجـه
الشجاعه ورث الاجداد لـه مرصـودهوه=و شهيمٍ والشجاعه بانين للسياجـه
دايم العلياء يحب مواجهـه وصعـوده=والمراجـل لابـسٍ بالفعايـل تـاجـه [/poem]
رد مع اقتباس
المفضلات