[frame="6 80"][align=center]
السلام عليكم ورحمه الله وبركاته
تنشد عن ظروفي ..؟
وش هي ظروفي ..؟
غير أنا وطيفك وخوفي ..!
وعطر ما زال يسكن كفوفي ..!
هذة هي ظروفي .
من غبت
ودنيتي غزاها الضباب .
لا الأرض أرضي
ولا ذاك السحاب سحاب .
النفس صحراء
وطـــــــيـــوفــك ســراب .
والشمس عيّت لا تغيب
والغيم يسألها بــ ولـــه ..!
متى بتنتهي رحلة هذا الغياب .......؟
هم وأنا ننتظر رد الـجــــواب .......؟
تنشد عن ظروفي ..؟
وش هي ظروفي ..؟
غير أنا وطيفك والعذاب ..!
هذة هي ظروفي .
يا أحلى أيام العمر
وأعذب أبيات الشعر
يا شمس عمري
وأحلى محطات العمر
يا شعاع الشمس
وأضواء القمر
لهفتي مرسى
وعيونك بحر
ثلثين عمري عذاب
والثلث الباقي صبر
أبـــــــــــــــــــــــــــد أبــــــــــــــــــــــــــد
ما لك عـــــــــــــــــــــــــــــــــــــــ ذر
تنشد عن ظروفي ..؟
وش هي ظروفي ..؟
غير أنا وطيفك والقهر ..!
هذة هي ظروفي .
تصدقي كل غياب
غير غيابك حضور
حتى شعوري بعدك
ما هـــو شــعـــور
بعدك السماء غير
وهجرتها الطــيور
كن الزمن وقـّف
والأرض عيّت تدور
والفضاء بالحيل ضاق
والعين تملاها القبور
والفصول تاهت بعيد
وماتت أطفال الزهور
تنشد عن ظروفي ..؟
وش هي ظروفي ..؟
غير أنا وطيفك والشعور ..!
هذة هي ظروفي .
كل شروقٍ وله زوال
إلا أنتي وذيك الليال
تظنين أني نسيتك..؟
هذا محال .. هذا محال
كيف ينسى من عشقك
عشق الصحاري للرمال
وعشق القوافي للخيال
و عشق البوصلة للشمال
وعشق الشمس لخيوط الظلال
آه يا سرمد ذيك الليال
ويا بدايات المحبة
ويا نهايات الوصال
تظنين أني نسيتك..؟
صـــــــــدقـــــيـــــــــنــــي
هذا هو المحال .. هذا هو المحال ...!
ما قلت لك أن كل الجهات
هي الشــــمـــال
يا أحلى من ضحكة طفل
وأعذب من روح الخيال
وأصدق من دمعة كهل
وألطف من نسيم الوصال
وأبهى من لوحة حفل
وأقصى مسافات الجمال
وأجمل من لحظات الوصل
وأقسى من طعنات الأنفصال
أنتي وأنتي وأنتي وأنتي
استغفر الله ولله الكمال
تنشد عن ظروفي ..؟
وش هي ظروفي ..؟
غير أنا وطيفك والسؤال ..!
هذة هي ظروفي .
أبشري ترى كل طعناتكِ بخير
هذه هي كلها في قلبي نايمة
وش يملك غيرها ذاك الفقير ..؟
و نزوات حلم في دنيا صايمة
وش يملك غيرها ذاك الفقير ..؟
و نزوات
........... حلم
................. في
...................... دنيا
........................... صايمة
وش يملك غيرها ذاك الفقير ..؟
و نزوات
........... حلم
................. في
...................... دنيا
........................... صايمة
تنشد عن ظروفي ..؟
وش هي ظروفي ..؟
غير أنا وطيفك والهجير ..!
هذة هي ظروفي .
يقولون كل غايب مصيره ينتسى
وكل جرح مهما طال طبه الجفا
شقى شقى
مادروا أنك لي شقا ...!
ومادروا عن ذاك القلب وش حوى ..؟
وأن عذاب هالكون في داخلي رسى ...!
أبشرك ما عاد بهالدنيا وفــــــــــــا ...!
وكل الأمل عن عيوني أرتمى ...!
كنتي لي الأرض ومسافات السما ...!
وكنتي أنفاسي وكل زفرات العنا ...!
وكنتي للقلب نبض وللعين ماء....!
أنتي كنتي لي كل شئ
ورحل بك عن عالمي حظ الردى...!
آه يا جــــــــــــــــــــــــــوري أحمر
آه يا ميادين الـــــــــــــــــــــــــظمأ ..!
وش بقى في يدي غــــــــــــــــير
جرح عزيز وسؤال وأيتام ذكرى ..!
تنشد عن ظروفي ..؟
وش هي ظروفي ..؟
غير أنا وطيفك والجفا ..!
هذة هي ظروفي .
و الحين من بعد ذيك السنين
ومن بعد ذاك الشوق والحنين
تجي تسأل ....!
وبكل بساطة عن ظروفي .....؟
وش هي ظروفي ..؟
غير أنا وطيفك والأنين ..!
هذة هي ظروفي .
أبشرك كل الظروف بخير دامك بخير
ودامها هالضحكة بهالثغر الصـــغير
ودامني مازلت لك وأنت لـــلـــــــغير
تصدقي مهما حصل ومهما صار
ومهما أتعبتني محطات الأنتظار
دامك بخير فأعرفي أن هالدنيا بخير
ناظري نفسك ولا تسألي ...
أنتي ظروفي ودنيتي ...
عيشي حياتك وأفرحي ...
و أتركي لي متاهات العمر...
ونزف جراحات القهر ...
وغبة الماضي السحيق ...
وخطواتي وعثرات الطريق ...
ولا تعتذر أنا أبي ألقالك عذر ...
ولا تعتذر أنا أبي ألقالك عذر ...
ولا تعتذر أنا أبي ألقالك عذر ...
ولا تعتذر أنا أبي ألقالك عذر ...
أنــــــــــــــــــــــــــــــــــــــ ــــــــــ ــــــــــــــتـــــــــــــــــــــــــ ــــــــــ ـي
ظـــــــــــــــــــــــــــــــــــــــ ــــــــــ ــــــــــــروفـــــــــــــــــــــــــ ـــــــي[/align][/frame]
رد مع اقتباس
المفضلات