[align=center]
السلام عليكم يالربعوالربعات
وكل عام وانت بخير .... وتقبل الله منا ومنكم صالح الاعمال ....
هذي عيديتي لريال بن فسحلة
كان يا عربان في قديم الفلال و سالف الرمان و الكذبان
كان هنالك شاب في مقتبل العمر قصيرن طويل ( هذي انشدو عنه الغايب) وسيم يعني له ضروس فيل وممشوق ودب وله دم ضفدع و عيون تيس وعصاقيل نملة وكرعانه تقل ذرعان عجوزن طايحتن سنونه يدعى قريش بن فسحلة ( اللى ما يعرفه تروووووه الرييييل بعد التطوير )،
كان يمشي في مزرعة الشيخ شليويح مخوف العربان ( لازم يكون لى دور بالقصة )
وهو يقول : ارفع رجلك انت قريش غيرك يرفس وانت تغيِّب ورى المرمى
يوم رمح الرمانة ( رومانسي الوليد مسوي نفسه مهموم ليتي عنده هكالساعة )وهو يسمع من داخل الرمانة واحدن يصيح (كن عيني تشوف القريش وهو يتلفت من الذلة )
، فقال قرقش – ابدلع القريش بكيفي - : أويحي وش هاللى يبسي ( تروه يبكي بالكاف بس عشان قرقش مثرم ابضحك عليه ) فأخذ الرمانة ومحش الغبار عنه بطرف ثوبه بس بعد ما تلفت وتاكد ان ما احد يشوفه ، يوم محش الرمانة وهى تثور العجاجة منه وتتحول إلى لون اسود ،وينط من الرمانة جنية سودا عيونه صفر وشدوقه زرق وشوشته فلافل مدهونتن بزيت دركترات ووجه متعكرش وعليه خلاقين من عصر الصراصير أمهات أذان ( يخبرهن ابو طروووووق )
المهم ان اللي يشوفه يطير قلبه من الخرعة وتزوم كبده من شوفة خلاقينه وهى تقول بصهيل مثل صهيل عنزن شبعانتن تبن :شبيك لبيك مـــــــهـــــــــا جـــــــــرة بــاحســـــــاس بين ايديك( كان ما قلتي باحساس عشان يصير الدور ضابط بس مسحوبتن من لسانك.... ما اتبلى عليس هالكلام بقولس .... شليويح يسجل ما ينسى وانشدي قرقش)
فخاف قرقش وقال بصوتٍ خااااااااااااااااائف ( ترو المدات تطلع مقطعه من بلاعيم قرقش بس مادري وشلون اكتبه ) والله يا عمة مهاجرة ما سويت شي ما هو أنا الذي ضربتُ الرمانة ( ذرووووق الله لا يبلانا كان حطيته بين عيونه
فقهقهت هَوهَو ( هذا دلع الجنية مهاجرة )
هو هو هو هو هو هو هو هو هااااااي ( هذى ضحكت الجنية هو هو على قرقش )
وقالت : لا بأس ايها الوغيد لك طلب واحد ما غيره اطلب وفكنا خل نلبيه ونرجع ننام
فقال قرقش اللى أخبره ان المصباح السحري له ثلاث طلبات ماهو واحد يالبخيلة
فردت عليه هَوهَو: ترانا اعطيناك وجه المفروض امصع سنونك و أسويهن قلايدن لى بس رحمتك انجز قل طلبك ما دام النفس عليك زينة
فقال اخونا قرقش : ابي قصر كبيررررررررررر ..... لي عشر سنين وانا مقدم على البنك العقاري ويهالحين ما جانن الدور( اسم الله يالنمس ما علمتن عشان اقدم معك )
فقالت هَوهَو : ابشر ما طلبت شين صد بخشتك ، وهو يغمض بعيونه
قالت : هذا اللى ما يفقه ... نقول صد بخشمك اللى تقل فانوس سحري ...
يوم فتح عويناته قصدي يوم صد بحنوكه ( ماش ما قدرت امسك حنوووووووكه لازم تطلع ) يمار هو بوسط له قصر كبير عريض بس المشكلة ان البشر به تقل ذر
عاد اللى حصل للقريش قصدي قرقش لما دخل القصر أعلمكم به يا رجعت من سفرتي
وتوته توته عقبال ما تقرون باقي الحدوووووووووووته
وكل عام والفلة عامرتن بأهلها الأحراااااار والنعم و ألف نعم بمخوف العربان
[/align]
) وكنت لاتخاف ابدا ابدا 
المشاركة الأصلية كتبت بواسطة ريال الفسحه
المفضلات