[align=center]المكان : حزم الجلاميد
الزمان : ساعه قبل فجر العيد
الجهة: رفـحــاء
مقهى ,,, صغير,,, بقريه صغيرة و قلوب كبيرة.. و...بريئه وربي ...
رغم زحمه الوقت اجبرني مقهاها الصغير على الوقوف
:
:
وشيشــه
:
أول نـَ فــَ ــس
:
:
:
اجمع الضيق بــ احساسي واصبه شكر ,,
............................. وافهق الليل بعيوني لصبح جديد
وانفث الدخان لـ الضيقه واجمّع فكر,,,
............................. لين ماحس بالرغبه ويورق قصيد
الورق شهوة الشاعر يـجي له بكر,,
............................. يحضنــه كل ماعرّى خياله بعيد
:
:
وشيشــه
:
:
ـ عامل المقهى و عامل المطعم (في الحقيقه هم نفس الشخص) لكن شقاء الاخيره تذهب متعه الاولى,,
كــ علاقتي بالطريق ( اعتقد اننا نفس الانسكاب ) لـكن يرتبني الوصول ...
الاكيد هو يقوم بخدمات الـ 5 ستار من اجل عيديه تستحي ان تضعها في يد طفل لكن هو يرضى!!!!
:
:
وشيشـــه
:
:
:
ثاني نـَـ فـَـ س
:
:
:
صديق هات الجمر وارتاح
.......... هون علي زحمه البغشيش
الارض طاحت على التفاح
......... انسى نيوتن عشان تعيش
الفقر يابو.. فقر.. فلاح..
........... يحصد سنابل يدك بشويش
لوهي علي ماوطيت جراح
.......... لكن عيونك تسولف بـ ايش
الوقت ظالم يديـه رماح
............. اكفخ مدام بجناحك ريش
ماشفته امدى يجيك / وراح
.......... رح واسئله مايوقف.. ليش
الوقت قفله ..هو.. المفتاح
.......... ماخفت فجأه يجيك /..بطيش..
:
وشيشــه
:
:
ثالت ن ف سـ... قبل الطريق
:
:
:
:
طريق يقسم لي نصيبه من الحين.
...................... امسك يده نزوة وابووس المسافه
وأجمع غثى الماضي واهده مساكين
..................... وازبّن الفكره .دخيل.. بـجلافـه
من عام ماتت في يديني عناوين
.................. ادف ذنب الوصل والله واخافــه
وحيد ماحولي من امري لـ هالعين
.................... تقرى السواد ولا تحس بـكلافه
أجل وصولي ذنب ومواصلي دين
....................... شكلي.. تشربت الحياة التفافـه
استغفر الله صرت احسَه من الدين
........................ هذا السفر عندي طهور ونظافه
طريق يقسم وجه هـ القاع نهدين..
...................... يروق لي ممشاه مـو شي تافه,,,,
*
كل النصوص هنا لا تعبر عن وجهة نظر صاحبها,,, بـ العكس..
بالاضافه الى ان التدخين سبب رئيسي لـ امراض القلب والشرايين و ..... تابع علبه المارلبورو.....
*
كل عام وانتم بخير[/align]
رد مع اقتباس
شيـــــ شه
المفضلات