[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
من اعماق الخفوق اللي سنينه=ضياع و همّ واوجاع(ن) دفينه
من اعماقه اسوق احلا تحيه=لبنت(ن) كل ابو وقته حزينه
جفاه الوقت الاقشر و امتحنها=و لا شفته رحم دمعات عينه
جفاها قبل عشر(ن) من بداية=ضيوف(ن) تحمل اصفار(ن) لعينه
سنة ما طبّق الواحد حدوده=على تسع(ن) تلت تسع(ن) فطينه
جفاها ليتها الدعوى جفاوه=أبد ما كان يلحقني غبينه
ولكن سيد السادات غيّر=بأم العين أنا شفته يهينه
أهانه يوم نادى له مبجّل=يكن الحقد و اسرار(ن) دفينه
وجاها اللي على الذل متعود=و في جوفه هماليل الضغينه
رفع ثوبه و نال اللي يريده=و بعد الظلم مشيوفه سجينه
بعد ما هي طليقه في هواها=تغني من غنا الشوق و حنينه
بعد ما هي طبيب الجرح كله=جروحه باينه باعلى وتينه
الا يا بنت ابو جعفر تحيه=تحيه من ولد شمر ثمينه
صباح الخير يالطهر العفيفه=صباح الورد ولا ياسمينه
صباح الخير ياللي لك مكانه=بقلب الشاعر اللي تعرفينه
صباح(ن) ما يليق الا بأسمك=يافتنه ما خلق ربي بزينه
يادره حيّرت شبه الجزيره=ومعها الشرق الاوسط بالسفينه
يانبع الحُسن ياهمّ المتيم=يانور البدر ولا ما تبينه
ياوجه(ن) في سما سن الطفوله=براءه و البراءه من يدينه
ياروح الروح يابلسم جروحي=دواي أنتي من هموم متينه
احبك واعشقك مبطي وتالي=ولين الموت تاخذني يدينه
حلفت بخالقي و الله حسيبي=مخون الحب هذي لي مهينه
مخونك لو يخونك كل غالي=وعد هذا يابغداد المدينه
وعد صادق ودجله من شهوده=وعد و الوعد لازم تذكرينه
زاهي حمود التومي الشمري[/poem]
رد مع اقتباس
المفضلات