[align=center]مساكم الله بالخير كـلـبــوووووكم
المثل يقول من طول الغيبات جاب الغنايم .. وان شاءالله اكون جبت لكم اللي يرضيكم
طول فترة غيابي عن المضايف .. كنت مسافر تسنني ابن بطوطه الاحق اللي يشوهون صورة التاريخ
بمسلسلاتهم ..
واليوم جايب لكم سالفة صارت بيني وبين عنتر من وراء الكواليس
هذا سلمكم الله يوم جيت لموقع التصوير وانا انهج ادور عنتر وهو يأشر لي واحد من اللي يصورون قالي تلقاه
بلكي خلف الحزم من قدام << طلع من ربع شريط حورنيات
الوكاد وماوكاد الا الموت يكفينا شروه وانا القى عنتر مرتتسي على الجدار وشكلوه منغبن من
هالمسلسل مثلنا
وهو يدور هالحديث بيني وبين عنتر
[align=right]عيون السروق : مسيت بالخير يارجل
عنتر : لا هلا ولا غلا وش تبي
عيون السروق : اقول اسحب كلمتك لا امدك هناا
عنتر : اقول تلايص مابقى الا انت ياابيض الوجه تمدن << يقال انهو شتمني ببياض بشرتي
عيون السروق : اي هين انت بس جودك على العبيد تلمخهم وغيرهم تعجر ماتقرب يمهم << اله من
الشماته
عنتر : ياليل البعارين انت وشتبي بالضبط
عيون السروق : ابد انا جايك من طرف اهل الفله يبون يعرفون ليش طول المسلسل ماحاربت وانت الفارس
الشاعر المعروف
عنتر مطرقا براسه يعني مدنق : يابن الحلال لو هي بيدي تسان مفدعن بهم كلهم << ياقوي انت
عيون السروق : ارفع راسك انت سعودي << انت وين غديت مهو هلون ياجدي
عيون السروق مرة اخرى : اجل بيد منهو
عنتر : بيد المخرج اللي من اول المسلسل يقول لي لا تحارب الا الحلقه الاخيره << يقال انهم جابوه محترف
ومايبونه يتعور
عيون السروق : يعني الحتسي كلوه من المخرج .. وانت مالك كلمه عليه << يبيه تقبس بينهم
عنتر : يارجل وش لي بالطلايب الواحد مايمديه يفتح افموه مايشوف الا الباب مسكر وراه يعني طرده
عيون السروق : خلنا من المخرج الحين ونبي نعرف وش راح تسوي بالحلقه الاخيره
عنتر : انا حالفن يمين محد يطلع من المسلسل وهو سليم الا افدع بهم لو تخرب بيني وبينهم
عيون السروق : اقدر اقول مثل بمناسبة مقولتك هذي
عنتر : تفضل وش عندك
عيون السروق : المثل يقول ماورا مصبح شي يربح .. بس تلايص ولا تسوي روحك قوي قدامي
عنتر : انا ولد زبيبه وش تقول انت
عيون السروق : يعني مسوي به تعتزي بولد زبيبه رح لا احط امك بالبخاري واكله << خربه
المخرج منقذا الموقف : ياعنتر ياعنتر
عنتر : ياعونك يامخرجنا << وشو ياعونك ماهي لك يملا الهجده اللي تهجدك هذي منين طلعته
عيون السروق وهو يتصبب عرقا : اشوا اللي صوت لوه المخرج والا بغى يطلع مصراني عقب ماخربته معوه[/align]
وذهب عنتر مسرعا إلى المخرج كفارس لا يشق لهو عجاج
ومن بعيد ارى المخرج يخانقو عنتر بن شداد وهو مطرقا براسه للاسفل وهنا كانت الطامه .....
مذاا قال لامخرج لعنتره ؟
لماذا اطرق عنتر راسهو امام مخرج مايسوى بصله ؟
وماذا قال لي حين عاد الي ؟
هذا ماسوف تعرفونه بعد ايام...
آسف على الاطاله
ودمتم ,,,,,,,,,,,,,,,,,,,,,,[/align]
رد مع اقتباس
المشاركة الأصلية كتبت بواسطة منصور الغايب
المفضلات