شمّر طنا..نخوة..شجاعة..كرم..عون

[العديلي]

[poem=font="MS Sans Serif,5,white,bold,normal" bkcolor="black" bkimage="" border="none,4,gray" type=0 line=0 align=center use=ex num="0,black"]
( شمر هل الطولات وابليس ملعون=والشاهد الله والعبي يا حمــــــامة )
بيت ٍ وغنيته مع اللي يغنــّــــــــــون=وحطيته براس القصيدة علامــــــــة
شمّر هل الطولات يعني يطولــــــون=اعلا بروج المرجلة والزعامـــــــة
شمّر وبهجة خاطري يوم يطــــرون=وبشاشة بيوت القصيد ووسامــــــه
شمّر طنا..نخوة..شجاعة..كرم..عون=شمّر رحــــابة صدر .. شمّر شهامة
شمّر كبار صحون .. وسّاعة طعون=اهل العطايــــــا .. محتمين الجهامة
يوم الكرم فيه القبـــــــــايل يمارون=شمّر هم ملوكه وذروة سنـــــــــامة
كن الكرم بأسم السناعيس مقــرون=لا قال من شمّر ذكرت الكــــــــرامة
سمعت يوم الجوع مبطي .. يقولون=طعام جار الشمري من طعامــــــــه
ويوم الغزو والوضع ماهوب هاللون=اكبر غنايم من غزوه السلامـــــــة
قوم ٍ لهم بالمجد اساسات وركــــون=من خلقت الدنيا ليوم القيامـــــــــــة
والله وسبع انعام لو مايكفّـــــــــون=خطوا الزّحول معاديين الرخــــــامة
احبهم في ذمتي " حب مجـــــنون "=والله يلعن من كذب في كلامـــــــــه
ياطير خذ هذي لحايل وممـــــــــنون=مع خافق الشاعر وغالي سلامــــه
قل قالها من قلب وابليس ملـــــعون=مدح ٍ بشمّر .. والعبي ياحمامــــــــة [/poem]

[راعي الوقيد]

صح لسانك ولسان الشاعر

تسلم يابو عديل على القصيدة الرائعة

يابعد حي من هي له هالقصيدة

ولك التحية

[العديلي]

اهلين وسهلين
وصح بدنك ياراعي الوقبد
والقصيدة لسلطان المورقي
ولك تحياتي

[ماجد علوان]

نقل فووووق الرائع اخوووي
صح لسان شاعرها وتسلم يدين كاتبها



لك مني كل التقدير والاحترااااام

[محمد الهزاع]

تسلم يمينك على النقل

وصح لسان الشاعر

تحياتي لك

[العديلي]

أخوي مالوم نفسي وانت سالم وغانم مشكور على المرور ومرورك سرني
محمد الهزاع وانت سالم وغانم ومشكور المرور ومرورك سرني