مابقالي في زماني غير حرفيـن القصيـد
اتسلى بالقصايـد ليـن ماجفنـي ينـام

انتظر تقضي حياتي اشعر ان العمر قيـد
السنين اللي كرهت ايامها كره الغـرام

عمري اللي مانقص ماودي ايامـه تزيـد
رافض زود المواجع والتجني والمـلام

لي متى والقلب يشكي ليمتى والدنيا تكيد
لي متى والناس تجهل الحلال من الحرام

قالو ان الحب شمس وشوفة الخلان عيد
لو تطول احلامهم يغتالها غدر الظـلام

لو جرحك اللي تحبه بالهوى وش تستفيد
لو جرحك اللي تحبه قل على الدنيا السلام

وياخفوقي مابقالك غير حرفيـن القصيـد
قم تسلى بالقصايد لين مانبضـك ينـام