يقول مشعان الهتيمي تفلهـــــم
قاف ٍ رجس بين الضلوع المغاليق
يا ونتي ونة ثلاث هلايـــــــــم
من نسفهن خضر الجمام الدغاريق
سواقهن عبد ٍ مع الليل يجهـــم
وأنجح مصاخفهن بروس المساويق
قالوا هيّم قلت الهيّم حالة أسقم
وقالوا عليل وقلت ما في تبريق
وأنا قيت دوا العليل المسقّــــــم
حب الشفايا اللي تذلهب لها الريق
خلي طواني طية الثوب أبو كـم
وأنا طويتة طي بير المرازيــــــــــق
أثريك يا ثلاب رمحك مسهــــــــم
ولا يضرب إلا في النحر والمعاليق
أبو قرون ٍ يلحقن المحــــــــــــزّم
يشرب بها العطشان من ما بريريق

بريريق : بئر عميق في شمال المملكه

ليته سقاني من شفاياة يا عـــم
من مبسم ٍ ما شفتة إلا تراميق
من مبسم ٍ يضفي عليه اللثـيـــّم
وتضفي عليه الفردة أم العشاريق
ريقه حلا من در بكراً تـــرزّم
لا سلهمت لوليدها بالتفاهيــــــــق
لا روَّّحت من وادي ٍ فيه خمخم
و غير الشقاري نابت ٍ زماليــــــــــق
لا جيت أنا ويا الحبيب انتلايم
شد الشديد و نوّهوا بالتفاريـــــــق
ماياصله ياكود هجن ٍ تدرهم
فج العضود معمرشات لسماحيق
بنات عملي ٍ بعض لونه أسحم
يا زين ذود أرقابهن بالخناخيـــــق