محبوتك حبيبتي صـــــارت جدالـــــــها شقر
صم الصخر غصب انحنى تبكي على خيالها
حبيبها يوم انثنى ارخــــــص لهــــا دم حمر
تشهدلها ريضانها وتشهدلها وديانهـــــــــــا
اجا وسلمى تشتكي وعقده تصيح من القهر
تغيرت ملامحه واشكالها واوطانهــــــــــــــــا
اختارها حبيبها قلبــــــه صفى مثل الحجـــر
ملبوسها الثوب الحمر وماكولها عدوانهــــــــا
حايل ترى حبيبتي حايـــــــــل ترى درة بحــر
عادلتها في غيرها غصب رجح ميزانهــــــــــا
حايل ترى رمز الكرم حبه بقلبـــي والنظـــــــر
تبقا لنا وحنا اهلها لاسكب دخانهــــــــــــــــا
حايل ترى رمز الوفى ولاتحب طعنات الظهــــر
ومن عاش وسط ترابها صدق ابد ماخانهــــــا
هذا تراها ديرتي ان كنت تسال عن خبــــــر
احبها بتاريخها وكل شي بعيني زانهــــــــــــا
كانك تقول انه سحر صدق ترى اجمل سحـــر
حتى الشعر لامن ذكر اسمه تزين اوزانهــــــا
رد مع اقتباس
المفضلات