بسم الله.
هذه القصيدة للشاعر/ زاهي بن خليوي النماصي الشمري رداً على مقال قرأه في أحد المواقع يتكلم عن معركة الصريف وأن كل ماكتب عنها مبالغ فيه ويستبعد أن ينتصر جيشٌ على من هو خمسة أضعافه.
فكانت هذه القصيده وهي تعبر عن نفسها.
قريت اليوم بـ(النت) الهوايل كلام كويتيـ(ن) ماله دلايل
كذوبـ(ن) يجحد الحق الموكد ألا ياليت ماجدّه بــ(وايل)
يقول إن (الصريف) بكذب شمر غدت كنه خرافات الأوايل
لمنهو ضعفكم خمسـ(ن) كسرتوا ! وتغلبتوا على جمع القبايل!
وأقول الكل يشهد ماكذبنا وعلى ماقلت آيات ودلايل
بوضوحه كنها شمس الظهيرة وشهد فيها من أعدانا الحمايل
وعلى شمر ترى ماهي غريبة ليا طنيوا يسوون الهوايل
تشوف فعولهم قدام عينك وتحسب إنه أساطير الأوايل
غدوا عِشر العدو مرات والله نصرهم وكسروا أولاد وايل
نزل ولد الحدب والجيش مية من الثابت أواليد(ن) حمايل
نزل في (منفخ الكير) بشجاعة ولا هيّـبه كثر أولاد وايل
ونقوا للملاقا عَشر أمايا هم النقوة على قب الأصايل
وسندنا الضحى عَشر الأمايا بمية ؛ بس يفرقن الفعايل
والأخرى عيال نامر والصنوخي من النمصان وأربعة(ن) حمايل
جنيديين ولويشيين أيضا بربعك يافتى سووا هوايل
وعدتهم ثلاثينـ(ن) وفوقه، عِشر جيشـ(ن) لفاه الصبح عايل
(زرود(ن)) كان تنسى مانسينا صباحـ(ن) فيه تبيض الجدايل
صباحـ(ن) فيه ابن ثامر تولى هرب في مقدمة شجعان وايل
(زرود(ن)) يوم أخو فلحا تنخوى وأخو سلمى بهم سوى الهوايل
وجاهل من جهل أفعال كاتب وكل الجمع شجعانـ(ن) حمايل
أسود(ن) مايهابون المعادي وبغير النصر مارضيوا بدايل
طنايا بالمعارك مانلاقى معانا النصر لو حنا قلايل
طنايا فعولنا كلـ(ن) عرفها من الشطين لين أطراف حايل
وأنا يوم إنني سقت القوافي فلا أقصد منه تنقيص القبايل
جميع إنسان له قدر(ن) وقيمة ولا يظهره ياكود الفعايل
أنا سقته أنبه من تعدى وبدا يعبث بتاريخ القبايل
بدا ينكر ولا عنده أدلة سل الشيبان يعطونك دلايل
سل الشيبان عنها يخبرونك وخل الكذب ماللكذب طايل.
رد مع اقتباس
المفضلات