هذه الأبيات والتي ليست ألا قطرة في بحر طيب وفعل عزوتي شمر
احببت أعرضها لكم واتمنى أن تنال رضاكم وأعجابكم
لا نستغني عن مروركم وتعليقكم وأنتقادكم فهو الدافع لنا لتقديم الأفضل :
[poem=font="Arial,6,black,normal,normal" bkcolor="transparent" bkimage="backgrounds/13.gif" border="solid,4,white" type=1 line=1 align=center use=ex num="0,black"]
سولف علي سولف قبل يسري الليل = وألا تبي تسمع علوم الطنايا
يوم أنها بالجيش والسيف والخيل = ياما كسرنا من جموع وسرايا
عدونا يشرب من المر والويل = وخوينا ينعم بجزل الهدايا
يا ثار دخانه عن الكون ما نميل = وكلٍ حمل روحه لحوض المنايا
نأتي مع الوادي كما جيت السيل = اللي بدربه ما بقي له بقايا
ويوم أنها صارت بفعل الرجاجيل = شمر لها طيب الفعل والمزايا
شمر هل الوقفات موفين بالكيل = أهل الصخا والطيب وأهل العطايا
وأهل الكرم وأهل الفعول التهاويل = تاريخنا بالطيب يكتب حكايا
بالضيف ترحيبٍ مع البن والهيل = والود والتقدير بين الحنايا
نفرح بشوف الضيف ما هي تماثيل = وطيب الفعل يشهد لطيب النوايا
طبعٍ لنا ما عنه حيدٍ وتبديل = لهل المدن والبدو وأهل القرايا
لو جبت دم الشمري للتحاليل = يكتب لك الدكتور بعض الوصايا
يكتب لك أن الدم ذا فيه تعديل = به ميزةٍ ما هي بكل البرايا
نسبة كرم فيها تميز على الجيل = الله وضعها فيه ما هي عنايا
يشهد بها نجم الثريا مع سهيل = والجدي يشهد بالفعل والسوايا
ولو جيت أعدد فعلهم يقصر القيل = هاذي لكم نبذه وغيره خبايا
ولا هو بنقصٍ بالقبايل وتقليل = كلٍ له التقدير وأحلى التحايا
في صفحة التاريخ نقرا التفاصيل = كلٍ بطيبة ينذكر والسجايا[/poem]
مع التقدير والأحترام لجميع القبايل الغالية على قلوبنا
أخوكم
محمد الهزاع
رد مع اقتباس
المشاركة الأصلية كتبت بواسطة ريال الفسحه
مشرف مضيف الترحيب والتعارف
المفضلات