[align=center]\
\
( أتفه زِمِنْ ) .... واحد على الشّر حدّك
و ( أَطْيَبْ زِمَنْ ) .... لاشفت بالعالم إنسان
و ( أَشْجَعْ عَدو ) .... لاعد ربعه يعدّك
و ( اجْبَنْ خِوِيٍ ) لاغدر .... والخوي هان
( الْعيبْ ) .... كافر بالكذب يستبدّك
و ( الكِذْبْ ) .... عيبه عيب زورٍ وبهتان
( النّارْ ) ماتحرق .... إذا شِلْتْ يدّك
و ( الحَرْقْ ) .... للخبل الذي شال نيران
يوجِعْكْ كف الوقت .... لاطال خدّك
و ( الضّرْبْ ) عدّل .... كل من كان غلطان
و (البَحَرْ ) لو تسأَلْهْ .... وشلون مدّك ؟
كان بجوابه للغرق صرت .... عنوان
( الموتْ حَقْ ) .... بحق ربعك وجدّك
والموت .... موتك ياوفا .... والوعد خان
( أَصْدَقْ حِزِنْ ) .... بشعورك ايحس ندّك
و ( أَصْدَقْ فَرَحْ ) .... ضحكة طفل يوم حرمان
و (الهَمْ ).... لولا الحزن ماباح سدّك
و (موتْ القِيَمْ ) .... لامات حسّك بــــ الايمان
يابنت .... لو الود ماهو بودّك
الود .... ماهو للذي عاش خسران
( أَصْعَبْ جِفا ) .... يابنت قلبٍ يصدّك
و ( أَجْمَلْ جَفا ) يابنت .... توديع الاحزان
تضْما اعذوبه .... لو حبيبك يردّك
وأعذب ضما .... لا جالْكْ اقصاه ولهان
يا ( قَلْبْ ).... لاتزعل على من يهدّك
إزعل على من راح .... وبداخلك كان
و ( الحَقّ ) .... اشهد فيه لوكان ضدّك
واللي سكت بالحق .... اخرس وشيطان
و ( النّفْسْ ) .... روّضها قبل ماتشدّك
عسف الاصايل مايبي كود .... فرسان
يـــــ آخر زمن .... قلّي ابي الحين ردّك
ليش البشر ماشفت فيهم .... ولا ( انْسانْ ) ؟[/align]
رد مع اقتباس
المشاركة الأصلية كتبت بواسطة عبدالله الجعيثن
المفضلات