مـــــاهــو الـــبيت الـلـي يجـــي عـــلى بــالك..... اذا ضــــاق صــــدرك ؟

**هند عبد الله** · 19-02-2009 00:45

الهي بعد الذنب جئتك راجيا

حنانك يا من تستعان و تقصد

و اسالك الغفران رفقا باضلع

من الخوف نار الذعر فيها توقد

دعوتك يا ربي لتغفر زلتي

و ما اكثر الزلات حين تعدد

ذنوبي و ان كانت كثار فادمعي

على توبتي عنها تنم و تشهد.

**al-shmaly** · 19-02-2009 20:13

هلا وسهلا بالجميع

:
:

لآ تنكسر .. ياطير ..

الحزن .. مابه خير .....!!

والدمع .. لآمن سال

ماهو يبي .. تفسير ....!!

من لي زمن والبال

والقلب كنـّـه غير .......!!

سرّ الدمع .. مفضوح

لو الليالي .. بير .......!!

مثلك أموت بـ صمت

من الصبح لـ عصير ...!!

وإن ضقت من شكواي

أرحل بعيد .. وطيـّر ..!!

تبقى معي ذكراك ..

وأبـ أذكرك .. بالخير ...!!

**ميـاسـه** · 19-02-2009 20:24

//

أحب اللي محبتهم تدوم سنين ماتنعاف..
ماهوب اللي محبتهم سحابة صيف خداعه

//

**al-shmaly** · 19-02-2009 21:55

(العهــــــــــود إللي على قلبي عهود_
عهــــــــد مني ما تهون محبتك_

احتويت كل المحبه بالوجـــــــــود_
ماتشوف عيوني إلا صورتــــــــــك_

تشهد أفراحي وضيقاتي شهود_
كيف غيرت حياتي بطيبتــــــــــــك؟!)***

**ماااوي** · 19-02-2009 22:34

مــــــــــــاني ضعيف ولاني اقوى من الله
من خلقتي مـــــــــــــاعشت في رحمت انســــــــــــــان

تقبلووو غروري ومروري
ماااوي

**al-shmaly** · 19-02-2009 22:44

حياك الله ماوي

نورت مضايف شمر والموضوع

وتقبلنا مرورك والله يحرسك ويسعدك

إنتبه تطوي شراعك قبل توصل للأمآن ,
لا خذلك الوقت قل له الأمل بالله كبير !

ابتسم رغم الظروف ورغم عن أنف الزمآن ,
ماخلق ربي عسير الا خلق بعده يسير !
.

**al-shmaly** · 19-02-2009 23:25

~ .... أقـرب مـن الـقـلـب
و اغـلى مـن ‘ الـ ع ـيـون ’ شـوي .... ~
يـدّي بـ / يـدّك | سـمـا |
و الـحـب ..... { جـنـنـّي ..... !
لا صـرت ‘’ ظـلـي ‘’
بعـد شـ / يهـمنـي يـا خـي‘
الحـزن .. و الـدمـع .. و اللـوعـات
[ عـدّنـي ] .... !

**al-shmaly** · 19-02-2009 23:27

ياغروب الشمس ياذكرى الجروح
اشهـد ان الجـرح مـايـوم اختـفـى
وش يخلـي العيـن فـي هـم ونـوح
غيـر خــل فــي عـذابـي مااكتـفـى

**هند عبد الله** · 20-02-2009 00:33

ويلاه يا ويلاه يا ويلاه حمل ما يطاق

اليا اكتشفت ان الثمين المحترم ما هو ثمين

و انك ضحية من ضحيا الصدق بيدين النفاق

و انك غبي ما تعرف اوصاف الهزيل امن السمين

و ان الصداقة نبت و الوقت الردي راعي نياق

و ان المبادئ و العلوم الغانمة ماضي دفين

روح و انا بلقى على المريخ مجهول النطاق

صديق وافي للصديق يعينني دنيا و دين

اليا فرحت يزيدني فرحه ولا من ضقت ضاق

و يحوش عن صدري هموم الوقت و العمر الحزين

و اليا وقعت يشيلني و اليا دعيت اجا سباق

و اليا نخيته ما تخلا و ان فزع لي ما يلين

و اليا بردت يشب لي في خاطري حزمة عناق

و ان حاصرتني مشكله ينصب لها مية كمين

و اليا ذكرت بشر ياقف دون لحمي لا يضاق

و اليا عطاني لا يزن و لا يمن و لا يهين

و الايا بدر مني خطا ما ردها للافتراق

و اليا شكيت و ضاقت الدنيا و بان الاحتراق

صندوق يحفظ سري الخافي و لا يمكن يبين

و اليا عطيته في الصدر خيمة عمودين و رواق

بنالي بصدره قصر عالي و سور و نخلتين

هذا الصديق اللي عليه العلم يا وقت الشقاق

ماهو ذاك اللي طعني في صميمي طعنتين

هذي حكاية قلب غافل في الزمان و دوب فاق

على جريمة قتل مفهوم الصداقة من يدين

الصاحب اللي صب موتي في عروقي ثم ضاق

لين امتليت من الجروح و ضاق صدري مرتين.

**نورة الشريف** · 22-02-2009 06:42

الضيقة اللي دايمٍ تالي عصير ..
.. وش حيلتي وأردها لا تجيني

لا طال ظل العود حزة عشى الطير ..
.. كنها على سجن الحديد تحديني

يضيق صدري كل ما جات وأسير ..
.. ولايخفف سوج رجلي حنيني

لا حولنا مشراف ولا اقدر اطير ..
.. يالله قمسة خير لا تبتليني

وعقارب الساعة توقف عن السير ..
.. ولاكن في الدوحة سواتي حزيني

والعبره اللي تاصل الحلق وتحير ..
.. يا قربها لو قيل لي يا عويني

أمل شوف الناس ورد ومصادير ..
.. واللي يقول اشفيك كنه يهجيني

يعني على ما قيل من باب تصوير ..
.. (لاحدٍ أبي قربه ولا أحدٍ يبيني)

أروح أدور خط مابه دواوير ..
.. وأدور اللي هادها تهتديني

وآخذ مع الهاجوس سجة وتفكير ..
.. وأراجع اللي فات بيني وبيني

وأحسب ذنوبي وأدور التكفير ..
.. عساي ما قصرت في والديني

وعساي ما قارنت من ينفخ الكير ..
.. واللي يحمل المسك جعله قريني

ويطري علي يوم الحشر وأطلب مجير ..
.. ما أعطى كتابي في شقيقة يميني

ويطري علي صدقان كثر الدنانير ..
.. اللي اتعاديني إلا كثر ديني

وراعي الهروج اللي سوات المناشير ..
.. أصد عنه وأدري انه يعنيني

الله حسيبه يوم عرض القواوير ..
.. والله حسبي من صواب مكيني

وإلا طرالي واحد كانه اصغير ..
.. أم أصغر بيومين ولا سنيني

دريت وش قومي وعينت تفسير ..
.. للضيقة اللي من زمن تعتليني

حبه بصدري سالفة سر في بير ..
.. وكن الفواد يقول هذا زبيني

أشفق على علمٍ يجي منه من غير ..
.. لا يسمع اللي سولفوا به ونيني

يا كثرهم غيرهم ولكن خبر خير ..
.. ما غير شوفه في الوجود يهنيني

رايي كذا يا عاشقين الغنادير ..
.. ماله على وجه البسيطه وزيني

العام أجيهم من حساب المسايير ..
.. واليوم حال عداي وينه وويني

خطاي تعليق الأمل في المدابير ..
.. الين راح وشفت حقري بعيني

صبرٍ جميل وخابر إنه مقادير ..
.. والله على تخفيف حزني عويني

ذي حالتي لين اتغبا الشمس واصير ..
.. معطى سراحي عقب مانا سجيني

واذا امتلى جوف الشجر بالعصافير ..
.. طلبت من رب العباد يهديني

يعتقني المذن عقب ضيقة عصير ..
.. اللي على سجن الفراق اتحديني

للشاعر بن فطيس