مـــــاهــو الـــبيت الـلـي يجـــي عـــلى بــالك..... اذا ضــــاق صــــدرك ؟

**السنعوووسيه** · 18-01-2009 14:57

تسولف لي عن الضيقه وانا كلي ألم وأحزان
وأنا من وين ماناظر بعيني شفـت ضيقاتـي
تسولف لي عن الضيقه وأنا عنوان للحرمـان
دخيلك لا دخيل الجـرح لا تكشـف معاناتـي
دخيلك لا تشجعني أسولف وأكسـر الكتمـان
تعبت من السكوت اللي تعود يسكـن بذاتـي

**عجايب بنت الشايب** · 18-01-2009 15:00

يـالفقر .. وش تبي من حياتي ؟؟

///////////زود(ن) على فقر الدراهم فقر دم ..!!

**al-shmaly** · 18-01-2009 15:58

----------------------------

اذا تفارق شخص عادي مصيبه
وشلون لو تفارق منهو تحبه
ياربي رجع كل حبيب لحبيبه
دام الحياه في بعدهم حيل صعبه
طبعي الوفي لو راح شوقه يجيبه
وعلى حبيبه ما اعتقد يقسى قلبه
وفي الدنيا محدن ياخذ الا نصيبه
ياليت قلبي ياخذ اللي احبه
انا تعبت وفرحتي مو قريبه
واحيان اقول الحب ياناس كذبه
لكن قلبي يرجع وهذا عيبه
يشتاق للي مبعدن حيل دربه

**هند عبد الله** · 18-01-2009 22:39

ارفعوا أقلامَكمْ عنها قليلاواملأوا أفواهكم صمتاً طويلالا تُجيبوا دعوةَ القدسِوَلَوْ بالهَمْسِكي لا تسلبوا أطفالها الموت النَّبيلادُونَكم هذي الفَضائيّاتُفاستَوْفوا بها (غادَرَ أوعادَ)وبُوسوا بَعْضَكُمْوارتشفوا قالاً وقيلاثُمَّ عُودواوَاتركوا القُدسَ لمولاهافما أَعظَم بَلْواهاإذا فَرَّتْ مِنَ الباغيلِكَيْ تلقى الوكيلا* * *

**اماااندا** · 19-01-2009 06:24

البارحة .. عانق غيابـك حنينـي
وأشعلت للذكرى / تفاصيل غياب
البارحة طاحت من أهداب عيني
حبايب وذكرى / عصافير وألعاب

**طلال** · 19-01-2009 13:53

.:.
.:.
.:.
كــان هـالدنيا خذت مني وجودكــ .:. ................... .:.
.:. ................... .:. تتــعب الدنيا لجل تاخذ غــلاك

.:.
.:.
.:.

**اماااندا** · 19-01-2009 21:19

إليــا نفحنـي مـن طـواريـك نسـنـاس
ــــــــــــــــــــــــــ يحـتّـرّ لــك قلـبـي وتـبـرد عظـامـي

يدقّ في صدري مثـل دقّ الأجـراس
ـــــــــــــــــــــــــــ وأدقّ لـــه .. تحـيّـتـي واحـتـرامـي

,,

**بالمختصر..** · 20-01-2009 00:14

اللي بقى لـي مـع الأيـام / وفّيتـه
........... و الضيق لـو ينهمـر .. تشربْـه وديانـي
ماهي كبيـره علـي و الحـزن غنيتـه
........... و ْلاهـي غريبـه إذا وقتـي تحـدانـي
الخوف يا من نبشت القلب و ادميته
........... لاعشت زهرة شبابك و انت وحدانـي!!
كم جرح خذْته من الأحباب.. ضمّيتـه
........... و جروح قلبـي زكـاة لـ ْحُـبّّ خِلاّنـي
مطعون ؟ عاااادي ،، جفا الأقراب ؟ داويته
........... تعبان ؟ مبطي ،، ردى هالحظ ؟ خاوانـي
صدمه ؟ بسيطه ،، هَوان الحال ؟ مرّيتـه
........... مقرود ؟ أدري ،، و إذا حرمان ؟ عدّانـي

عبدالله الظفيري

**بنت الجبل آخت القصيد** · 20-01-2009 01:22

ليت المحبـــة ( كــــــــاس ) !
وأقوى على كسره ..

وليت الكـــلام ( إحســـاس ) !
ماهو كذا حســـــــرة ..

يمكن بقى فينــا ..
نـقـشــة اســامينـــا .. وسط الغصن الأبكم ..

لكن !!

كل الطـــرق عســرة ..
.
.
.
غابت سماء زرقا .. وشمس .. وهبايب
.............................ولا بقى لي غير .. ليل وبعض هَـمّ . !
يسألني العالـم عـن إنسـان غايـب
.............................وعجزت من حزني عليـه .. آتكلـم !
إن كان باقـي لـي دعـاء وطلايـب
............................فالله .. يعيد شفاهـي اللـي تِبسّـم ..
مريت بـدروب ٍ قديمـة .. عجايـب ؟
.......................حتى المكـان اللـي تركتـه .. تألّـم !
بيـت ٍ قديـم وبـاب مبلـي وذايــب
.........................وجدار .. من خـوف الملامـة تهـدّم
وماضي وعشـق وذكريـات وحبايـب
.......................وكلمات .. مكتوبة على غصن أبكَـم !
بس التـراب اللـي وفـا .. للخرايـب
..........................وغطا شوارعها .. لأجل يحجـب الغَـم
كن داخلي طفل ٍ لـه إحسـاس شايـب
................................وإتركتـه الدنيـا .. إلـيـن إيتعـلّـم
وكن الشجر .. رجل ٍ يعـرف السبايـب
.........................ومات .. وترك كل الحيـاة .. إتنـدّم !!
دام العشق خايب .. والإحساس خايـب
............................و ش لي .. أمر بصوب بيته وأسلـم ؟!
ذكرنـي ( ترابـه ) بإنسـان غـايـب
...........................وعجزت .. من حزني عليـه آتكلـم !!
.
.

**عاشقة بلادها** · 20-01-2009 01:37

يادرب خذني معك ولهان ومخـاوي
...................راحل عن الديرة اللي ضحكها ضيقةّ!
جيتك وذيب الهموم بداخلي عـاوي
....................خذني معك هالتعب والله ما أطيقـة

متصفح رائع..
سلمت يد صاحبه ..