أرحل خلاص أرجوك تكفى عشاني
مابي أشوفك من عيوني اليا طحت
غالي وأحبك وأفقدك فـي ثوانـي
لكن تغير طبعك أن جيت جرحـت
يمكن ملل أو تعشق أنسان ثانـي
والا بقربي ضاق صدرك ولا رتحت
الله معك يا أغلى بشـر أحتوانـي
بضغط على قلبي وأبصبر اذا رحت
يبقى مكانك في الضلوع المحانـي
ذكراك منحوته على خافقي نحـت
لو إني أنسى كل واحـد نسانـي
ماكان ليلي يعرف الصوت لا نحت
أصعب شعور تموت حلو الأمانـي
بيدين من يعرف غرامك وله بحت
روح وتأكد رغم ما منـك جانـي
بذكرك انا بالخير لامسيت وصبحت
ما أنسى زمانك لكن أذكر زمانـي
اذا خذاك الشوق يمـي وسرحـت
حفظة قلبك يـوم قلبـك مكانـي
أبيه فوق بكل حاجه ماهو تحـت
صحيح أحبك لكن أرحل عشانـي
شينه أشوفك من عيوني اليا طحت
لـ / عبد الناصر العالي
المفضلات