مـــــاهــو الـــبيت الـلـي يجـــي عـــلى بــالك..... اذا ضــــاق صــــدرك ؟

**al-shmaly** · 30-10-2008 18:23

تعال خـذ بقايا نبض قلب ماقـدر يجفاك ،،
يعيش بجسمي الناحل ودقاته يطرونك

أنا أدري بالظروف وحالةً حالت على لقياك ،،
ولا لي غير صبر .. من عرفتك تاه في كونك

تعب صدري وأنا صابر .. قضا صبري وأنا أتحراك ،،
تعبت أتصور الفرقا وباقي العمر من دونك

تعبت اتخيلك وأذكرك .. وانسى إني نسيت انساك ،،
تجيبك للعيون أحلامنا وأشتاق لعيونك

أنا اللي يابعد عمري عجزت أصبر على فرقاك ،،
أشوفك داخل عيوني وخطواتي تجي دونك

**قمر اللــيل** · 30-10-2008 21:05

الشمالي وبالمختصر لاهنتو على هالابيات

**قمر اللــيل** · 30-10-2008 21:07

لا جيت ابنسى واتراجع واسامحك

صاحن جروحي واشتكن لي طعونك

كلك خيانه قول وشلون ابمنحك

وش موقـفك من شخص دايم يخونك

اكبر خطا.. لو جيت يمك اصالحك

اول تحول لاتـغرك .. إلحونك

اللي تـقوله صح لو كنت جارحك

(مير) انت غارق للاسف في ظنونك

وصفك نسيـته بس .. باقي ملامحك

بنهيك وانهي بالنهايه .. جنونك

**قمر اللــيل** · 30-10-2008 21:16

عاداتكم يأهل السّطَر ... الحر لا منه شهر ...

ما تتركونه للخطر ... نواااف عزّه عزّتي

ودعت في عشي حرار ... إصغار بالشيمة كبار ...
يبون من عقبي قرار ... بين الطنايا فزعتي

وأنا طلال الضيغمي ... أمير لكن آدمي ...
أفزع لمن جاء يحتمي ... فيني وتظهر نخوتي

وختامها يأهل الكرم ... من مرّ طيبة والحرم ...
يدعي لطلال المحترم ... من فضلكم أحبتي

رحمك الله ياطلال في جنات الخلد
امين يارب

**al-shmaly** · 30-10-2008 21:42

قمر الليل حياك الله

مايهون راسك وراس من عقبك

وسعداء بتواجدك وتواصلك عزيزتي

طال انتظاري والولـه يحـرق الجـوف
والصبـر مـايـطفـي من البـعد نـاري

أكتم شعور الشوق وأصارع الخـوف
وفي داخلي نهر من الحنان جاري

أضحك لحن الحزن بالصدر معـزوف
ودمـعي حبسـته لايبـين انهيـاري

**al-shmaly** · 31-10-2008 10:11

تدري وش اكبر حلم عنـد الفقـارى
قطعة رغيف ويمكن أفراش ولحـاف

وتدري وش اعظم شي عند النصارى
ان أمة الملياااار شتااااان وأضعاااف

وتدري ليش أكثر ذا الاوادم حياااارى
في وقتهم وقلوووبهم خلف وخـلاف

لانهم ما يمكن يحكموووون القرارى
والكل منهم يعشق الجبـن ويخـاف

**al-shmaly** · 31-10-2008 10:43

http://farm3.static.flickr.com/2011/...48df66ab85.jpg

قبل ما يحضر الشيطان يشـوش لحظـة التصويـر
يشوف القـاف والمعنـى وحلـم ينظـم اشعـاره

عليهـا الله ومــان الله وحــق الله والتقـديـر
لاسوق السوق وأهل السوق وأبيع السوق وسمساره

عزيز الناس سيد النـاس والاحسـاس بالتفسيـر
حيائـي مستحـي منّـه وشـوف البنـت جبـاره

تهـدد سلمنـا بالحـرب تكبـر واسمـع التكبيـر
عزيمـة قلـب واصـراره دفاعـه يسقـط الغـاره

عليكم تصعـب الرحلـه محيطـي يغرقـك ياطيـر
سحرك الموج والشاطـي عظيـم البحـر باسـراره

**بالمختصر..** · 01-11-2008 11:21

أحيـان .. نندم من كلامٍ نقوله ..
............................. و أحيان نندم ( ليه نسكت عن القول ) ..!

الله يعين الحرف لحظة .. هطوله ..
............................. أنا أشهد إنه يكشف عقـول .. وعقـول ..!

.
.

**بالمختصر..** · 01-11-2008 11:24

لا تشتكي للناس لا ضـاق بالك . .
.............................. الناس ماتملك مسره ولا باس . .

الناس مثلك حالهم مثل حالك . .
........................ و الكل من مـر الليالي شـرب كاس . .

.
.