مـــــاهــو الـــبيت الـلـي يجـــي عـــلى بــالك..... اذا ضــــاق صــــدرك ؟

[همس القصيد]

احبك .. مستحيل انساك ..

لا تجبرني

انا انساك بالقوه ..

عشقتك .. والعشق هلاك ..

لا تذبحني

تعال واقصر الخطوه ..

انا ما اقــــــدر علـى فرقاكـــــــ ..

ولا ظني بدونك دنيتي حلوهـ ..




همس القصيد

[قهر]

[align=center]
.
.


[poem=font="Arial,6,,bold,normal" bkcolor="transparent" bkimage="" border="groove,4," type=2 line=0 align=center use=ex num="0,black""]
تدري وش اصعب شي شفته بدنياي = غلطات غيري تنحسب من رصيدي
[/poem]

.
.
[/align]

[al-shmaly]

السلام عليكم الجميع

وهلاااااابكم عقب غياااااااب
وحبيت اقول كل عام وانتم بخير
مع ان الخلق ضايق انا وحظي اول العيد دوام







هَـــبْ نســـنـاس المــودّه لـــلشــمـال
وأرتمـا ريح الغـلا فـ أحـضان أجــا


وإنهــزع ورد المـشاعــر لـك ومـال
وطـأيـر ألأفــراح بألـحـانه شـجـا


يـا هـــنـوفٍ دوم تـزهـى بالـجـمــال
وشـمـعةٍ تضوي لـنا لـيل الـدجـا

جـعــل مــنـتي يـالــحــبـيبـه للـزوال
وليت ربـي ما يخـيّب لـك رجــا


قــلـتهـا من قــلب صـادق يـوم قــال
ومن ضمير اللي غـرامك به لجا


لايهمّـك هـــرج مـن بالهــرج عـال
ولايـهــزّك فـي كــلامـه لـو هجـا


كــلّـنا نـفــــداك فــي روحٍ ومـال
و مـن نواك بســوء ما ضـنّـه نجـا


ديرتي .. دار الكرم عـذرا الشمال
حــايل .. وعـنوانهـا سلمى وأجـا

[al-shmaly]

لـيتـك تـعـرف تـخــون واقـول خــني
علـى الاقــل القـى ســبب واتنـاسـاك

&&&

خــايـف يطــول البـعــد وتــسـج عني
وياخذ مكانك شخص ماهوب ييــسواك

[al-shmaly]

تقدم الدنيا لنا درس جديد بكل يوم
والرجل يسلم من غثا الدنيا بحفظ دروسها
و على حسب حفظ المواجيب وتعاليم السلوم
أعرف مقاسات البشر في المرجله و أقوسها
صيت الرجال الوافيه بفعالها .. والا الرخوم
ينبيك عنها قل نفعتها و شين نفوسها

[al-shmaly]

لي أربع سنين حزني غصـةٍ بالوريـد
أبلعه جمـرة غبينـه وأتنفـس لهـب
سرى سرى ذيب شمر مالقالـه ضديـد
عدّا رجـوم المكـارم والشيّـم والأدب
رقى بفعلـه تقـول إنـه تعّـلا وحيـد
هام االسحـاب وتعـدّا للنجـوم وقـرب
عجز يطوله لقب من كثر ماهـو بعيـد
ماهو بهذا الـذي يلحـق فعولـه لقـب
ماهي بلحية لقب بس قل .. طلال الرشيد
الجود ينزل سحابـه والمراجـل تهـب

[al-shmaly]

₪₪₪ ::::::: ₪₪₪₪ ::::::: ₪₪₪₪

يسوق الفكر هاجوسه علـى ذكـرى زمـان فـات
.. واسوق الشعر وجـزال القوافـي لاجـل اصخرهـا

هجوس الشاعر ان دارت بفكره جت لها بصمـات
.. وكـــــــل حسـب عقـلـه لــه تفاكـيـر يفكـرهـا

هواجس او تجـارب او حكـم او سمهـا خبـرات
.. نوادر شعر والمعنـى يجـي فـي بطـن شاعرهـا

وانا لو مااصخر صعاب القوافي باجـزل الابيـات
.. حـرام انـي فـلا آقـف ضمـن اشعـار تصخرهـا

ولا آقـف ماقـف مانـي بقـده يفـرح الشمـات
.. ولا ادفع بالقدم خطوة وانـا مـا ادري وش اخرهـا

انا ابويه مربينـي علـى سلـوم وعلـى عـادات
.. مــثـل غيـري مـن عيـال الحمـايـل مانغيـرهـا

وبلشت بناس احرقهـا الحسـد ومقالـب النيـات
.. بـــهـم نــاس بواطنـهـا مخالـفـة ظواهـرهـا

وبهم ناس كما الجرب وبهم نـاس كمـا الحيـات
.. وانـا مانـي بمجـبـور بخـلـق الله اعافـرهـا

[همس القصيد]

يا متعب القلب قلي ويـش غلطاتـي ,,
ان كنت انا اقدر اعدلهـا .. بعدلهـا ’’

لاصرت تجهل عناء الدنيا .. وضيقاتي ,,
من دون ماشرح لك اوضاعي تأملها ’’

[همس القصيد]

كيف أطفي الريح بثيابك وكيف اشعلك

كيف اتنثر على جمـرك وكيـف احتويك

نقضت ليل الحرير وجيت ماانت لــ هلك

سمّيت باللي فتني بـك وقلت ابتديـك

هذا اول الدرب او هذا الطــريق اولك

جيت آتوقّا عذابات المدى 00واهتديك

شوقـي مسافـة وهمساتـك مـدار وفلك

ان ماظميتك غلى 00ياعلني ماارتويك

إية اعرفك واعرف اني من غلاك اجهلك

مرات اضمّـك واخـاف اني مشبة عليك

مـرات اشوفـك بنفس الوقت واتخيـلك

وانشد كفـوفي عن اخر سالفة من يديك

أعـنّ لك لـو تصّـب المـوت 000واتهيّلك

واجـوع لـك وآتمـنى خنجـرك واشتهيـك

ماقلـت لك عمر سيـف العشق مايقتلك

ماتشوفني حي قدامك وانا امـوت فيك

اشتقت لك قبل اجيك وجيت واشتقت لك

البارحة طول ليلي بين هذي 00وذيـك

مليت جمـر انتظارك واستحيت أسألـك

واحسبني ما بعد جيتك وفكرت اجيـك

اثرك بقلبي من البارح وانا استعجلك

واثري نسيتك من الفرحة وقمت احتريك


السموووحه منكم قصيده مو بيت,,,,,,,,,

[al-shmaly]

هلا وسهلا ب همس القصيد

بالعكس انتي اتحفينا وامتعتينا
والله يوفقك ويحرسك يــــــــارب

أن كنت أنا أخطي شي طبيعي لان أنا ماني نبي
محدن عصمه الله من الاخطاء .. كون الانبيا
فعلا أنا أخطي بس ضوّي ماتشب الاّ iiأحطبي
أطمح ولولا الليل .. محدن شاف فايدة الضيا
أمشي ولو أموت وأنا أمشي .. ولاكن ماحبي
ولا أعشق الصوره . ولا الكربون . ولا أعشق غيا
كل ماتعثّر ؟ قلت في نفسي وأنا أمس iiشنبي
ياكم على الدنيا فقير .. ويحسدونه iiأثريا