مـــــاهــو الـــبيت الـلـي يجـــي عـــلى بــالك..... اذا ضــــاق صــــدرك ؟

**al-shmaly** · 02-07-2008 05:17

على ذاك الجدار اللي على حد البيوت الطين
وقفت وهاجـــــــس الذكــرى نفض عن قلبي غبــاره
وفي ذاك المكان أثبت بأن الآدمي من طين
تخــيل يوم لامـــسته تــــنهد من شقا نــاره
سألــني و قال: انــا اذكر تجــــوني من زمان اثــــنين
بكــــيت وقـــلت صدقـــني رحل وانقطــعت اخباره

**al-shmaly** · 02-07-2008 05:34

في امان الله اوادعكم

واترككم في رعاية الله

زادت بي اشواقي وغنّيتـه اشعـار
وارسلتها لك يا عسـى الله يخليـك
ياللي لكم في داخل الصدر مقـدار
والقلب من طيبك يعـزك ويغليـك
وبنيت في صدري من الحب لك دار
ويهتز قلبي لا سمع همس طاريـك
خذها عهد مني ولو صار ما صار
ما انساك لو انه بعيـده اراضيـك

**بالمختصر..** · 02-07-2008 07:02

لا تفتح الجرح خليه بالجــــوفـ
.................. أقسى الكلام اللي يمر بليانـــهـ !!

سافرت بظروف وعودت بظـــروفـ
................. ما أذكر جزيت اللي وفا بالخيانهـ !!

وش يذبح اللي يحب غير إنه يشــوفـ
................. أخس خلق الله يــاخذ مكـــانــــهـ !!

.
.

**بالمختصر..** · 02-07-2008 07:06

عــزاي إنـي إذا باتت عيونـي هاني ومــرتاح . .
.......................... تظـل عيون سهـرانه . . تفكـر كيف تقهـرني ....!!

.
.

**بالمختصر..** · 02-07-2008 07:20

الضيـــق ماهو بالسعه والمساحه
...................... الضيق لا ضاقت بك قلوب وأرواح . . !!

والبعد عن ما تكره النفــس راحه
...................... من لا تــوده فارقه يـــوم ترتـــــاح . . !!

والكبر لله والتكبــــــــــر بجاحــــه
...................... والوقت نصه جــد والباقي مـــزاح . . !!

والصوت حشمه وارتفاعه وقاحه
.................... كـذااااب من قال انطح صياح بصيــاح . . !!

.
.

**بالمختصر..** · 02-07-2008 07:23

المسأله لوهي علـى ضيقـة الخلـق
................ هوّنتها وآقـول : ضيقـة دقايـق !!

المسألـه عبـره سجينه بهالحلـق
................ ترقى دموع وترجع.. لـ صدر ضايق !!

.
.

**al-shmaly** · 09-07-2008 06:42

يامل قلب(ن) يسج وفيه دولاجه
من واهج بالضماير قام يدرجها

ماغير أدوج تقول مضيع(ن) حاجه
واخذ واسولف على روحي واهرجها

وادوج لو كان مارجلي بدواجه
أدله النفس لين الله يفرجها

في معزل عن كثير الخلق وازعاجه
مااسمع من الناس لو تكثر لجالجها

يالله ياللي بيديك الضيق وافراجه
ياخالق الخلق ياقاضي حوايجها

تفرج لعين(ن) ليا غفت بسوهاجه
تجهز عليها الطواري لي تزعجها

بالصدر ضيقه ونوم العين هملاجه
عينٍ من العام والسهر متولجها

نوب سهرها شديد ونوب سهاجه
ونوب(ن) تكن الدموع ونوب تزعجها

:: ابن عون الله يرحمه

**al-shmaly** · 09-07-2008 07:31

خطيت لك بالمعاني يافؤادي بحور
ليتك تكمل جميلك ليتك تسافر

سلمتني للسهر والحزن بليا شعور
ولا طرى يوم في بالك سلا الخاطر

فديت قلبك تجمل يا هواي شهور
أنسى الحزن واهجر الأوراق للآخر

**al-shmaly** · 09-07-2008 07:51

بشعـل الدنيـا عبيـر وبطفيهـا عبـيـر
ولا بناشد مـن مدحنـي و لا مـن ذمنـي

جيـت للدنيـا كبيـر وبفارقهـا كبـيـر
ومن زعل ما همني ومن رضا مـا همنـي

,

**al-shmaly** · 09-07-2008 13:23

مـل قلـبٍ كـل مـاهـب نسـنـاس الصـبـاح

قام يلعبه هـواء الشـوق لامـن هـب نـود
قـام يكفـخ كـنـه الطـيـر مـذلـوق الجـنـاح
لاتـذكـر داعــج العـيـن مـركـوز النـهـود
صاحبٍ مـن عقـب فرقـاه قلبـي مستـراح
مـاوصـل يـمـه سـلامـي ولاجـانــي ردود
يوم شفته في حلا النـوم سلمـت السـلاح
مـثـل مـاسـلـم مـعـمـر سـلاحــه للـيـهـود
والهواء من عصر ابو زيد طاروقه مباح
مـا وقـف دونـه مراكـز ولاشرطـة حـدود
ياعيون اللي علـى الوكـر يدعونـه فـلاح
لاقنصبـه راعـي الصيـد باطـراف النفـود
لاجل حبك ياً ريش العين واصلنا الكفـاح
ماعلينـا مـن سوالـف ولاكلـمـت حـسـود