مـــــاهــو الـــبيت الـلـي يجـــي عـــلى بــالك..... اذا ضــــاق صــــدرك ؟

[al-shmaly]

يابحـر .. حنّيـت لك وشلون أجيك؟
فـي حنينـي .. لك حنيـن ٍ مستعر
:
أجمـل اللحظـات .. لاجيـت أنتخيك
وأسألك في صمـت عن جور الدهر
:
موجك (الهادي) يجاوب (وش عليك)
وموجك (الثايـر) يقـول إنه (خطر)
:
يشغـلك همي .. وكـنّ الهـم فيك
ليـت كل الكـون مثلك .. يابحـر!

[al-shmaly]

في هالزمن صار الوفاء بالناس مبدأ منُعدم!
وفي هالزمن صار اللعب بعيون بعضه مرجله ؟

في هالزمن ياقلّهم أهــل المكــارم والذمم ؟
في ها الزمن ياكثرهم أهل الحكي والبلبلة !

[بالمختصر..]

أمـشـي غـريـب وداخـلـي ألــف دولـــه
.................... و أطـالـع الـدنـيـا بـنـظـرات مـذهــول !؟

شـفـت أبـسـط أحـلامـي تـمـوت بسهـولـه
.................... و الصمـت عـن خـوف الحكـي كـان مسـؤول ..




.
.

[بالمختصر..]

انبض مردّك يوم ياقلب توقــف ..!!
................ و عليك يبكـي من سعى في عذابــك ..!!



.
.

[بالمختصر..]

جيتني " نادم " من الدنيا تصيح
ما تنام الليل .. وأدري .. ما .. ربحت !

شوف وش سوى عنادك ؟ يا جريح
لا [ مريِّحني ] .. ولا حتى إسترحت !

من فتحت الباب .. جاني منه ريح ..
طرت من إيدي .. وأشوف إنِّك ( فرحت ) !!

لا تصدِّق .. كل من جاك بــ " مديح " ..
من عدوي , ياما واللـــه إنمدحت ..!

شمعة الفرحه من أخطائك .. تسيح !
( الغَرَق ) محتوم لك .. مهما سبحت !!

منظر " الفرقا " .. ترى جداً [ قبيح ] !!
مو نصحتك ؟ ليه يعني ما إنتصحت !!

صرت في وصلك عن عيوني شحيح ..
إنعمت عين الوصل .. وينك ! سرحت ؟!

إعترف في غلطتك .. خلك " صريح " ..
لا تكابر بـ الخطا دامك جرحت !!

كان ودِّك في فراقي تستريح ؟
بسمَع الموضوع كامل .. لو سمحت !

خنتني ! وشلون ؟! علِّمني الصحيح !
وين عنِّي رحت / عنِّي وين رحت ؟

كنت أظنِّك .. من عيوني ما تطيح

لين في " عيني "..

إرتفَع غيرك ..

و ..

طـحـــــــت !!




.
.

[al-shmaly]

وجعلك ماتطيحين مشرفتنا
ويسلمو على المشاركات اللي اسعدتنا





صاحبي أسمع كلامن من صميم اللي تقولـه ؟
قف على المعنى الجزيل وشوف وشلون الغرام
انا لو بشرح غلاك وأسرج القـاف وخيولـه ؟
ماتصدق عينك اللي ينقـري شعـر وكـلام !
أنت عندي نجم عالي بالسمـا محـدن يطولـه
حتى من حاول ( يشوفه ) حال من دونه غمام !
أنت غير الناس والله شخص "نادر "في ميولـه
شخص حبه في ضميري أحرم العيـن المنـام
بأختصار أنك حبيب ٍ لو يغيب بيـوم زولـه ؟
صاحت النفس الحزينه وآعلى الدنيـا السـلام
(أسمع الكلمه الأخيرة ) وأفهم اللي لـك بقولـه
والله أنـه غيـر موتـي/ مايبّعدنـي حــــــــــــرام ؟

[al-shmaly]

أمـشـي غـريـب وداخـلـي ألــف دولـــه
و أطـالـع الـدنـيـا بـنـظـرات مـذهــول !؟

شـفـت أبـسـط أحـلامـي تـمـوت بسهـولـه
و الصمـت عـن خـوف الحكـي كـان مسـؤول ..




.
.

[al-shmaly]

اهداء خاص وعام

على درب القصيد أسوق , قلبي والخطـاوي شـوق
وإذا مالت بـي الخطـوة , علـى دربـك تناسيتـه

يهز الشـوق بأعماقـي , عناقيـد الغـرام عـذوق
ويقطف بالغلا فيني , غـرامـ(ن) خنـت وأخفيتـه

إذا لك حق في قلبي , فأنا لي فـي غـلاك حقـوق
و حقوق الشوق محفوظـة , وحـدي مـا تعديتـه

[al-shmaly]

يطري علي ان جيت اغمض وسلهمت

واطري عليه ان عكر الوقـت جـوه

ويطري علي اليا حكيت وتكلمـت

واطري عليه اليا اطرو الناس (خوه )

يمـر طيفـه لا سكـت وتلعثمـت

ويمـر طيفـي فـي مخيـل سـمـوه

اجتاحنـي حبـه وانـا ماتبلـمـت

اجتحـت نبـراس المعاليـق قــوه

صحيـح لامنـي ذكرتـه تألـمـت

والليـل يضـوي للغرابيـل نــوه

بس العزا انـي لاذكرتـه تبسمـت

يلوح لي طيـف الشـرف والمـروه

[al-shmaly]

[ وقفـّي لحظـه ] ...

وقفي لحظه يابنتن قامت أحساسي تثيـره
واسمعيني لين آخر كلمـه بهـاذ المكـان

أفهميها ياعيوني قبـل فرقـاك المريرة
وأدركيها قبل يصفق بيننا جنـح الزمـان

إيه أنا إنسان عادي ولي عذاريبن كثيـره
بس ماربي خلقنـي غـادرن وإلا جبـان

بالمراجل لي دروبن كل خطوه لي تنيـره
وبالمكارم لي علومن لـو أخفيهـا تبـان

خوتي مع طيرن أشقر يكفخ الجنحان غيره
ينتهض حتى ألغمامه مايجي حد الطمـان

والمزايا لاذكرته جات قيفانـن غزيـرة
وربعي اللي له علوم وله تقديرن وشان

ماضمرت إلا أفعالي لاتقفت نـي ذخيرة
ومايهمن حبك اللي طاح مثل الشمعـدان

الحقيقه ماعشقتك لجل أقـايض بك عشيرة
كنت لك منفى ولكن منك ماشفت الآمـان

والحكاية أنتهيته بس لي كلمـه أخيـره
ببتديها في وداعـي يـوم لـه آن الآوان

أرحلي يابنت عني ياعسى بالأمر خيـره
ابتدأ وقت المفارق / وانتهى وقـت الحنـان