مـــــاهــو الـــبيت الـلـي يجـــي عـــلى بــالك..... اذا ضــــاق صــــدرك ؟

**ابو فهد2009** · 22-06-2008 08:44

ليضاق صدري جبت ضفة جثا ميل وشبيت ناراً مثل نار الحرابا

**al-shmaly** · 22-06-2008 09:27

حياك الله ابوفهد
ومنور المضايف عزيزي

حتيييش لو درب العُلا صلف وصعيب وجرهدي

الله خلقنا للصعاب وللقمم نحتلها
إليا رضينا .. نفرش الدنيا بساط ٍ أحمدي
وإليا زعلنا .. تبكي عيون الخليله خلها
واللي يبي يفلح يقلدنا وفينا يقتدي
يعمل عمايلنا إذا هو قدّها كفو ٍ لها !!
حنا شرحنا للبشر معنى ( سنافي واجودي )
هذا طريق المرجله ياللي تبيها دلها
قوم ٍ لنا في صفحة الأمجاد تاريخ ٍ مدي
سلايل ٍ تغنيك دق فعولها عن جلها

**ابو فهد2009** · 22-06-2008 09:36

ليضاق صدري جبت ضفة جثاميل -- وشبيت ناراً مثل نار الحرابا

الشاعر ابن عبيكة

**al-shmaly** · 22-06-2008 13:49

نجوم الليل ماتهدي دمـاغ الضايـع المنجـوم
وعفن الناس مايفهم شـروح ايـآت الانفالـي
ومن يرضى هوان النفس يبقى دايمـن مذمـوم
ولايقدر بوقـت الضيـق ينقـل زود الاحمالـي
وموقف من يريد الطيب بعظام العـرب مفهـوم
يشادي فايـز ابـن هذيـل مايلبـد ويحتالـي
ولا تشكي على غيرك ولو تفقـد لذيـذ النـوم
مضى الجيل الذي يفزع وراك ويرحـم الحالـي
الا ياكثر من يشكـي ويرجـع بالنـدم ملطـوم
وطيب اللي مضو يخلف هقاوي جيلنـا التالـي
وليت اللي عجز يفزع يفك القلـب كثـر اللـوم
مدامه مافزع فزعـة عزيـزن تشـرح البالـي
فلا تلقى من الشكوى رفيقن ينصـر المظلـوم
ولا انته كاتمن جرح الخريـف لشهـر شوالـي
واثاري طبعنا الماضي بعيدن عن طبوع اليـوم
ومن ينخى عيال اليوم يصرخ بالخـلا الخالـي
بيوت اهل الصخى والمجد والنخوه نعاها البـوم
وكان اللـي يقـول القـول يثبتهـا بالافعالـي
واخبر الفرق مابين النشامـا وامهـات وشـوم
بفزعات الرجال اللي تخوض بحـور الاهوالـي
ونسل اهل الصخى تشمت بحال الضايق المهموم
ولا تفزع لمن يشكـي همـوم الوقـت بريالـي
ظهر تسكين حرفن كنت اظنـه دايمـا مجـزوم
وجزم الفعل مايثبـت ويرسـي كـود برجالـي
نسيت ان الخبر دايم لطولات العـرب مضمـوم
ومن يهمل خبر كانا خـذى بالطيـب منزالـي
وانا ماني مع التشديد مع بابن غـدى مـردوم
وكسر الباب مايفتـح قلوبـن فيهـا الاقفالـي
خطاي اني جمعت اللي غدى عند العرب مقسوم
وطيب الجاه من عفـن المراجـل ماتهيـا لـي
لقيت الطيب في بعض الصيارم للاسف معـدوم
وتاريخ العرب صعبن يوافق بعـض الاجيالـي
وانا ماني بطبع اهل المهونه والـردى ملـزوم
فلا طبع الـردى طبعـي ولا المنـوال منوالـي
ولا ناخذ بفزعـات المراجـل للغنـاة رسـوم
وفعل الطيب ماتوخذ عليـه صنـوف الاموالـي
الا لا بارك المولـى بقرشـن كاسبـه مرحـوم
فلا ذاقـه ولا ساقـه ثقيـل بـوزن الاعمالـي
ولا ادري ليش صار القلب بطبوع الجشع مختوم
ويخلف هقوة اللي جـاه يبـي النـوم بظلالـي
مثل سدر الشعيب اللي سقاه من السحاب وسوم
ولا احدن ذاق في ظله منـام وزيـن مقيالـي
ولا تشره على من عاف مجلاسه بوسط القـوم
ويجلس في ظلام الليل ينظـم زيـن الامثالـي
بدل مجلاسهم عديـت راس النايـف المزمـوم
واخبر اهل الهوى ترقى براس المرقب العالـي
مدام الجرح من فرقى الحبايب للحشى محتـوم
لقيته خير مـن دار المهونـه عنـد الانذالـي
سقاك الغيث ياروضن شعيبه فـاض لام رجـوم
سحابن بارقه يوضي عليـه ويشعـل اشعالـي
الا يا كثر ماجيتـه بقلبـن ضايقـن مضيـوم
اعلل خافقـن يغلـي فياضـن مابهـا ازوالـي
والا لا عدت يايومن وقعت من الهوى مصـدوم
اناجي في ظلام الليـل نجمـن ضايحـه مالـي
تبعت اهل الهوى ثالث ليالي عيد شهر الصـوم
غريرن جيت نار العشق وابوابـه علـى فالـي
غديت لعينهـا خـادم وقلبـي قبلهـا مخـدوم
وذقت اللي كوى مهدي وماجـد وابـن هذالـي
رحل خلي كما طيرن ضحى الهده خذاه الحـوم
على اللي تقطـع الوديـان درهـام وزرفالـي
ادير الفكر والخافق يذوق من الغـرام سهـوم
ومن ناره غديت ازبن واطاول نايـف الجالـي
عنودن نظرة عيونه خطر عسكر جيوش الـروم
ورمشن ناعسن يرجف بقلبي رجـف زلزالـي
عبرت بحور طرد الريم قبل ادرس فنون العـوم
لما شفت الحشى الضايع لنار الغيـظ مدهالـي
الا ياعزوتي روفي بقلـب العاشـق المحـروم
حياته من فقـد عينـك وهـو حـل وترحالـي
صبرت ايام والخافق يصالي رمحـك المسمـوم
وضـاع العمـر ماشفتـك ولادقيـت جوالـي
عرفت ان الامل عندي بوصلك طايحن مهـدوم
وذقت النار في قلبـن جريحـن قبلكـم سالـي
عجزت انساك ياعين المهاة بسحرهـا المعلـوم
وجسم المهـرة اللـي ماركبهـا كـل خيالـي
وداعة خير يازولن رمى قلبي رخيـص السـوم
حزينن يشتكي جرح الزمـان ولا لقـى والـي
الا ياقلب لا تشكي غرامـن بالحشـى مكتـوم
ومن جرح العشير اللي مكانه بالحشـى غالـي

**ضي الحروف** · 22-06-2008 14:12

جرح العذارى محبوبتي مدرسه جروح
طعنه بخلف الضهر وغرسه مسمومه
سم الافاعي يموت من سم الجرح ويبوح
ثلاث خناجر بضهر ودمعتي تنزل وصيحه مكتومه

**al-shmaly** · 22-06-2008 14:17

ياحرفي عسى ماشرعلى الطاعه تحط شروط
اخبرك حرف متمرد وأشوفك صرت دلوعـه
غدوبك شلة الدجه هل المغشوش والمخلـوط
بعدهالعمرياشعري تبـي شاشـه ومطبوعـه
عرفتك عالي الهمه وانافي حضرتك مغبـوط
عنيدوتدفعـك جـراءه لوالأقـلام مرفوعـه
تصوغ الحرف بالجمله وتتقن وزنهامظبـوط
ولاتنظـر لمطلوبـه ومقبولـه وممنـوعـه
لانك واضح المعني كتبت اسمي بدون نقـوط
جعلت المفرده آله مـن الفـولاذ مصنوعـه
تذكرمبدئي وادعس مادام محركـك مخـروط
على المفجوع ياشعري تقدم وامسح دموعـه

**ضي الحروف** · 22-06-2008 14:29

تعبت انزف جروحي حبر وأدورللألم اسباب........

لجل اكتب شعر يحكي بعض اصغر معانتي ........

قفلت من الأسى بابي وسجنت الكون خلف الباب.......

وعصتني دمعتي فيها سؤال لكل اجاباتي ......

ملل اخبـــار حسّــــادي احد صــــادق واحد كـــاذب......

واحد ما طال تجريحي واحد عايش لزلاتي.......

**al-shmaly** · 22-06-2008 14:32

أضحك لدنيـاك..لا تبـــقى عــبــوس

////////// بس دون اسراف في ضحكــك لها

وأحترس منها ترى ماهي عــروس

/////////// تنخــطـــب لــك لا بـدى حبـك لها
..
..
ولا يبلغـــك المراجـــل حب روس
/////////// ارتــفع بالنــفس عن قتـــلك لهـا
..
..
ولا تصير بساعة الشده نسوس
/////////// الثقــيلــه صر جمــل وأبرك لهـا
..
..
..
يالبــنـــادم خذ من الدنــيـا دروس

//////////// النصــايح ينفعـــك حفظـــك لها

وكان نفسـك تشتهي كثر التعوس

//////////// فالممات من الحيـــاة أبرك لها

**ضي الحروف** · 22-06-2008 14:48

خلقت لي شموخ
وهامه
ماطالها طويلين
الانفاس
وكونت لي عرش رفيع
مقامه
مايوصله جن ولا يوصله
ناس
ورفعت نفسي فوق هام
الغمامه
اشوف زلات البشر وارفع
الراس
واليوم كلن خصني
بإحترامه
واللي معاديني بالاقدام
ينداس...

**al-shmaly** · 22-06-2008 14:54

ياعقاب ضاقت وانا لي وقت متحدي
وشلون تبغاني اكتم سري وسدي
لوكل مايتمنى المرء يدركه
ماكان هالحال حالي ياخلف جدي
ولو تجري الريح في مايشتهي سفني
ماكان حظي وهو حظي وقف ضدي
ولو يصنع المجد من "طيبٍ" فنأكله
حرام لاتاكل التمرات من يدي