مـــــاهــو الـــبيت الـلـي يجـــي عـــلى بــالك..... اذا ضــــاق صــــدرك ؟

[ضي الحروف]

عجزت انسى همومي ياصديقي والقلوب أوطان
وأنا قلبي وطنها وحزنها كله سكن فيني
حزين وفي عيوني.. دمعة اعتابي على الخلان
ومثل موج السواحل يضرب الحزن اب شراييني
:

[ضي الحروف]

نا ماأشير بالفرقا..ولا أحدك على المقعاد
تخير في طريق الوصل..والا درب هجراني
حرام الوصل مايجمع قلوب عن هواها بعاد
وبعض البعد لو عذب يجمع بين خـلاني
تحسب ان الهوى ضحكة دقايق عشتها بميعاد
إلى مارحت تنساها.. وتنسى الوعد وتنساني
ألا ياصاحبي.. الرفقة ترى ماهي ثياب جداد
تبدلها متى مليت..وتلبس غيرها ثاني
إلى ضاع الوفا..ما به هوى بارجيه أنا .. ووداد
ترى ذا الفرق.. بين أقرب قريب.. وبين عدواني
تحاكيني بطرف لسان وهجري من صميم فؤاد
وتاقف من بعيد .. ويم الموت تنحاني

[بالمختصر..]

ماغير أسلي خاطري بالدموع ..

..‏....‏....‏....‏.. مثل الذي من يقضي الدين بالدين !!




.
.

[al-shmaly]

نافق تعيش وجامل الناس تنحـب
وبيع الضمير تشوف كلن يجيلـك

هذا هو المنظور في وقتنا الصعب
أما تزيـل الصـدق والا يزيلـك

الصدق ماله لازم بعالـم الكـذب
حتى الطفـل كـذاب يالله دخيلـك

كذا أنكتب نعيش حاله من الرعب
مابين شك وخوف صبحك وليلـك

نمشي مع التيار من وين ماهـب
وأترك عّنك من قال قلبـك دليلـك

أن عشت في نيه تحارب وتنسـب
ولاعـاد تلقـى بـالاوادم خليلـك

ياللعجب ويش العجب ؟ لا تعّجب
لو ماتجامـل صاحبـك مايجيلـك

تدري من المحبوب من يتقن اللعب
لاغبت عّنه فيـه عشـرة بديلـك

خطة صداقه تشبه لحطة الحـرب
أن ماكسبت المعركة وش حصيلك

[((عبدالله بن غيث))]

أشيل هالشيلة للمبدع خليل الشبرمي...

[poem=font=",6,red,normal,normal" bkcolor="black" bkimage="" border="outset,7,red" type=2 line=0 align=center use=ex num="0,black""]
واوجودي كل ماشفت زوله من بعيد=وجد من لمن زود مابه غبن عاف الحياة
وجد من صلى على أمه وأبوه بيوم عيد=يوم صلى العيد مد الجنياز للصلاة
[/poem]


تقبلوا تحياتي

[al-shmaly]

مرحبا بكم



وصباح الخير ياحلوين

يا شبه وضحا مع البدوان منعدمـه

في دربها مخلب العشاق يلعب بـي

اقول : خدمه؟ ولا هي سالفة خدمـه

هِبي علي وان تغيّـر نوّهـم هَبـي

بنت الشرف لوّ ما تلبس ولا هِدمَـه

بأسود شعرها عريّ الجسم متغبّـي

أشكالها في قصور الملـك منعدمـه

إلا الذي في عدن حطـه لنـا ربـي

منها بروحي جيوش البين مرتدمـه

وفي القلب منها الهموم تطوف وتلبّي

[ضي الحروف]

[align=center]
ان كنت أنا اخطي شيء طبيعي لأن أنا ماني نبي
محدٍ عصمه الله من الاخطاء كون الانبيا


صحيح أنا اخطي بس ضوي ماتشب ألا حطبي
أطمح ولولا الليل محد شاف فايدة الضيا


امشي ولو أموت وأناامشي ولكن ماحبي
ولا أعشق الصورة ولا الكربون ولا أعشق غيا


كل مااتعثر قلت في نفسي وأنا أمس شنبي
ياكم على الدنيا فقير ويحسدونه أثريا


ابغى أتوحد وأنت اخذ مزهبك واترك مزهي
كنا إخويا ومن بعد مازليت ماحن بخويا


أبعصم ارجيلي عن دروب السخافه يا صبي
لاني حياوي والدروب السود مافيها حيا

[/align]

[((عبدالله بن غيث))]

بيتين خطرن علي اليوم من قصيدة قديمة لي...

[poem=font=",6,crimson,normal,normal" bkcolor="black" bkimage="" border="outset,6,darkred" type=2 line=0 align=center use=ex num="0,black""]
أموت ماجاني من الناس منقود=أخير ماتثبت علي الملامه
يارب أعذني هرج كاذب ومقرود=وأجعل وفاته قبل يبدا كلامه


((عبدالله بن غيث))
[/poem]


تقبلوا تحياتي..
((عبدالله بن غيث))

[ضي الحروف]

احب الصدق وأعمل به كسبت او كنت انا الخسران

واذا صدقي بيخسرني تشرفني خسارااتي

[al-shmaly]

السلام عليكم ورحمه الله وبركاته

هذه قصيده لكل بنت ..
ماعندها لعب الرجال ..
ولكل رجال تلعب عليه بنيه ..
\

/

\

بنت الرجال تشوم عن درب الانـذال
وتبعـد جنابـه عـن دروب الرديـه

ماهي فـي درب العشاشيـق تختـال
ولاهو طموحه يـوم تصبـح خويـه

ولاهي بتشرى بشحن هاتف وجـوال
ولا لا ولاتشـرى بعطـر وهـديـه

ولاهي من اللي كل يوم(ن) لها حـال
وعنده من الاصحاب عشـره وميـه

اليوم مـع هـذا بـلا شـك وجـدال
وبكـرى مـع هـذاك تعقـد يـديـه

هذاك ترسل له من الحـب مرسـال
وغيـره معاهـا بالمسنجـر سريـه

تضحـك عليهـم واتغنـج وتحتـال
وهم ياحرام يجـون باجـزل عطيـه

أحد(ن) تبي منـه أسـوار وسلسـال
وأحد(ن)فواتـيـره يـسـدد هـديـه

وأحد(ن) لها يحول ألوف(ن) من المال
وتضحك وهـي تقـول دينـك عليـه

وش ينفعـه لاقيـل بالأسـم رجـال
والبنت تلعـب فيـه صبـح وعشيـه

أنا اشهد انه لو لبس بشـت وعقـال
ماجملـه بشتـه بعـيـن اجـوديـه

ووش عاد لو هو مالك قصور واموال
واسمه مسجل شيـخ وسـط الهويـه

الشيخ مـن بيتـه للاجـواد مدهـال
ماهو بشيـخ فلـوس لارحـم حيـه

وبنت الرجال اللي تعزوى بها رجـال
عينه علـى الاشبـاه ماهـي شقيـه

مايشوق بعيونه سوى طيـب الخـال
اللـي يدينـه مـن عطاهـا نـديـه

عينه على الطيـب تناظـر وتختـال
ولـد الرجـال اللـي علومـه غنيـه

ولـو كـان مايملـك بيدينـه ريـال
ويـده مـن كنـوز الدراهـم خليـه

يكفي ألى من مـر ذكـره بالامثـال
والكـل قـال ونعـم ياحـي حـيـه

ألماسة(ن) ماكل مـن هامهـا طـال
وكل(ن) يبيهـا بـس ماهـي دنيـه

مصيونة(ن) عن قول حاسـد وعـذال
ومحشومة(ن) عن درب ذم وخطيـه

تخاف من هرج(ن) يجي فيه محتـال
حكيه شهد مدسوس فـي سـم حيـه

الطرف يغضي غصب لاشاف رجال
والعيـن مالـه بالنـظـر مقـدريـه

هي مهرة(ن) مايعسفـه كـود خيـال
ذيب(ن) سنافي عز من هـو خويـه

حر(ن) شلع مابين هامـات وجبـال
له نظرة(ن) تـرث بالاعمـاق كيـه

على النقى يصبح لهـا فـي وظـلال
قـدام كـل النـاس ماهـي خفـيـه

بوضح النهار بدون ريبـه ولا اقـوال
الصـح واضـح والخطيـه خطيـه

هذي هي اللي تنشرى بغالـي المـال
ويرخص لها الغالـي وتشـرى يديـه

وهذي تساوي بعزتـه ألـف رجـال
وش عاد لـو هـي بالمسمـى بنيـه

وهذيك ماتبغـى ولـو مهـره ريـال
ولااحد(ن) يبيها كود خبل(ن) دهيـه

سبحان من هو فرق الناس بااشكـال
وألوان وأفعـال(ن) وحسنـى وسيـه

ومثل مافيه رخوم بالنـاس ورجـال
أيضا بنـات النـاس ماهـن سويـه

\

/

\

وسلامتـــــــكم

اعــــــــجــبتني
ونقلتهأأأأأأأأأأأأأأأأأأأأأأ اليـــــــــــــكــــم