مـــــاهــو الـــبيت الـلـي يجـــي عـــلى بــالك..... اذا ضــــاق صــــدرك ؟

[al-shmaly]

مايصح إلا الصحيح وأي غلط مايكـون صـح!!
ومـن يطبّـل بـس كـذا مـع مـن غلـب هــذا لأيــم
ومن بغى الدّحْ مـن مزاجـه يصمـد ولآيقـول أح
وإلا يكفـي النـاس شـرّه ويلـعـن بلـيـس الرجـيـم
مـن حكالـك شـي حكابـك!! يامـا والله فـيـك دح
وكم سمعـت مـن العلـوم وفـوق ذي علـمٍ عليـم!!
يعلـم الله إنـي إبـغـض مــن بـجـرح آخــر فِــرح
وإنـي إغـلـي مــن يـحـب الخـيـر وبقـلـبٍ حمـيـم

[اسير الشمال]

لاجل الشمال وريحة الطيب والهيل ... حتى اتجاه البوصلة جه شمالي



شـكــ وبارك الله فيك ـــرا لك ... لك مني أجمل تحية . على موضوعك القيّم

[ريم السبهان]

[align=center]

على كف القدر نمشي ولا ندري عن المكتوب

عبـارة كنـت ارددهـا صـدق مـن قـال معنـاهـا

تضحكـنـا تبكيـنـا تمشـيـنـا عـلــى المـطـلـوب

علـى كـف القـدر نمشـي دروب مـا عرفنـاهـا

متى حظي يحالفني يصحـح وضعـي المقلـوب

يـعـدل قـسـوة الايــام وغلـطـة مــا ارتكبنـاهـا

[/align]

[أصايل]

موضوع جميل ويلفت الانتباااه وحييك علي هالفكره

أما بالنسبه للابيات الي ارددها وقت ماكون مضايقه

اذا ضاقت بك الدنيا ففكرفي الم نشرح ** فعسر بين يسرين متى نذكرهما نفرح

[al-shmaly]

السلام عليكم جميع

وشلونكم ان شاء الله طيبين
ومن الله قريبين وماشاء الله على
تواصلكم العااااااااطر (مبروك عليكم المطر)

<<<<<<<<<<<< توه جاي من البر


[imgr]http://www.geocities.com/nayfat2000/dallah.jpg[/imgr]



لاجل الشمال وريحة الطيب والهيل
حتى اتجاه البوصلة جـا شمالـي

مدري عشق بافعالنا فزعة الخيـل
مدري عشق فينا صعـود المعالـي

مدري عشـق فنجالنـا والتعاليـل
او عشقه اكبر من مساحة خيالـي

او لاجل شمـر متعبيـن المعاميـل
او لعنزة مـن دار غالـي لغالـي

[al-shmaly]

السلام عليكم كلن باسمه

وشلونكم ان شاء الله ابخير

وابيات اعجبتن اتمنى تعجبكم


قالت الله لا يهينـك انـت خابرنـي بدويـة
ما احب الي يمسس غترته ويز بـط عقالـه

أنـا ودي ببـدوي يمشـي بدمـه حمـيـة
لا تعـزوا بالقبيلـه كلهـم صـاروا عيالـه

البدو غالين عندي لو حصل منهـم خطيـة
الولد فيهـم يسـاوي شيـخ بجاهـه ومالـه

قلت انا أنعم وأكرم ما كذبتـي يـا اجوديـة
سجل التاريـخ عنهـم البطولـة والجمالـه

لكـن الله لا يهينـك لا تناسـيـن البقـيـة
الحضر رجالهم يا وسع صدرة وطول بالـه

في المواقف إنشديني ما يتخلى عـن خويـة
لا فزع ما عاد يدري من وراه ومـن قبالـه

وضيفهم يبشر بعـزه والوفـاء والمقدريـة
كل واحد يسبق الثانـي ولا نـدري بحالـه

قالت اكبر عيب فيني يا الحضر النرجسيـة
ما أظن أحـدٍ بيغرينـي بطبعـه أو جمالـه

أنا احـب الـي زهابـه حاجتيـن وبندقيـة
يفتخر بالذود ويسرح كل يـوم فـي حلالـه

وانلفاه الضيف شاف الفرق شاف الناس حية
بدوي صوت نجره أطرب الطرقـي وجالـه

قلت أنا ليه اختلقتي فرق وسويتـي قضيـة
الكبر لله والمؤمـن ضعيـف بـراس مالـه

يا بدويه الجروح اللي مـن أسبابـك نديـة
والخفوق اللي تحـرا جيتـك يامـا جرالـه

والعيون اللي تمنت شوفتك صـارت شقيـة
والفراق اللـي بليـا ذنـب يذبحنـي لحالـه

قالـت الله لا يعاقبنـي أنـا بنـتٍ بـريّـة
من السوالف كلها والحب وين اللـي وفالـه

يـا ولـد لا تحسبنـي جاهلـه ولا غبـيـة
الهوى ما هو كذا والحب انا ما بـي مجالـه

أنا أخوي ان قال أخو فلانه عرفت إني بدوية
تجتمع روس العرب له من يمينه من شمالـه

[بالمختصر..]

المسأله لو هي علـى ضيقـة الخلـق
هوّنتها وآقـول : ضيقـة دقايـق

المسألـه عبـره سجينه بهالحلـق
ترقى دموع وترجع .. لـ صدر ضايق




.
.

[al-shmaly]

هلا وسهلا بالجميع


ياكبر عذر الصمت عند المحبين
بين العناد وعند لحظات الإلهام


مثل العتاب ان صار مابين قوسين
يعود للذكرى وانا اروح قدام


ماني اللي تجذبه غمزة العين
ان صار لي عن غمزة العين مهزام


وكان العناد يهد ناسٍ ضعيفين
انا تقويني عزومي بالأيام


قاسيت بالدنيا من الزين والشين
لاما خذيت الصبر ترشيح ووسام


يابنت ياللي مابغيتي تعذرين
قلبي على كف القدر بين الاخصام


ياما قطفنا من ورود البساتين
بحدايقٍ تسوى من النيل للشام


العفو مانهجر من الناس غالين
بس الغلا ماهو تقاطيع وإسهام


اما يجي كله على الراس والعين
والا يطيح ولاهو إجبار وإلزام

[بالمختصر..]

يا الله دخيلك .. كلها شالت رماح
............................ حتى الوغد .. قام يتخمــّش رسنها ..

مات الحياء .. والمرجلة دمها ساح
............................ كل كشف عن ( سوء نية دفنها ) ..

دامه زمن عقرب .. وحية .. وتمساح
............................ خل الأسوووود تنام .. ماهو زمنها ..




.
.

[بالمختصر..]

رغـم امتـداد التعـب عيـّا يمـوت الطمـوح
والشمس بكـرهـ ورغم أنـف الدجى شارقـهـ . .




.
.