مـــــاهــو الـــبيت الـلـي يجـــي عـــلى بــالك..... اذا ضــــاق صــــدرك ؟

[قمر اللــيل]

[mark=#CCCCCC]
وانا احسبنك طيّـب وقلبـك رقـاق
يامـدرّس فنـون القـــسـاوه لجيلـه

*

رح والشقا على الهواجس والاوراق
ياللي عقب فرقــــاه شوقــــه بديـــلـه


*
اشتاق وادري مانت راجع لو اشتاق
مير العـوض بالذكريـات الجميلــــه


[/mark]

[قمر اللــيل]

لآ تسّألني , عن اسبآب الزعل / مـدّري !..
يجوز نفّسي على كثّر الجفآا [ ارّتآحتْ ]




أو يمّكن إنّي عرفّت السرّ منْ " صغّري " !
مآ بـ الحمآمه حــزنْ .. لو إنهآا نآحتْ



حتى اتّخذّت ( الهجرّ ) .. في مقّتبل عمّري
طبيعه زآحتْ الاحّبآب .. مآ انّزآحتْْ !..



مآ والله ( ابّكي ) ولكن !.. من سنآا جمّري
شفّ ريحة العود .. لوّلآ الجمّر / مآ فآحتْْ



[( كمْ " عبّرةٍ " لآ غفيتْ .. اكنّهآا بـ " صدّري " ! )]
مير " البلآ " .. لآ قعدّت الصبّح / ( مآ رآحتْ ) !..



( تكّبر معي ) .. تدّركْ المحّجر .. و لآ تجّري
[ من يوصفّ " الدمّعه " اللي مآ بعد " طآحتْ " ؟.. ]



ابّقى على حآلتي .. ادّري و لآ ادّري !!!...
لآ اجّتآحتْ ايآمْ .. بعّض ايآمْ مآ اجّتآحتْ !



بس اتّركني .. ( انــا ) و ( عبّرآتي ) و عذّري ...
عآيشّ على ( ذكّريآتْ ) الغير لآ لآحتْ



و إلآ ( إنّتْ بـ الذآتْ ) .. لآ تجّرح و لآ تبّري !...
لآ عين رفتْ لكْ .... و لآ اذّن صآحتْ !!!

[al-shmaly]

اهلا وسهلا بقمر الليل وتفديري لك

اسعدتني جيتك وطرحك دايما مذهل
ومايهون راسك وراس من عقبك (وصح ابدنك)

لاتحرمينا كرم تواصلك وابداعك



من يقول إن الأماني كل أبوها مستحيله ..؟
الغبي .. من عاش يردد مثلهم .. كلمة " محـال "
صح به أشيا صعيبه .. أو فـرص جـــداً قليله ..
بس لا تيأس بـ حجة .... ما بقى عندي مجـال ..!
لو صرخ حيلك تعبت .. استنفره ثم شد .. حيله
و أصرخ ابوجه التخاذل : ليش لا يـ ابن الحلال ..؟

[al-shmaly]

من تردد ساعة العازه بطا
مايلاقي حزة الشده سنيد..

دايم الدنيا ترى أخذ وعطا
من يفيد اليوم باكر يستفيد..

الرفيق الصح سترك والغطا
ودرعك وسيفك على الخصم الضديد..

لو على جمر الغضا لأجلك وطا
زعلتك حزنه وفرحك يوم عيد..

[al-shmaly]

خضوع المهانه ولا رجوع الوراء

ثابت" في مكانـي بالعـلا موقعـي

شمري من سلاله طي بـه نذكـراء

معتلي في سنام المجد هـو منبعـي

كيف بالوقت واحد ما درى ولا دراء

كيف عايش زمان الحسد بلا مسمعي

ما التفت للحسود اللي علي انكـراء

غاض من فعل شمر ما طلع مطلعي

[al-shmaly]

يا ما حلاااا الفنجال مع سيحة البال
في مجلسٍ ما فيـه نفـسٍ ثقليـة
هذا ولد عـمٍ وهـذا ولـد خـااال
وهـذا رفيـقٍ مـا لقينـا بديلـة

[ليلى بنت عبدالعزيز]

متابعه لك كل يوم اخوي الشمالي
واسمحلي بحفظهن..

[al-shmaly]

هذا من دواعي سروري عزيزتي

ومسموجه ياذوق ماعندي الا حلالك

والشرف لي طال عمرك مشكوره ردك شهادة فخر!!!

تقدر تعيد إلي راح تشفي من القلب الجراح
يا حب زمان راح الحنان والعمر يا لمحبوب راح

إلي راح لا يمكن يعود يا من تجاوزت الحدود
كل يوم تجرح في الحبيب حتى كبر جرحه وصاح

سنين في حبك بكيت وأنت بغفلة ما دريت
راضي بهمي والنصيب أبكي في ليل وصباح

كم بعت فيني واشتريت جرحتني لين أستويت
ما عاد لجروحي طبيب أبعد ومالك في صلاح

تركتني لين انتهيت وعدت لي نادم وجيت
مالك للطيب نصيب والعفو منك والسماح

[بنت الجبل آخت القصيد]

الليله اغراني السكوت عن الكلام
بردانه من جوّاي و اتقاطر عرق

لو كل هم ّ يمرّني ، يمرّ بـ سلام
ما كنت اسولف للسما وانزف أرق

و الآدمي لا طاح من طوله وقام
وحاول يعيد اللي مضاله أحترق

أحيان ودّك تفرش الغيم وتنااااااااام
و تصير مثل الريح و همومك ورق !
.
.
.

[al-shmaly]

عطر القصيد متابع لكل ماتطرحينه

دايما انتقائك رااااايع وراقي ولاهنتي

الـنـاس لـيـل سـاريــات سـواريــه
لا تَْنـشـد المنـجـوم ويــن الرفـاقـه
احــدن يعيِّـفْـك اولـــه دون تـالـيـه
بَـسّ يتكلـم ،،، تـدري انــه لعـاقـه
كـلٍ يَعَـرْفَـه مــا احــدٍ جـاهـلٍ فـيـه
الحنظلـه مـا احْـدن يجـرب مـذاقـه
مـن بـه طْبَيـعٍ خــاربٍ مــا يخلـيـه
يبيْـن ريــح الـعـود عـنـد احتـراقـه
مـاكــل رجـــال يــمــرك تـخـاويــه
نزغة ابليس احـذر يحطّـك اعْلاقـه
بعـض الاوادم مــا بــه الا بـلاويـه
ماريّـتـه تـلـمـع مـصـاطـي فـلاقــه
وبعض العرب ما ودك انك تلاغيـه
شـفّـاي وعـيـونـه تـلاقــط حْـداقــه
بنى علـى حـش العراقيـب ماضيـه
يـحـزّ عرقـوبـك عـلـى حــد سـاقـه
واحـدن غشـيـم لازم انــك تهـاديـه
يـامـا يجـيـه الـلـي يـجـوّد وْثـاقــه
لابـد مـا يلـقـى لــه الـلـي يلاحـيـه
يمشـي عـدل والعيـر يرْكِـد نْهـاقـه
واحدن غثيث ويدبـل الكبـد طاريـه
لـو تنفضـه يلصـق بثوبـك لْصَاقـه
طبعه لُحوح ولازْمَهْ غصب تقضيه
تـقـول لــه بعـديـن لا شــك عـاقــه
واحـن خـدوع ولـه لسـان يهقويـه
ينصب على الطيب بخبـث وحَذَاقـه
يقـرا الكسيـر وكــل شــي يسـويـه
ويجـرب بـروس اليتامـى الحـلاقـه
واحـدن بخيـل ولا يـشَـرِّه عََوَانـيـه
يَشْـره عليـك وشرهتـه بــه نـزاقـه
يبيـك تقـضـي حاجـتـه مــا تخلـيـه
حتـى لـو انـه سارحـن مــع نيـاقـه
مـن دار دولاب الفلـك مـع مجاريـه
والمعرفـة تلـبـس عـبـاة الصـداقـه
بَعَـض علاقـات الجماعـة مشاريـه
احــلاف واهــداف وخفـايـا دقـاقــه
من صار راعي مـال كلـن يصافيـه
صعـب علـى كـل الجمـاعـة فـراقـه
ليـا ارتكـى مـا كــل رجــلٍ يراكـيـه
لـــو ان رَبْـعــه ِيِلْحْـقـونـه لـحـاقـه
والمعدم الطفران ما احـد ن يدانيـه
كـنّـه غـريــب يسـتـحـقّ الشـفـاقـه
ليـا طلـب لـه حاجـة قيـل مـا فـيـه
لو ان له بالطيـب سـاس و عراقـه
لفظ الصداقـة كيـف يعطـي معانيـه
والمصلحـة تملـي شـروط العـلاقـه
كل يجامـل صاحبـه لاجـل يرضيـه
والسالفه00 ماهـي خواطـر رُفاقـه


لاتنتظـر مـن فـاقـد الـشـي يعطـيـه
الــراي خـطّـه والحـمـاقـه حـمـاقـه
درب الـمَـغَــرَّه بـيـنــات مــواريــه
لــو زيَّــف الغـايـات بـرقـع نْـفـاقـه