مـــــاهــو الـــبيت الـلـي يجـــي عـــلى بــالك..... اذا ضــــاق صــــدرك ؟

[al-shmaly]

/
\

تحملت من جور الليالي بـدون قيـاس
ولو حملها ميل على المتـن واوجعنـي..

وصبرا ّ على الشده شجاعه وقوه باس
لكن الظـروف القاسيـه ماتطاوعنـي..

ليا اجتمعت الثنتين حاجه وشيمـه راس
وهـذي تنزلنـي.. وهـذيـك ترفعـنـي..

رفعت النظر والله عطاني نظر واحساس
وهي ميزه في كـل الاحـوال تنفعنـي..!

[al-shmaly]

وجه الشبه بيـن المحبـه والعـداوه منعـدم

وناتج مزيج العنصرين اسمه مجامل او نفاق

كل فعل له ردت فعل والله خلقنـا مـن عـدم

يعني احاول امزج الافكار مـن غيـر اتفـاق

اضرب مثال وخلنا انغـوص بـه ميـة قـدم

حاول تركز والهدف معروف قبـل الانطـلاق

قولت جبان آخير من مات الشجاع المحتـدم

ويا بطولات العرب فيها مع الفكر اصطفـاق

لان الجبان يموت موتة كـل جبانـن منهـزم

عمره يطول وخيبته تاتيه في اوسـع نطـاق

والحر لا منه نـوى يفعـل ولا عمـره نـدم

وشيل الحمول يشيلها ويطيق لو هي ماتطـاق

من عاش مات وبعدها من مات فات ومنصرم

لا يرده الحارص ولا ايعجلـه كثـر التـلاق

يمكن يموت المستصح ويطول عيش المنسقم

يمكن نموت بحادثه او يمكن اثنـاء العنـاق

الذيب ما يهرول عبث وال*** يلهث من عدم

ولا ينفعه فرخ النعام ان دس راسه في الطباق

والرابح اللي مريحن راسه ولاهـو منحـرم

من هيعتن او فزعتن او كرمتن او من سباق

فرق الجبان المختبيء عن الشجاع المضطرم

لو ينمزج هالعنصرين مصيرهـن للافتـراق

[al-shmaly]

أناقصيدي هو ونيسـي والدفاتـر والقلـم
لاضاق صدري جيتها وسميت بالله وابتديت

وبعثرت همي بالقلم واوجاع قلبـي والألـم
وبديت ارتّبهاعلى هيئة قصيده بيـت بيـت

[al-shmaly]

وين الأسامي يا كبار الأسامـي
الحق ضايع والمخاليـق لاهيـن..

انصفّق لياسر ونهتـف لسامـي
والغرب يلعب في ضحايا فلسطين..

[al-shmaly]

اللي يعرف الذيب , ما يجرح الذيب *** واللي يعرف الصقر ماهو بشاويه
قلته وانا اللي علمتني التجاريب *** ان الخوي مايترك اللي مخاويه
والطيب (علم رجال) لو ما بقى طيب *** والرجل تلقى فزعته في هقاويه

[al-shmaly]

::



يعني فعلاً ما أنت داري ليه انا اشتــاق الغيـــاب ?
كان قصدك جـــاي تســـأل لازم أنك تسمعـه

في الحقيقه لستُ أملك للســؤال أيّــة جـواب
كل ما في الأمر واحد غــاب وأشغلني معــه

البلا مو أي واحـد غاب واحسب له حسـاب
قلب روحي وعين عقلي بالنهـاية أربعــه !!

شفت / يا كثرك / حبيبـي.!!

/ آسف / اقصـد يا عــــذاب

شفت وش ســــويت فيني

عـايــشك في معــمـعـه

يعني لازم اعترف لك / واعتـــرف إني مصــاب
والطــريـق اللي خــذلني مـا جبرني اتبــعـه

وانت لازم..

كــــل قصّــه تحت عنـوان الكتــــاب
وكـل غلــطـه تـرتكبهــا ذنبهـا عالمطبــعه !!

:
:

حس ياخي حس مرّه حــس مرّه بأحتسـاب
حتى الأعمى لا ظَلمتَـه دلَ كفّــه مدمــعـه

حس ياخي /

خاف ربك /

صار ذاك الطفل شاب

من وجــــوعه

قـــــام جوعه

ياكـله

ما يشبعه

.
.
اعتبرني شخص عادي قــال من بـاب العتــــاب
كلمـةِ حـزّة بصدرك كيــف تقــدر تقنــعـه ؟

من متى والغيــم يشكي للسمــا وقــع الســــراب
لي متى والظيـم يحـكي للظمـا عـن مطمـعــه

اعتبرني شخص مـاهر يمطـر بوجه السحــاب
وجرهــدي البيد تروى من معاليــق اصبعــه

يستبيح اطهر شعوره كـــان شاعر ثـــم تاب
صار قــاسي ما يحـرّك شعر راسه زوبعــه

يعني تقـــدر تعتبرني /

فص في ملحــك وذاب
________ تنثره / ترميه / كيفك /

لكن (اصحــك) تجمعه...!








::

[al-shmaly]

.
.
.
تـــبــــــي الــــصــــراحـــــــه ..؟
,
مـــشــتـــاق أســافــر واعـبّــر لك عن أجـوائـي ..
مـشتـاق اغـايـر ضــــروف الـوقت / وامـحـيـهـا ..
مليـت (كـبـت) الـحـيـــاه وامـــشــــاهــد أدوائــي ..
وانــا بــشــر والبـشـر/ قــســوه / وتــنـهـيـهــــــا..
.
.
.
هـنـاك /
كـان إشـتـيـاقــي لـلــســفـــر
وهـنــا /
سـافـرت أمــانـي بــعـيــــــده
وصـاح /
داخــــل اوراقــي شــــعـــــر
يـســأل /
بـنبــرة الـصـوت الكـسـيــره
لـيـه /
بنفوسنا /تروح أشيا كثيـره ؟
.
.
.
اتـصـدقـي /
احـس الــوقـت صعب
بغيابك ..
وحـلمـي /
صار هـو انتـي ومتـى
ترجعـيــن ..؟
وطيفك/
مافارقني دقيقه ..كانك
تبين الحقيقه ..
,
بـيــنــي وبـــيــنـــك..؟ / لـوعـنّــي ســنـيـنـي
انـا..؟ / انـتهـيـت وصـعـب تــجــمـع شتــاتي
يـالله تـهــونـهـا.. / واشـــوفـــك ابـــعـيــنــي
عـقـب الـبـطــا والـبــعــد / تــســعـد حـيـاتـي
.
.
.
تـعــالــي وهـنــئــيـنـي ..
غائيه؟ أدري..بس شفتك!!
ابعـين قـلـبـي وسـامـرتك..
لـيـلـه وكانـت الـدنيـا قمـر..
قـمـر وتسألي كيف /
شفتك ياقـمـر..؟
حقيقه /
الواقع عـذاب × عـذاب
اشتقت لك /
كثـر ماشتقت انا للسفر
واخـاف/
تروحي ابنفسي / مثل
ماراح السفر..
.
.
.
بعيده عـن اوطـاني وانا بـعيـد ..
وآه لو تدرين / هنا,كأن الآه/
الـدمـعــه فـي عـيــن رجـــال ..
يعني بـكيـتـك / وطـاحت الدمعـه..
ونزلت اشيلها..وزاح العقال..
واختلف كلّي .. وضعت فيك..
,
كــثــر مـابــعــد عن اوطــانـــك / كثـر /مـاشـاقــنـي شــوفـك
غــريـب الــوقـت مـن دونــك / كـرهـت الــقـاصـي والــدانـي
.
.

[al-shmaly]

للقرائه فقط لاغـــــــــــير

ممنوع الأقتراب والتصوير

( المنظقــــــــه محظوره)

(بعض السوالف)












بعض السوالف) مالها داعي .. ولامنهـا هدف
وبعض الحروف تضمّها (حكمـة) تثير المستمع
:
بيـن الردود و وجهـة التفكير .. رأي ٍ مُختلف
وبين الحروف ومن يشوف الحرف..فكرة تجتمع
:
كل الكـلام اللـي يقـال .. وكل كلمـة تنكشف
دايـم (تمّثل فكـر قايلـها) .. (لفكـر ٍ يستمع)
:
بعض السوالف تنسرد بأسلـوب (راقي محترف)
نفهم (هدفهـا) لالفـت .. والكـل منهـا ينتفع
:
وبعض السوالف للأسف .. وأعيد أكرر(للأسف)
لاجت تثير العاصفة .. والزوبعة .. في المجتمع
:
(المزح) لامن (زاد) يصبح فـي سوالفنا (قرف)
و(المدح) لا(بالغت فيه) يضيـق صـدر ٍ متسع
:
و(الضحك) لامن صار ماله بالمواقف (مُنعطف)
يقلب موازين (الشعور) .. ولايزيد (إلا الوجع)!!
:
و(الجد)ّ لامن زاد مـرة .. أو دخل فيه السرف
يصـير دم اللـي تحلّـى به ثقـيل ومـرتدع
:
(لاتوقف) بحرف السوالـف والكـلام وتنجرف
و(لاتجي) بأقصـى شعـورك والسوالف مندفع
:
الحرف (واحة) لو بغيـت تعيشهـا (لاتنحرف)
إسق ِ جفـاف ترابهـا ليـن (المعاني تنزرع)
:
وإذا لمحـت أثمـارها (خذهـا) إذا هي تنقطف
وإن شفت بعـض أشواكها (أبعد) وخلّك مرتفع
:
خلّك من اللي (لاحكى) تسمع له الناس بشغف
جوهر ولامنّه ظهر حرفك على المجلس سطع
:
ماهو من اللي لاحكى يحكي و(يرفض لايقف)
(غيمة سواد ٍ )لاحضـر كـل ٍ يبيهـا تنقشع
:
أسلوبك الراقـي (دليلك) .. لوتعمـدت الترف
ولوتلبس (ثياب الذهب) (ماتستر بنفسك طَبِع)!

[al-shmaly]

أبيـك تفهـم مـن يحبـك ويغليـك

وا نت ا لقصيد اللي نغنيك طـاروق

أ بيك تعطيني مثل مانـي ا عطيـك

شوق الهوى ياشوق لك ساقني سوق

على القرا يـب وا لبعيديـن أبديـك

والحال من بعدك غدى شبه مدقـوق

شهد ا لعسل ينساق من بين أ شافيك

شهد ٍ رحيقه ينعش الروح بالـذوق

يا إ ما تحس بلهفتي يـوم أناجيـك

ولاترى قلبي من الحب (( معتوق ))

شاعرة نجد

ال حوراء

[هايس الشمري]

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""] لاضاق صدري وانكرت نومي العين = والهـم جالـة بالخفـوق اجتوالـي
سجيت رجلي مع فجوج الخلا ليـن = واخترت من روس المراقيب عالي
فكيت ازاريري وقلت الهواء ويـن =وعرضت صدري للهبوب الشمالـي
يدق جوالي .. واقول الـة بعديـن=ملحوق يالمجمـول سمـح القبالـي
اجلـي همومـاً ضايقتنـي ببيتيـن =يبردبهـا جاشـي ويرتـاح بالـي
في خالياً مادوجوا بة هـل الضيـن =السيل عـادة عقـب سيلـة ليالـي
ابرا لوضحً مارعوهـا السفاهيـن== اهـل الشبـوك معاقبيـن الحلالـي
ماصلفقت بالرعيـة يسـار ويميـن= وعن دربهـا مارددوهـا العيالـي
علط الرقاب مطيشـات السلاطيـن =مطيرات النـوم سحـر وجمالـي
وضحً تماري (بالنعش) فالمياديـن=صورة من الخالق عظيم الجلالـي
لاجاء المزاين وازدحـام المزاييـن=تتلأ هـذاك اليـوم ماجـات iتالـي
مادوج الشراي في وسطهـا ديـن =ولخشمها ماكرمت خشـم الريالـي
لاصوت الراعي ولدت لـة بحيـن = وركبت على درب الرحول العجالي
طوحت بالغترة سـوات المجانيـن= والحقتهـا طاقيـتـي والعقـالـي
تزهر لي الدنيـا ورود ورياحيـن = وكني ملكت الكـون كلـة لحالـي
[/poem]

سعود بادي